السلام عليكم يا باشمهندس امر
انا مصطفى بتاع طابا
مشكله التيل عاملالي صداع رهيب
التيل بيصفر على طول مابيسكتش الا لما اضرب فرامل
مش عارف اعمل ايه صوتها مزعج جدا جدا جدا
السلام عليكم يا باشمهندس امر
انا مصطفى بتاع طابا
مشكله التيل عاملالي صداع رهيب
التيل بيصفر على طول مابيسكتش الا لما اضرب فرامل
مش عارف اعمل ايه صوتها مزعج جدا جدا جدا
الى المهندس / آمر
انا عربيتي جين 2 مانيوال موديل 2008
رقم شاسيه / 168198
رقم موتور / 7186
انا حجزت للصيانه المجانيه ليوم 8/7/2009 وبالمره حجزت لصيانة ال 10 الاف ف نفس اليوم
روحت التوكيل ف الصحراوي
قابلني المهندس/ سيد واخد ملاحظاتي ع العربيه وسبت العربيه للصيانه
اتصل بيا بعدها وقاللي التيل الامامي عاوز يتغير قولتله غيره علشان ميقوليش بعد كده لو حصل حاجه للطنابير هتطلع من الضمان
المهم بعد الصيانه روحت الحسابات علشان احاسب قاللي الاستاذ / احمد الحساب 592.90 جنيه
وعلشان كنت مستعجل جدا دفعت بسرعه ومشيت وبعد ما روحت البيت اكتشفت الاتي :
1- لم يتم عمل اي خصم لتيل الفرامل والمفروض ان احنا ف حملة الصيانة المجانية وفيه خصم 20% على قطع الغيار !!!
2- تم احتساب مصنعيه ب 2.4 ساعه بمعدل 75 جنيه للساعه ومش عارف ازاي 2.4 ساعه ف تغيير زيت وفلتر وتيل فرامل والمفروض ان فيه فحص مجاني على باقي العربيه !!!
3- اللي عاوز افهمه فعلا ازاي تيل فرامل يتغير وانا لسه مكملتش 10 الاف كيلو
ارجوا الرد ومراجعة الصيانه لأن خلاص هتجنن وبفكر فعلا مروحش التوكيل تاني
مع خالص تحياتي
ساري ربيع
مع العلم اني كمان مخدتش التيل القديم
شكر خاص للمهندس / آمر
تلقيت اتصال من المهندس آمر لبحث شكواي
وكنت سعيد جداً بالاتصال :
اولا : لأنه طلع بلدياتي ( مولود في ليبيا )
ثانياً : لاهتمامه بالشكوى وبحثه وتوضيحه للامور التي كنت اود توضيحها
خالص شكري وامتناني مره اخري ليك يا باشمهندس
ودا دليل على ان التوكيل في تطور واهتمام بعملائه
مع خالص تحياتي
ساري ربيع
السلام عليكم يا مهندس آمر ,
أحب أن أتوجه لحضرتك بخالص الشكر لإهتمام حضرتك بالمشكلة الطارئه البسيطة اللي حصلت في عربيتي البرسونا ومكالمة حضرتك ليا وتحديد موعد رغم علمك أنها مشكلة بسيطة (مجرد تربيط عفشة) وللمهندس أحمد مرزوق اللي عمل اللازم وزيادة أنا روحت إنهاردة والمهندس أحمد إستقبلني وركب معايا العربية وطلعنا جربنا وسمع صوت الطقطقة ورجعنا وعمل الأوردر وطمني إنها مسألة بسيطة جدا ومجرد تربيط وفعلا بعد أقل من ساعة تم عمل اللازم وطلعنا جربنا تاني والصوت إختفى تماما وكمان شيك معايا على كل حاجة في العربية وطلع كله تمام وإستلمتها ومشيت .
