عفوا تليفونى هو 0102807719 عبدالرحيم عطا محمود
وشكرا
عفوا تليفونى هو 0102807719 عبدالرحيم عطا محمود
وشكرا
استاذ عبد الرحيم
الرجاء زياره مركز الصحرواي في اقرب فرصه للكشف علي السياره
لدي سيارة Gen 2
موديل 2008 أوتوماتيك
عدد الكليومترات 30000 تقريبا
شاسيه رقم 159039
موتور 3112
السيارة جميلة وعاجباني والحمد لله
لكن المشكلة اللي مضايقاني جدا هي استهلاك البنزين عالي جدا
في البداية حسب عداد السيارة 14.3 لتر لكل 100 كيلومتر
ثم وصلت الي 10.3 لتر لكل 100 كيلومتر
ثم قمت بالذهاب من القاهرة الي الاسكندرية ذهابا وعودة فوصل الاستهلاك الي 10.1 لتر لكل 100 كيلومتر
ثم وصل الاستهلاك الي 11.4 لتر / 100 ك
الا ان الاستهلاك الأن 10.8 لتر لكل 100 كيلو حسب العداد ومع السفر مسافات طويلة بيوصل 10.1 لتر/100 ك
فأرجو الافادة نحو هذه المشكلة وشكرا
الرجاء التوجه الي مركز خدمه الصحراوي وطلب قياس معدل استهلاك الوقود
جزاكم الله خيرا أ/آمر
أنا حجزت بالفعل علشان صيانة 30.000 كم يوم السبت القادم إن شاء الله
وسوف أطلب قياس معدل استهلاك الوقود
ألف مليون شكر علي ردكم السريع واهتمامكم
أمر باشا
كل سنه وحضرتك بخير
طلب من كل السوايسه علي لسان العبد لله :
" يا ريا تعملوا مركز معتمد اخدمات و صيانه البروتون في السويس لان ما شاء الله العربيه انتشرت هنا بصوره كبيره حتي الساجا بدأت تنتشر يصوره كبيره "
تحياتي............
اتقدم بخالص الشكر على مجهود مهندس / امر وكل القائمين على هذا الموضوع
لدي سيارة برسونا
موديل 2009 أوتوماتيك
عدد الكليومترات 15 ألف كم تقريبا
شاسيه رقم 183430
مشكلتي تتلخص في أننى ذهبت لمركز صيانة العجوزة لحل النقاط الاتية:
1- فرامل اليد لا ترتفع
2- يوجد صوت زنة في التابلو تظهر مع سرعة القيادة
3- عندما اصل بالسيارة لاي مكان كنت بمجرد خروجي من السيارة لا اسمع اي صوت ثم حدث الان انني اسمع صوت المروحة عالي جداً يستمر لوقت طويل حتى ينتهي
4- الكلاكس لا يعمل
5- لمبة الحزام تضئ احيانا
6- الانذار بيعلق احيانا
7- لمبة الابواب تضئ احياناً
8- صوت شخللة في الباب الامامي يمين
انتظرت من الساعة الواحدة ظهراً حتى الرابعة عصراً قلت الحمد لله الحاجات اللي انا طالبها كتير وجاءني المهندس احمد جمال واخبرني انه تم ضبط الباب الامامي يمين وأخبرني ان صوت المروحة دا عادي لكنني لم اقتنع ثم اخبرني وكتب لي ان السيارة تحتاج (ذراع فرامل يد + كوللوك سبرنج) وان هذه الاحتياجات غير متاحة وسوف تكون متاحة بعد 10 ايام او اسبوعين.
