المشاركة الأصلية كتبت بواسطة waleedezzat921
ان معايا عربيه واجا 2009 و كان مش راكب فيها سنتر و قالولي السنتر بيركب عند الوكيل و على حسابه . و فعلا ده حصل و ركبوه في صيانة ال 5000 و استلمته و كان شغال . و لكن بعد فتره قصي بدأ يعلق و كان مش بيرضى يقفل . اول مره عملها معايا كنت في اسكندريه و طبعا سببلي مشكله كبيره لاني كنت رايح في شغل و ما قدرتش اقفل العربيه و اسيبها في الشارع فطبعا ما عملتش شغلي و روحت توكيل عز العرب في اسكندريه و فكوا فرش الباب و قالولي مش هاينفع تتصلح لانها محتاجه قطعة غيار ( اوكرة باب) و هي مش موجوده عندنا ممكن تكون في فرح الصحراوي في القاهره . رجعت القاهره و ضبعا كانت الدنيا ليل و اضطريت ابيت العربيه مفتوحه تحت البيت و اتصلت بفرع الصحراوي قالولي لازم تحجز و تاخد ميعاد و كان الميعاد بعد يومين . و طبعا ما كونتش عارف اروح شغلي لان العربيه مش بتقفل و لا حتى بالمسوجر . و اثناء اليوم باجرب العربيه فقفلت . و بعد كام يوم روحت الصيانه في فرح العجوزه علشان اعمل الصيانه بتاعة العربيه و كان موضوع القفل ده بيتكرر و جربوها في الصيانه و لقوها فعلا ساعات تقفل و ساعات لأ . فاقالولي دي محتاجه فرع الصحراوي لاننا مركز خدمه سريع . و ده كان يوم خميس و في نفس اليوم بالليل العربيه عملت الحكايه دي تاني و المره دي ما رضيتش تقفل نهائي و تكررت المأساه مره تانيه معايا . لكن المره دي اضطريت اروح بيها لواحد بتاع ابواب علشان يصلحهلي لاني كان مستحيا ابيتها يومين يومين لغاية ما احجز ميعاد و يا عالم هايكون الحجز بعد كام يوم ( ملحوظه : في هذه الاثناء اتصلت بمركز امير و جوزيف علشان يحللي المشكله و لكن قالي لازم تحجز بعد اربع ايام و رغم اني شرحتله الظروف و اني مش عارف اروح شغلي لكنه قالي دي مش مشكلنا و ده كان رد غريب جدا ) المهم المره دي روح بيها لواحد بتاع ابواب و سنتر لوك على اساس يفصلي السنتر خالص بس هو قلي المشكله في القفل نفسه و حاول يصلحه ما اتصلحش و ركبلي طرنبه خارجيه للقفل و اشتغلت و لكن طبعا القفل تقل جدا و انا مش مرتاح للحل ده . المهم انيلما كلمتهم في فرع العجوزه قالولي انته استلمته شغال . و ده طبعا رد مش منطقي . المهم انا عاوز الغي السنتر و ارجع القفل عادي تاني زي ما كانت جايه من بلدها بس مش عارف اعمل ايه و التكلفه دي هاتكون عليا و لا على التوكيل و ممكن تكون كام لان طبعا التوكيل هايقولي انته لعبت فيها بره . و لكن انا ما كنش قدامي حل تاني . مع العلم ان العربيه في الضمان.
---------------------
برجاء كتابه اسم مالك السياره - رقم الشاسيه و رقم الهاتف , لكى يستطيع المهندس امـر من متابعة الشكوى
مشرف القسـم , ب8
04:50pm 09/06/2010