لذلك وجب الشكر لحضرتك والمهندس أحمد , وفي تقدم على طول إن شاء الله , ربنا يوفقكم
أحمد عزت شلبي
بروتون برسونا 2009
شاسيه : 215323
موتور : 9763
ساعدوني:N_no[1]: انا استلمت بيرسونا يوم 14-7-2009 ولكن صوت الماتور عالي اوي \\\ العربية مانيول الثاني ما بيعدي 25 كم في الساعة مع اني في كتاب خدمة السيارة الثاني حتي 55 كم في الساعة
العربية عملا 625 ك
الرجاء كتابه رقم الشاسيه والموتور ... لكى يستطيع المهندس امر الرد على مشكلتك
مشرف القسم
انا اسف مقدما لو كانت رسالتى تمثل اى عبء على المهندس امر بس انا فعلا خلاص تعبت من مشاوير التوكيل انا عندى مشكلتين فى العربية و للأسف كل ما اروح التوكيل يقولو لسة قطع الغيار ما وصلتش مع العلم انى للأسف لما بسأل على قطعة الغيار بغرض الشراء يقولو اتفضل القطعة موجوده و ده والله حصل
انا معايا جين2 موديل 2007 عاملة 15000 كيلو فقط و رقم الشاسية 98764 من حوالى شهرين الموتور اللى بيحرك نور الفانوس الأمامى اتحرق و رحت اسال علية قالو لسة قطع الغيار ما جتش من ماليزيا و المرة التانية قالولى لا اصل الموديلات الجديدة النور فيها مش بيتحرك عشان كده الموتور ده ما بقاش بينزل و ناس تانية قالو لا ده موجود بس اصل لازم نغير الفانوس كلة انا مش عارف انا ذنبى اية في ده كلة و نفس الموضوع حصل فى الزر بتاع الإنتظار فجأة لقيتة مش شاغال و برضو مش موجود انا مش عارف اعمل اية؟ ارجو من سيادتكم الإفادة
اسف على الإطالة
م/ محمد
م/ محمد الرجاء الافاده عن مركز الخدمه الفائم باعمال الصيانه الدوريه لسيارتك
السلام عليكم ... انا بس عندي حاجة محيرانى ومش عارف افهمها .
انا معايا جين2 وعاملة دلوقتي 60000والموضوع فى انى كل لما احط موبيل1 وانا على طريق السفر لما بزود السرعة ل 150 بلاقى العربية بتسخن مع العلم انى لسة مغير الزيت قبل مسافر على طول انا مش فاهم ده من اية ومش اول مرة وبيعمل كدة مع الزيت دة بس يعنى لما بحط xhp مبيحصلش كدة يارييت يا جماعة لو حد عندو معلومة يفيدنى بيها وجزاكم الله خير
الرجاء كتابه رقم الشاسيه والموتور ... لكى يستطيع المهندس امر الرد على مشكلتك
مشرف القسم
مركز العجوزة هو المركز القائم بأعمال الصيانة الدورية للسيارة
ملحوظة: بالنسبة لموتور الفانوس الأمامى فالرد الذى يفيد بأنة مش بينزل التوكيل تانى كان فى المركز الرئيسي
شكراً م / امر
/ خــبــر \
--------
نــأسـف لتــأخر المهندس/امــر الكوافــى ... فى الرد على استفســـارات حضــراتـــكم
وهذا لسفـــره خارج مصر لقضــاء اجازته السنويــه
و سوف يكون الرجوع على / 18 - 8 - 2009 \ ان شاء الله
-------
تحيــــــــــــــــــــــ ـــاتــــــــــــىhttp://i122.photobucket.com/albums/o.../th_eclown.gif
لو سمحت انا معايا جين 2008 بس البطاريه ضعفت ومش عارف اذا كانت بتتشحن ولا لازم تتغير علي طول ؟؟؟؟
استاذ احمد اعتذرعن تاخيري في الرد عليك وسيتم الاتصال بك لتحديد موعد لاستكمال اي نواقص في قطع الغيار
السلام عليكم مهندس امر
انا بقالي فتره كبيره جدا مبلغ الانسه داليا
اني عندي زجاج خلفي يمين مش بيرفع وقالتي هكلمك لما تيجي المكنه والكلام ده بقاله فتره كبيره
وفضلت مستني واخر ما زهقت روحت التوكيل وركبولي خشبه تحت الازاز
وقالولي اول ما المكنه تيجي هنتصل بيك
ولحد الان محدش اتصل بيا ولا كلمني
من فضلك بشمهندس امر مستني منك الرد
تحياتي ليك
ورمضان كريم عليك
مهندس عماد حمدي http://www.nilemotors.net/Nile/nile/misc/progress.gif
رقم شاسيه العربيه 98752
موتور 4456
رقم الموبيل
0107545724
مهندس / امر
انا الأستاذة داليا كلمتنى عشان اروح اركب موتور الفانوس الأمامى و قالت انتظر مكالة اليوم التالى لتحديد الموعد و الكلام ده كان من ثلاث اسابيع و حتى الأن لم يتم الإتصال عندما قمت بالإتصال بها فكان الرد ان عدد الموتور المتوفر قد نفذت و ان انتظر حتى تاتى كمية اخرى .