انى كل المشاكل السابقة لكن كيف اسير بالسيارة بدون كلاكس كل هذه الفترة؟
فأرجو الافادة نحو هذه المشكلة وشكرا ومحاولة مساعدتي قدر المستطاع
محمد عبد العال محمد
محاسب بالبنك التجاري الدولي
ت: 0101659393
شكر خاص للمهندس المحترم أمر الكوافي حيث قام بلاتصالبي تليفونياً وافاد ان قطع الغيار المطلوبة متاحة وتفضل بحجزها باسمي حتى أذهب لتركيبها فشكراً له على سرعة الاستجابة وشكرا للقائمين على هذا المنتدى الفعال.
اخوكم محمد عبد العال محمد
شكرا بشمهندس أمر امبارح ولدى كان بيعمل صيانة ال1000 للساجا عند امير وجوزيف وكانو عيزين يخدو مصنعية مع ان صيانة 1000 فى اى توكيل بتبقى مجانا بس بعد مكلمت حضرتك ليهم مخدوش مصنعية الف شكر
السيارة برسونا 2010
عدد الكيلو مترات 1100
شاسية 227784
موتور 6750
السيارة للان والحمد لله مبسوط منها جدا بس عندى ثلاث مشاكل
الاولى بحس بتزيقة فى الكنبة ساعات بتظهر وساعات لا
الثانية المفتاح سعات بيعلق
الثالثة حدفة خفيفة ناحية اليمين
انا حاجز صيانة الالف فى الصحراوى يوم السبت الموافق 30-01-2010
ياريت المشاكل دية تتحل فى يوم الصيانة وانا شاكر جدا ليك يا بشمهندس أمر
ايهاب شرف الدين
0108895551
-------------
نأسف للتاخير ... ان لم تتم حل هذه المشاكل فى الصيانه الرجاء ابلاغنا بها
مشرف القسم
انا عندي البارك سينسووور بيفضل يصفر علي طول اول مادي مرشيدير و العربيه لسه زيرو يادووب عملت صيانه الالف
---------
هل صوت الصفاره مستمره على طول ... وبرجاء الابلاغ عن هذه الشكوى فى الصيانه القادمه ان لم تحل
مشرف القسم
انا المكنه بتاعتي اتكسرت وانا عامل 16000 كم
هتدخل ضمان ولا لا
ارجو الرد عالخاص او التكرم بالاتصال في حالة ما اذا كانت تخضع للضمان
ع رقم 0118854666 او 0166731222
شاسيه رقم 188183
موتور رقم 5233
برسونا 2009 16000 كم
-------------
برجاء الذهاب لمركز الصيانه الرئيسى فى ابو رواش , فى اقرب وقت ... وبرجاء الالتزام بهدف الموضوع وعدم تحويله لمناقشات
مشرف القسم
هل فى حل اخير لصوت علبة الدريكسيون ؟؟؟
وصوت الكنبه الخلفيه (حل غير الشكرتون)؟؟؟
ارجو الرد
وشكرا
السلام عليكم ورحمة الله
تقييمي هو 2- مقبول وذلك للآتي:
انا كونت فالتوكيل السبت الماضي 20/2/2010 وكونت فصيانة ال 1000 كم لبروتون واجا 2009 زيرو وتم الآتي:
اخذت ميعاد حجز مسبق من اسبوع قبل تاريخة وكان ميعادي 9:20 صباحا فذهبت الساعة 9:5 يعني قبل المييعاد بربع ساعة وفوجئت بالامن موقفني برا التوكيل علشان بيئولي ان مفيش مكان جوا ركنت برا مفيش مشاكل,ادخل علشان حد يساعدني لئئيت ((مهندسة/ايمان)) من الاستقبال بؤلها انا حاجز الساعة 9:20 قالتلي استنى لما يجي دورك كول دول حاجزين قبليك وكان واقف 9 سيارات قبلي , ؤلتلها كل