ارجو الرد بالإفادة
شكرا,
اسف على عدم كتابة رقم الشاسية و الموتور
رقم الشاسيه : 98764
رقم الموتور :4485
م / محمد
تم الدمج
مشرف القسم
مهندس آمر
كل عام وانتم بخير
معاي جين 2008 بقالي حوالي 7 شهور طالب علبة دريكسيون واخيرا حجزولي ميعاد يوم 01.08.2009 لكن كلموني و اجلوا الميعاد وكلارجو الرد بالإفادةمتهم تاني و قالوا ان مافيش لسه. بالإضافة ان لازم اغير طنابير خلفية حسب التقرير الفني للصيانة المجانية.
و نظام ِالــ abs دايما مش شغال و اشتيكيت كذا مرة واول مااخرج من التوكيل تنور لمبة ال abs محدش عرف يحل المشكلة
ارجو الرد بالإفادة
شكراً
فيليب
رقم الشاسيه 159017 والموتور 3137
شكراُ
تم الدمج
مشرف القسم
سلك الدبرياج لبرتون ويرا موجود فى التوكيل ولسه ماجاش
الرجاء من الاخوه الاعضاء كتابه البيانات كامله ... لكى يستطيع المهندس امر الرد عالمشكله
واى مشاركه خارج نطاق هدف الموضوع سوف تحذف
مشرف القسم
استاذ احمد الرجاء الاتصال بخدمه العملاء بعد العيد انشاء الله
استاذ امر
تحيه طيبه:
انا مصطفى من طابا
موديل العربيه جين 2 2008 سوداء
رقم الشاسيه : 169200
رقم الماتور : 8434
رقم اللوحه : قليوبيه 55779
يا باشمهندس امر انا كنت جيت لحضرتك بخصوص تيل الفرامل هو بيصفر وانا ماشي مش وانا بضرب فرامل
ولما رحت الصيانه في صيانه التلاتين تقريبا حضرتك وصيتهم يغيروا التيل واتغير بس برده نفس المشكله
بل زادت عن الاول بكتير المهم في صيانه الاربعين الباشمهندس سيد قالي انه هيعملها بس بيقولي ان نوع التيل هو كده بصراحه
مش مقتنع
المهم تاني حاجه يا باشمهندس حضرتك فاكر موضوع الخصم بتاع عربيتي لما اتكرر موضوع الماتور وغيرت الشورت بلوك للماتور
حضرتك كنت عملتلي خصم
وبعدين الاستاذ حبيب عمل خصم اضافي تحصل من قسم المبيعات وحضرتك قولتلي لازم ورقه معتمده والقصه ديه
المهم حضرتك قولتلي اطلع للاستاذ احمد عبدالحميد وفعلا اعتمد توقيع استاذ حبيب ان هي تخصم من قسم المبيعات ومضى على كده حتى صيانه 50000
ومشيت على كده المهم في صيانه الاربعين انا رحت للاستاذ احمد المحاسب في الحسابات علشان يعملي الخصم قالي ان حضرتك مش موجود ومقدرش اعمل الخصم مع ان توقيعك عليه في الدفتر
المهم طلعت للاستاذ احمد عبد الحميد وقع على الجوب بس وقع بخصم
لما رحت اناقشه كلمني باسلوب مش عارف بس انا بتكلم في حقي وقالي احنا مش بنسرق قطع الغيار علشان نديك خصم وانا وقعت على على خصم ال20% قلتله حضرتك وقعت على الخصم الاضافي لان استاذ امر عامل طبيعي الخصم المسموح بيه قالي انا مليش دعوه اطلع لحبيب يدفعهملك طبعا ماكانش في حد لاني كنت اتاخرت والناس مشيت
انا مش عارف يعني كان كلامنا كان على ايه في الاول وحاولت اكلم حضرتك مش بترد على تليفوني ربنا يكون في عونك بس انا عاوز اكلمك علشان انا عارف انك راجل قمه الاحترام وبتلتزم في كلمتك ممكن تقولي ممكن اتصرف ازاي وشاكر ليك سعه صدرك وطوله بالك