دول حاجزين قبل 9:20 قالتلي ايوا ,ؤلتلها ازاي ممكن اشوف كشف الحجز قالتلي مع مهندس تاني لما يجي، واخيرا الساعة 9:30 جه المهندس الي معاه كشف الحجز (مهندس/ احمد) بيؤلي حضرتك اسمك ايه ؤلتلو محاسب/ شريف اسماعيل قلي فعلا حضرتك رقم (((2))) فالكشف ساعتها ؤلتلو امال حضرتك ليه انا واقف برا التوكيل هوا التوكيل بالحجز وللا الي يجي بدري الاول (يلحق مكانوا فالطابور زي فرن العيش البلدي) وطبعا مهندسة /ايمان ولا هيا همنا وعمالة تهرج وتدحك وعادي، المهم احمد الي معاه الكشف آلي علطول وحكون معاك ودخل فعربيه تانيه وعاش حياتو وسايبني واقف فضلت صابر وهادي هادي لحد اما فاض بيا ولئيت فني سيارات شكلو عندو استعداد يسمع ويفهم اسمة بالمناسبة جمعة وقالي ازاي دا ؤلتلو بص فالكشف ، كتر خيرو نده لمهندستالت جديد حلال العقد مهندس/ محمد عبد الهادي قالو ايوا يخش يخوش ما علينا، دخلي العربية وؤلتلو يرضيك كدا يا بشمهندس يحصل معايا كدا وانا اول مرة آجي التوكيل بتاعكو بعربيتي الجديدة وجاي على السمعة الطيبة من موقع نايل موتورز ، تخيل رد عليا وقلي آآآآه عربيتك حتخوش الساعة 11 كويس؟؟؟؟؟؟؟
المهم الواجا الغلبانة دخلت الصيانة بتلمع وزي الفلل اتغيرلها الزيت والفيلتر واتركنت بره لمده ساعة انا قلقت خرجت اسئل عليها وانا مستاء جدا من العطلة قالي محمد عبد الهادي دي لسا حتتراجع كهربة وللا عايزنا نكروت الشغل ,ببوص وراه لئيت فني ركبها بسرعة ودخلها جوا , العمليه بالزق زي منتو ملاحظين، الموهم خلصت كهربة وانا قاعد جوا ساعة اتنين خرجت تاني اشوف العربية لاتها واقفا برة والتراب مغطيها،دخلتلهم خدمة ما بعد البيع لمحمد عبد الهادي
قلي دي خلصلت من زمان حاسب واستلمها ، ؤلتلو حستلمها بتربها كدة؟ قالي لا طبعا عقبال متحاسب حتخوش فالغزيل وتستلمها نضيف، ؤلت جميل،حاسبت وبستلم عربيتي علشان ادور وامشي واخلص من العزاب ده، بفتح العربيه وببوص فيها لئيت زيت فالدواسات وعلامات اصابع شحم فسقف العربية من جوا، يعني عربيتي دخلا زيرو خرجت وكانها مستخدمة استخدام سيئ جدا ومتتركبش من الزيت والشحم الي جوا، المهم مئدرتش امسك نفسي ودخلت لسكرتية م/ آمر الكوافي وهي استاذة / دليا وبصراحة نقلت الحالة للمهندس آمر بالبزبط (صحيح قبل مكلم ا/ دليا ؤلت لمحمد عبد الهادي حلال العقد قالي يا راجل ازاي طبعا قلتلو شوف بنفسك وطبعا سبتو يتفرج على جمال العربية وكونت انا جوا عند م/آمر)
المهم:
م/ آمر الكوافي كتر الله خيره اول مشاف المنظر اعتذرلي وآلي اتفضل استريح وانا حللك المشكلة دي، المهم شويا ندهولي استلم العربيه واستلمتها زي الفلل من غير زيت عالمشايات ومن غير بصمات الشحم الي كانت فالسقف (مشعارف ايه الي دخل الشحم فالسقف!!!!) ومن غير التراب الي عالتب من جوا.
الخلاصة كتر الله خير م/ آمر الكوافي بعد تدخلوا المشكلة اتحلت بس بعد اما اتبهدلت آخر بهدلة مع مهندسين الاستقبال فكشف الحجز الي زي قلتو وؤلت لواحد فيهم انا مش فاهم احجز ميعاد ابل اما آجي وللا آجي من بدري احجز دور تخيلو رد عليا قلي ايه ...... اعمل الاتنين دا كان محمد عبد الهادي بالمناسبة..... لا تعليق وانا كونت حدي تقييم سئ جدا لولا تدخل المهندس آمر الكوافي ربنا يكرمة ويعينو على الناس الي شغالة معاه فالتوكييييييييييييييييل.
شكرا وآسف عالتطويل
السلام عليكم
مهندس / امر.. عندي مشكلة واتمني اجد الحل عند حضرتك
انا عربيتي جين 2 اوتوماتيك موديل 2008 (رقم الشاسيه 110943) كنت مشتريها زيرو (شهر 4 سنة 2008) من فرع العجوزة
العربية قسط من بنك (بس يعتبر كاش طبعا بالنسبة لعزالعرب) وكنت مأمن من خلال عز العرب مع الجمعية (تم دفع مبلغ التأمين لاستاذ / وائل وهو تولي موضوع استخراج وثيقة التأمين)
وكان الاتفاق ساعة التأمين (وده اللي خلاني أأمن من خلالعز العرب ساعتها) ان التوكيل ياخد العربية يصلحها ويتحاسب هو مع شركةالتأمين مباشرة وعلي اساس اني مش هدفع حاجة
وطبعا لما حصل مشاكل في الجمعية ...التوكيل رفض يعمل اللي كان قايلعليه...وقالو لازم احاسب وبعدين اتعامل مع شركة التأمين
ونظرا لان الفلوس غالبا ما كانتش هتتصرف من التأمين انا عملت العربية برة (كانت سمكرة ودوكو فقط) عشان كانت ارخص كتييير
يعني الاصلاح مش في التوكيل وبالتالي عز العرب لم يتكلف اي مبالغ سواء اصلاحات او غيره
يعني التوكيل برة الموضوع اصلا ولا عمره تابع اي حاجة لان هما مش طرف في الموضوع
المشكلة بقي ان امر صرف المبلغ (2500 جنيه) هيطلع باسم عز العرب !!!!!
سألت في الجمعية علي السبب... عز العرب ماله ومال الموضوع دي عربيتي وانا اللي دافع تمن التأمين
قالولي هو كده الوثيقة مكتوب فيها اسم عز العرب عشان الاتفاق اللي كان بينهم ولا يمكن تغيير ذلكفي امر الصرف
والحل بالنسبه لهم اني يكون معايا تفويض باستلام امر الصرف (للملف ده بس طبعا)
وطبعا اكيد عز العرب وأنا عندنا ما يثبت الكلام ده
وانا محتاج التفويض ده ضروري لصرف المبلغ وخصوصا ان فيه يوم متحدد للصرف ولو عدي هتبقي مشكلة
اتمني ان حضرتك تقدر تساعدني في الموضوع ده ضروري
وشكرا واسف للاطالة
------------------------------
تم الاتصال بحضرتك وايصالك لاستاذ/معتز لحل المشكله
مشرف القسم
مشكورين كل من ساهموا في ظهور هذه الصحفة وتحية حارة
لدي سيارة Gen 2
موديل 2008 أوتوماتيك
عدد الكليومترات 2200 تقريبا
شاسيه رقم 158285
موتور 3165
السيارة جميلة وعاجباني والحمد لله
لكن المشكلة اللي مضايقاني جدا هي استهلاك البنزين عالي جدا
في البداية حسب عداد السيارة 13.2 لتر لكل 100 كيلومتر
ثم وصلت الي 3.6 لتر لكل 100 كيلومتر
ثم قمت بالذهاب من القاهرة الي الاسكندرية ذهابا وعودة فوصل الاستهلاك الي 10.8 لتر لكل 100 كيلومتر
ثم وصل الاستهلاك الي 12 لتر / 100 ك
وفي صيانة الألف كيلو قولتلهم في التوكيل ان استهلاك البنزين عالي وقالوا انهم عملوا
الا ان الاستهلاك الأن 11.2 لتر لكل 100 كيلو حسب العداد ومع السفر مسافات طويلة بيوصل 11 لتر/100 ك
وبالحساب اليدوي 40 لتر عملوا حوالي 350 كيلومتر
فأرجو الافادة نحو هذه المشكلة وشكرا
م/امـر , الرجاء من سيادتكم التوجه لمركز الخدمه وطلب قياس معدل استهلاك البنزين
مشرف القسـم
-----------------------------
مهندس امر: السلام عليكم
على فكره انا ترددت قبل ارسال هذه الرسالة اليك ولكن عندما رأيت كل زملائى فى منتدى nilemotors يشكرون فيك قررت ان أفتح حوار مع حضرتك.