هو الباشمهندس امر مش بيدخل المنتدى ولا ايه؟؟؟؟؟؟؟؟؟؟
لماذا لا يتم الرد على الرسائل ؟
---------
الرجاء توضيح المشكله كاملا ... ؟؟؟؟
هل تم حل اى جزء من المشكله (القديمه) ولا كما هى الى الان ... و سوف يتم متابعه مشكلتك بعد العيد -ان شاء الله-
مشرف القسم
أ/ فيليب
الرجاء الاتصال لانهاء اسباب الشكوي
السلام عليكم
أهلا بالبشمهندس \ اّمر
اسمى : إسلام فتح الباب
عربيتى gen 2 موديل 2008
شاسيه : 168514
موتور : 7255
العربيه عامله دلوقتى حوالى : 25000
انا عندى مشكله فى زرار تعلية الأنوار الخاص بكشفات العربيه
المشكله دى عندى من أول لما أستلمت العربيه
وكل لما أروح أعمل صيانه دوريه للعربيه وبسأل عن زرار تعليه أنوار كشفات العربيه يقولوا مش موجود ...
وانا حاجز زرار تعلية الأنوار عند أستاذه \ داليا من فترة كبيره جداا
فأرجو الأهتمام من حضرتك ...وشكرا لتعاون حضرتك معانا .
-------------
الرجاء الاتصال برقم الصيانه ... لان دفعات قطع الغيار ستكون متوفره بعد العيد باسبوع -ان شاء الله-
مشرف القسم
عاوز باب شنطه واكسدام امامي وطقم التبريد بتاع برسونا 2009 اسمر
انا بجد زهقت من القعده كده من غير عربيه
ياريت تساعدوني
-------------
قطع الغيار متوفره فى التوكيل الان ... الرجاء الاتصال بالتوكيل لحجزها
مشرف القسم
السلام عليكم
اهلا يا باشمهندس امر
انا عايز اقول لحضرتك ان ان اكتر واحد راح التوكيل في الاسكندريه علي مشكله واحده
رحت 7 مرات ولسه ما اتحلتش وكل مره اقعد 5 ساعات ويقولولي معلش العربيه حتبات يوم كمان وساعات باتت يومين و تلات ايام و استلم العبيه علي اساس انها اتصلحت و ارجع الاقيها زي ما كانت
مع ان العربيه ماشيه 28000كيلو وبقالها يا دوب سنه وتعبت فعلا معاهم ومش عارف اعمل ايه
اقولك المشكله
العربيه بتغيب عشان تدور وترس المرش بيلف كويس بس العربيه بتغيب دقيقه ولا حاجه عشان تدور كأنها قاطعه بنزين بس هي بتعمل كده لم تكون بارده يعني لما اسيبها تلات ساعات بس طول ما هي سخنه بتدور كويس وكل مره يقولولي سيب العربيه عشان اجربها اسيبها باليومين تلاته واخدها علي اساس انها اتصلحت ومفيش اي امل
انا زهقت جدا وقربت ابيعها مع اني شاريها بقالي 6 شهور بس ابيعها ازاي وهي بايظه وسمعت اسم حضرتك في التوكيل فأرجو الاهتمام بالموضوع
علي فكره العربيه في التوكيل دلوقت من امبارح و اتصلو بي النهارده قالولي خليها لبكره وانا عارف اني حاخدها من غير تصليح فأرجوا الافاده
--------------
الرجاء كتابه رقم الشاسيه والموتور ... لكى يستطيع المهندس/أمـــر من متابعة المشكله وافادتك
مشرف القسم
معلش هو رقم الشاسيه والموتور مش معايا لان العربيه في التوكيل والرقم بتاعها كله فيها
بس مدام/ هديل اللي موجوده في توكيل اسكندريه قامت معايا بالواجب ومخلياهم يهتموا بالعربيه مش عارف من غيرها كنت حعمل ايه
شكرا يا بشمهندس علي الاهتمام بالموضوع
بس الحمد لله المشكله اتحلت في الاخر وطلعت في طرنبه البنزين
والشكر بعد ربنا لمدام هديل والباشمهندس محمد صلاح
وشكرا مره تانيه
مهندس/ امر
السلام عليكم و رحمة الله و بركاتة
انا بعت لحضرتك اكتر من مرة و للأسف حتى الان المشكلة لم يتم حل اى جزء منها و انا مقدر حجم مشاغل سيادتكم و لذلك سوف اكرر المشكلة مرة اخرى
السيارة gen2 موديل 2007
رقم الموتور 4485
رقم الشاسية 98764
المشكلة: 1- مسطرة الإنتظار و انوار الشبورة معطلة منذر اكثر من
6 اشهر و قد ذهبت الى التوكيل اكثر من 8 مرات للسؤال و دائما يكون الرد انها لم تصل بعد و تابعنا فى خلال اسبوع او 10 ايام و حتى الان لم يتم اى شيء
2- موتور الفانوس الأمامى معطل من شهر يناير الماضى و قد تم الإتصال بى اكثر من مره للذهاب للتركيب و عند الذهاب فى الموعد المحدد يكون الرد ان اخر قطعه قد تم تركيبها و ان على المتابعة فى السؤال لحين وصول دفعة اخرى و مرة اخرى يكون الرد انة لا يمكن تركيب موتور لانة يجب ان يتم تغيير الفانوس بالكامل و بالتالى ان الفانوس بالطبع غير موجود مع العلم اننى قمت بالسؤال فى المخازن فأجابو ان الفانوس موجود.
اسف على الإطالة ولكنى لا اعلم ماذا افعل اكثر من ذلك
برجاء الإفادة بقدر المستطاع
شكرا على سعة صدركم
م/ محمد
م/محمد
سينتم الاتصال بك علي الرقم المسجل لدينا لتحديد موعد للزياره
اولا اشكر المهندس امر على مجهوده الرائع
ثانيا
سياره: جين2
موديل: 2008
عداد الكيلومتر: 14500
عندى شكوه بخصوص فرامل اليد انا استلمت العربيه وفرامل اليد لاتعمل وقالوا ممكن تعملها صيانه مع الف كيلو المهم عملت صيانه فى عز العرب فرع العجوز وتانى يوم رجعت تانى مش شغاله انتظر صيانه 5 ألف وكانت فى فرع العجوزه وعملتها تانى وتانى يوم رجعت المشكله المهم فضلت منتظر لحد صيانه 10 الف وهنا قرروا انها لازم تتغير وقالوا مفيش قطع مؤقت هنصلحا مؤقت ولو رجعت تانى تتغير فى صيانه 15 ألف و انا منتظر صيانه 15ألف الشهر المقبل وأمل انت تكون قطع الغيار متوفره بصراحه الموضوع طول . مش غلطتى ان العربيه فيها عيب غير كده دى فى الاول والاخر فرامل واعتقد انها شى مهم ورجاء المساعده منك بخصوص الموضوع ده
وشكرا
---------------
برجاء كتابه رقم الشاسيه ورقم لوحات السيـاره ... لكى يتمكن المهندس/امــر من فعـل اللازم
والرجاء تحديد موعد الصيانه القادمه لـك .
مشرف القســم
انا لا ملك رقم الشاسيه ولا رقم لوحات السياره حالينا لانى خارج الدوله وفى انتظار المهندس / امر للرد على بخصوص تحديد موعد الصيانه القادمه والتوجه الى اى فرع لتوافر قطع الغيار
وشكرا
-------------
ياريت تحدد متى موعد قدومك لمصــر , لتحديد اقرب وقت لتغيير القطعــه .