انا دكتور مهندس/ سيد على سيد أمتلك سيارة
جين 2 موديل 2009
رقم اللوحة المعدنية / د ف ق 271
رقم الشاسية 183216
رقم الموتور 4314
41913 كم
رقم تليفونى / 0105836585
السيارة ماشاء الله ممتازة وتفوق سيارات كثيرة فوق سعرها اعلى منها لانى جربت النيسان صانى والتيوتا و ....................
ولاكن فى كل مرة اروح التوكيل فى الصحراوى علشان اعمل الصيانة الدورية فقط اخرج من التوكيل وعندى مشكلة على الرغم انى بدخل اعمل صيانة فقط ولعدم الاطالة انا مش هاذكر المشاكل اللى حصلت لانك ممكن تعرف من تاريخ السيارة عندكم ولاكن بالمناسبة انا الان فى التوكيل بسبب انى عملت صيانة ال 40000 كم ورجعت علشان درجة حرارة الموتور بتقفل العداد وفقدت الثقة تماماً فى الفنيين المجودون فى التوكيل وانا من الان سوف اعرض السيارة للبيع مع حزنى الشديد على هذه السياره ذات الامكانيات العالية.
انا اسف للاطاله وشكراً
د. م. سيد على سيد
م/امـر , تم مقابله سيادتكم وتم حل المشكله
مشرف القسـم
--------------------
الرجاء الالتزام بهدف الموضوع وعدم الخروج عنه , تم حذف المحتوى
مشرف القسم
أخي كريم منير أخي عمرو أخي آمر الكوافي
جزاكم الله خيرا على المجهود الأكثر من رائع
أرجو النظر في شكواي وأرجو المساعدة في أقرب وقت
أنا أخوكم أحمد ممدوح طالب بكلية صيدلة معايا عربية جنتو 2010 رقم شاسيه242832
موتور رقم 8059
العربية مشيت 1780 ك
رحت يوم الخيميس 11 مارس عشان أعمل صيانة الألف عند الفرع الرئيسي في ابو رواش مع العلم إن العربية مكنش فيها أي حاجة مش طبيعية إستلمت عربيتي من بعدها بسمع مع كل مطب صوت شكل في العفشة وكل مدى تسؤ حالتها عن الأول
أرجو إن حد بس يقولي أعمل إيه وأتصرف إزاي
وجزاكم الله خيرا
الرجاء الاتصال بالمهندس امـر لتحديد موعد لزيارتك لمركز الخدمه ومقابلة المهندس امـر اثناء زيارتك للمركز
مشرف القسـم
-----------------
للمره الثانيه والاخيره , الرجاء الالتزام بهدف الموضوع وعدم الخروج عنه , تم حذف المحتوى
مشرف القسم
مشكور م / امر على اهنمامك ولكن لى بعض الاستفسارات ارجو ان يتسع صدرك للرد عليها
لدى سيارة ساجا 2010رقم الشاسيه 129194 عند عمل صيانة الالف مشكور مهندس الصيانة على حسن المقابلة والاهتمام و الترحاب الشديد ولكن ارجو تسجيل التالى :
1- طلبت ضبط الباب الايسر الخلفى حيث انه مش مضبوط وتقيل جداً واقتنع بذلك بل واضاف ان الباب الايمن ايضاً الخلفى غير مضبوط.ولللاسف لم يتم ضبط لا اليمين ولا الشمال.