مشرف القســم
السلام عليكم ورحمة الله وبركاته
[justify]
انا عربيتي موديل جين 2 , موديل 2009 , اللون اسود , عدد الكيلومتر 23000الف,
عملت صيانة 20000 من اسبوع وكنت قلت علي مشكله في العربيه من صيانة 10000
وكل مره يقلولي العربيه مافيهاش حاجه والعربيه زي ماهيا المشكله هي :-
الجانب اليمين من العفشه الخلفيه كل ما أركب شخص من جهة العربيه اليمني من الخلف واخد
مطب خفيف اسمع صوت زي مايكون بتخبط علي صندوق خشب فاضي .. وكل ماروح وقلهم
عليها يقلولي العربيه ماكنش فيها حاجه وكانت عايزه تتربط فقط لاكن الموضوع مش موضوع
تربيط ده زي مايكون في جلبه او مناول من مناولات هو اللي بيعمل الصوت .
انا حاولت ادوس علي المساعد وهي واقفه واز الكاوتش يمين وشمال وفتحت الشنطه وهزيت
العربيه بقوه مش ممكن يطلع الصوت وهي واقفه نهائي لازم تكون ماشيه وراكب شخص ورا
من جهة اليمين عمال افهمهم في التوكيل كده ولا حد سامعني قولتلهم لما تيجي تجربو العربيه بلغوني
وانا اركب مع اللي هيجرب واسمعهالكو بنفسي ولا حياة لمن تنادي انا مش عارف اعمل ايه ؟؟؟؟؟
[/justify]
:I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]:
السلام عليكم ورحمة الله وبركاته
انا معايا صديق اشتري العربيه معايا في نفس التوقيت العربيه موديل 2009
كان عند مشكله في مؤشر البانزين مابقفلش للأخر وان كان عندي بيقفل للأخر راح قلهم عليها
وعملوها وراح يفول برده زي ماهي رحلهم مره واتنين لاغايت لما قلولو ان العوامه اللي راكبه
دي فيها مشكله ولازم تتغير اتصل برقم 011 واحجز عوامه موديل 2009 لأني العوامات اللي
موجوده عندنا 2007, 2008 ماتركبش عندك , مش عارف ليه مع اني العوامه واحده المهم
بعد شهر او شهرين كده مش متذكر اتصلو بيه وقالولو ان العوامه وصلت تعاله علشان تركبها
راح وركبها وراح يفول رمت للأخر وزي الفل انبسط و100 ميه خد العربيه وروح علي السويس
لما رجع لقي المؤشر ماتحركش من مكانه ولا بيروح ولا بيجي اتصل بيهم تاني يوم وقلهم ان المؤشر
معلق , استني لما جات معاد صيانه للعربيه وراح بيها وقلهم علي القصه من اول وجديد قالولو ان العوامه اللي ركبه دي مش بتاعت بروتون انت مغيرها فين قلهم انا مركبها عندكم والعربيه جديده ومابعملش اي شغل بره التوكيل قلولو لأ العوامه دي متركبه بره قلهم ازاي يعني انا مركبها عندكم وادي الأيصال اللي انا ركبت بيه العوامه وورق الصيانه كمان مكتوب في اني مغير عوامه ,
قلولو لأ العوامه دي مش بتاعت العربيه ومش متركبه عندنا بعد ما الراجل طلعلهم الورق وإيصال التغير برده مافيش فايده ... قلهم طب الحل ايه دلوقتي قلولو تشتري واحده من التوكيل وتركب قالهم
طب عامله كام قالو في حدود 1250 , يعني ده يرضي مين ده الواحد يغير حاجه علي حسابه وهي
فيها عيب مصنع ,, مش عارف ايه اللي بيعملوه ده ............
حسبي الله ونعم الوكيل في عدم الضمير
:T_thum1[1]::T_thum1[1]::T_thum1[1]::T_thum1[1]::T_thum1[1]::T_thum1[1]::T_thum1[1]::T_thum1[1]::T_thum1[1]::T_thum1[1]:
--------------------
برجاء من صاحب المشكله من الرجوع للتوكيل مره اخرى عند المهندس/امـر , وكتابه رقم هاتفه لابلاغه لكر ياتى للتوكيل
مشرف القسم
السلام عليكم ورحمة الله وبركاته
العربيه جين 2 في صوتين موجدين عند اغلب الناس وهما :-
1- عند المشي بالسياره ولف الدركسيون لفه بسيطه علشان تفادي مطب مثلا ويطلع احد الكاوتشين
الأمامي علي قطعه عاليه في الأرض او بتاخد مطب (حفره خفيفه) بتسمع صوت طقه زي اللي بتسماعها لما تلف الركسيون لأخر بالظبط .....