2- الكبوت ايضا ولكنه افاد بان العربية الجديده يستحسن اذا كان مش مضايقك بلاش نلعب فى العربية دى لسه جديده.
3- طبعاً مشكلة استهلاك البنزين والرد بأن العربية لسه بتلين .
4- سالت عن موضوع ال94 حصان اللى منتشر فى كل المنتديات مع العلم بعدم وجود مايفيد ذلك بالكتالوج اللى مكتوب بالحرف power engin 4000/70 ارجو الافادة حيث ان المهندس افاد بأن ليس لديه معلومة صريحة عن ذلك ووعد بالسؤال.
5- شكوت من صوت بالجانب الايمن فى بداية الحركة وكنت اعتقد حسب ما افادونى عند استلام السيارة ان التيل جديد ولسه بيطبع ، ولكن فى الغالب العيب فى الوصلة من عجلة القيادة لانى لاحظت ان الفنيين كان شغالين فى المكان ده وبصراحة العيب اختفى تماماً لكنه رجع للظهور تانى يوم وللان يظهر ويختفى مش عارف.
6- ودى الاهم نصحنى م/ الصيانة بشراء زيت باور ووضعه احتياطى بالعربية لان فى مشكلة بعلبة الدريكسيون تؤدى للتسريب وأكد باهمية متابعتها ومشكور اوضح انه فى حالة النزول عن المستوى المنخفض ضرورى تزويد الزيت للأهمية مما جعلنى اقوم يومياً بمراجعة الخزنة (حالة من الرعب) وولعلم برغم مرور اكتر من 15 يوم ومرور حوالى 700 كم من السير لم اجد اى نقص بعلبة الدركسيون ولا اشتكيت من تقل العلبة ولا حاجة زى ما الناس بتقول (بتفصل فى المشى والدركسيون تقيل ) برغم ان لدى سيارة اخرى تويوتا افانزا والدركسيون بتاعها كهرباء يعنى ناعم على الاخر وخفيف جداً ودى شهادة احقاقا للحق معنديش اى مشكلة فى الدركسيون سوى الرعب من نقص الزيت اللى ماحصلش ومش هايحصل ان شاء الله .
7- معظم التوكيلات بتعمل صيانة الالف مجاناً ليه عندكو بتأخدوا ثمن الزيت والفلتر.
8- هل فعلاً الضمان بقى 100000 الف كم او 3 سنين ولا ده كلام.
9- مذكور بالمنتدى ان ثمن الصيانة 175 جنيه وانا دفعت 155 جنيه فقط.(شهادة حق)
10 - هل مكن تقليل وقت الصيانة يعنى الالف ك كاتبين فى جدول الصيانة الى سلمهولى المهندس مشكور ان الوقت ساعة ونصف برغم ذلك سلمت السيارة الساعة 10:30 صباحاً وانتهت الصيانة الساعة 2 ظهراًبرغم عدم ضبط الابواب ولاغسيل للسيارة لا أى شىء اخر سوى غيار ازيت والفلتر وحسب البيان مكتوب تم عمل check.
مشكور لحسن اهتمامك بالعملاء .
اخيراً ارجو الاهتمام بالرد واكون مشكور وياريت بالقريب العاجل نرى مراكز صيانة قريبة من القاهرة شوية لان مشوار ابورواش ده بيد قوى.