2- لما تكون مقفل الزجاج وطافي الكاسيت والعربيه ماشيه بهدوء الدركسيون بطلع صوت تزييق
بإستمرار طول ما بتلف يمين او يسار صوت يصدعق ..............
ارجو البحث في العيبين ووجود حل ؟؟؟؟؟؟؟؟؟؟؟؟؟؟؟؟؟؟؟؟؟
:ask::ask::ask::ask::ask::ask::ask::ask::ask::ask: :ask::ask::ask:
انا بقى ماشى حوالى شهر و نص عمال اكسر على الناس من غير اشارات و بلغتهم قالولى كمان 15 يوم مسطرة الانوار هتيجى كلمتهم كمان 15 يوم قالولى لا هتيجى فى اول يناير كلمتهم اول يناير وانا عارف ان مفيش حاجه هتيجى بس عايز اعرف العذر الجديد, كلمنا حضرتك بعد اسبوع اتكلمت يوم 7/1/2010 التاكيد يوم السبت مفيش تاكيد دلوقتى اتكلنت انهارده يوم السبت, كلمنى كمان 10 دقائق اتكلمت طب كمان ساعه او اخر اليوم عشان الsystem واقع بس قطع الغيار جيه يوم الاثنين و ممكن حضرتك تيجى الثلاثاء تركب مسطرة الانوار و كل اللى ناقص, طيب اكييييييد المسطرة دى جيه؟؟؟ اكييد, و ده اللى انا هعرفه يوم الاثنين و ياريت المهندس امر بهتم بالموضوع ده عشان المشى من غير اشارات مستحييييييييييييل
الحمد لله انا معنديش اي مشكله
لاكن حبيت ادخل واحيي المهندس امر علي مجهوداته العظيمه واحب اقوله وانا في الصيانه عايز اشوفه واسلم عليه
السلام عليكم ورحمة الله وبركاته
إلى السيد المهندس /آمرالكوافي – المحترم
تحيه طيبه:
موديل السيارة gen-2مانيوال- 2010رمادي
رقم الشاسيه : 227704
رقم الموتور : 5590
العداد : 2300 كم
أولا أود أن اشكر كل القائمين على هذا العمل وأود أن اشكر المهندس آمر الكوافى على اهتمامه بعملائه
المشكلة باختصار أنى استلمت السيارة بتاريخ 11-11-2009 ومنذ أن استلمت السيارة من المعرض وبها رائحة غريبة عرفت بعد كده إنها اسطوانة الدبرياج وفجاه قبل عيد الأضحى اللى فات بيومين العربية عطلت منى أخذتها الى مركز العجوزة بالأعلام وذهبت بعد العيد وجدتهم غيروا اسطوانة الدبرياج ولما رفعوا العربية وجدنا ان الشداد الخلفي مثنى إلى الخلف وكأنه مشدود وقالوا انه مش في الضمان وده حقهم وكلمت المعرض وحاولت معاه لكنه قاللى انت استلمت العربية والبسها بقى كلمت التامين قاللى مش بتاعتنا روحت الصحراوي المهندس آمر قاللى إن العربية بتعاتك شدت عربية تانية وده كان السبب إن الاسطوانة فوتت وكمان الشداد انثنى والحقيقة هو عمللى خصم 50% على الشداد والمصنعية وألف شكر للمهندس آمر
بس بقى فيه مشكلة ثانية إن الرائحة اللي كانت بتظهر قبل الأسطوانة القديمة ما تفوت ظهرت تانى وبلغت عنها للمهندس آمر قال لهم اغسلوا الموتور بالفوم لكن دلوقتى الرائحة مازالت مستمرة بالإضافة إلى صوت الكركرة وفى صيانة الألف في العجوزة بلغت عنها قالولى إن الدبرياج عالي شوية وظبطناه بس دلوقتى المشكلة مازالت قائمة وعملالى رعب لأنها ممكن تعطل بيا تانى فى اى مكان ومش عارف اعمل ايه انا عايز حل لو سمحتم