شاسيه رقم 158285
موتور 3165
الرجاء من سيادتكم التوجه لمركز الخدمه وطلب قياس معدل استهلاك البنزين
رقم الشاسية 183216
رقم الموتور 4314
تم مقابله سيادتكم وتم حل المشكله
رقم شاسيه242832
موتور رقم 8059
الرجاء الاتصال بي لتحديد موعد لزيارتك مركز الخدمه ومقابلتي اثناء زيارتك للمركز
م/ امر الكوافى
بعد التحية
سيارتى ساجا 2010 اتوماتيك
شاسية 129071
موتور 2354
روحت عشان اعمل صيانة الالف يوم الخميس الماضى و قابلنى المهندس محمد عبد الهادى و شرحت مشاكلى كلها
1- استهلاك البنزيين العالى جدا العربية حاسس انى راكب عربية 2500 سى سى يعنى على سبيل المثال فى الطريق السريع و على الار بى ام 3000 كان معدل الاستهلاك حوالى 180 ك 5فى ال 20 ليتر اما داخل البلد فحدث و لا حرج الفول تانك 220 الى 240 كيلو و طبعا ده مش معدل عادى على عربية 1300 سى سى
2- كان عندى صوت تزييق فى العفشة من الامام
3- مشكلة باحد الريموتات
4- مشكلة عند كسر العجلة باقصى اليمين تسمع صوت طقة
و المهندس محمد استلم العربية و بعد حوالى 4 ساعات لاقيت المهندس محمد بيقول ان فى مشكلة فى علبة الدركسيون و ان ده عيب صناعه و ان العربية لازم تستنى لحد يوم الاتنين او الثلاثاء عشان علبة الدركسيون هاتتغير بالكامل و طبعا اضطريت اسيب العربية و اروح بقى مش عايز اقولك ازاى من ابو رواش حتى باب الشعرية يعنى قعدت حوالى من 3ساعات عشان الاقى طريقة اروح بيها
و بالفعل اتصل بيا المهندس محمد و قالى ان العربية جاهزة و النهاردة روحت استلم العربية لاقيت التالى
1- اولا العربية ما اتغيرش علبة الدركسيون كل اللى اتعمل فيها انها اتعمل ليها حشوة و طبعا انا مش مقتنع بالموضوع ده و لكن عشان مقولش كلام انا مش عارفة قولت اجرب العربية مش عايز اقول لحضرتك انا لو راكب عربية 132 موديل 76 كان الدركسيون هايبقى ارحم من كده مش عربية 1320 كيلو و باور كمان
2- صوت التزييق اللى كان بيحصل عندى فى العفشة من ادام منع وكنت مبسوط جدا لان حضرتك مش عارف الصوت ده كان محسسنى باية كانى قاعد فى مرجيحة و لكن بعد حوالى 5 كيلو الصوت رجع تانى بس تقريبا من العفشة الخلفية مش متاكد طبعا لانى مش فنى
3- استهلاك البنزيين زى ما هو بجد مافيش حاجة اتغيرت اللهم ان العربية اتخنقت فى المشى مش عارف لية
4- تم تصليح الريموت و دى الحاجة الوحيدة اللى اتعملت
و بالفعل اتصلت بالمهندس محمد رد عليا و قال ممكن تجيب لنا العربية تانى و هاتسيبها طيب انا مش عارف لما عربية لسة مش مكملة 2000 كيلو و ده بيحصل و كل يوم و التانى اروح اوديها المركز و اسيبها طبعا انت عارف الموضوع ده متعب اد اية انى استلم العربية و تانى يوم اوديها و استنى بقى كام يوم على ما تخلص وطبعا زى ما حضرتك عارف ان الواحد بيشترى عربية عشان يستخدمها فى تقضية مشاويرة مش عشان كل يوم و التانى يروح يوديها المركز و يسيبها ارجو وجود حل عملى بتغيير علبة الدركسيون و كمان اجراء الفحص الفنى على العربية و حل المشاكل التى اعانى منها عشان العربية زيرو و بالتاكيد الواحد لما بيلاقى كده فى حاجة جديدة بيتعقد بجد
بسم الله الرحمن الرحيم
طبعا انا فى الاول احب اوجة شكرى لكل من المهندس امر و كذلك الانسة داليا على تعاونهم و حسن استقبالهم ليا اليوم بالتوكيل فرع ابو رواش
ثانيا اشكر ايمن بشدة بجد لانى لاقيته بيكلمنى على الموبيل عشان يطمن انا عملت اية و طبعا فيما يلى ما حدث بالفعل
1- انا روحت التوكيل النهاردة و مش كنت حاجز لانى مستلم العربية من التوكيل امبارح و النهاردة روحت لان كان فى بعض المشاكل واجهتنى و هى استهلاك البنزين تقل فى الدركسيون و التزييقة و عيب فى شنطة العربية ساعات مش بتقفل
2- لما روحت التوكيل و كانت الساعه 12و نص و قابلت المهندس امر و قالى انه شاف السؤال بتاعى النهاردة او المشكلة و انه كان هايتصل بيا لولا ان الموبيل بتاعى اللى انا حاطة غلط و لاقى التليفون مقفول و سالنى اية المشكلة و قولت لة على كل حاجة و كان ردة كالتالى :
1- اولا مشكلة استهلاك البنزين امرها سهل هانحسبها مع بعض و نشوف و طبعا بعت معايا مهندس من الصيانة و فولنا العربية حتى زور التنك و عملنى مشوار 50 كيلو بالتمام و رجعنا لنفس المحطة و رجعنا فولنا تانى و كان عدد الليترات اللى اضفناها تانى 4.34 لتر بالظبط و انا كنت واقف و شايف ( و طبعا كده العربية بتعمل 220 كيلو متر وده معدل كويس لانها اتوماتيك و الاتوماتيك استهلاكة اعلى من المانيوال و بكده مافيش مشكلة بالدليل العملى و العلمى
2- بالنسبة للتزيق اتضح انه صوت من الكنبة بضوا وده مش مشكلة طالما ان الحل سهل و بالفعل انا حليت الموضوع
3- موضوع علبة الدريكسيون و ده الاهم المهندس امر قال انة عارف بالفعل ان العلبة عندى فيها مشكلة و لكن حصل سوء فهم منى على كلام المهندس محمد عبد الهادى بالفعل انا مطلوب ليا علبة دركسيون و ده موجود فى ملف العربية و لكن عشان العربية ماتقوفش مده على ما العلب بتاعت الدركسيون تيجى عمل لها حشوة عشان اقدر امشى بالعربية و طبعا هايتم تغيرها اول لما تيجى العلبة فى خلال 10 ايام و طبعا المهندس امر ماسبش العربية و كان واقف معايا طول المده اللى انا فيها فى التوكيل و ادانى رقم المهندس عبد الباسط عشان العلبة و الرجل بكل ذوق وضح ليا ان العلبة فى خلال اسبع الى 10 ايام هاتكون جت و انى اتابع معاه اول هو هايتصل بيا اول لما تيجى العلبة
4- اما موضوع الشنطة اتضح ان الدواسات كان رافعه الشداد بتاع الشنطة
و تقريبا سبت التوكيل حوالى الساعه 3 الا ربع و الامور تمام على وعد ان العلبة اول لماتيجى هاروح اغيرها
وده كل اللى حصل بكل امانة فى التوكيل برضوا الانسة داليا برضوا كانت واقفة معايا طول ما انا هناك و الناس بجد محترمة جدا
اما ايمن فبصراحة الراجل اتصل بيا بعد ما دور على الموبيل بتاعى عشان يطمن و هوا ماكنش عارف انى رايح التوكيل النهاردة و لكن فضل معايا على الموبيل اكتر من نص ساعه و احنا بنتكلم و كان قبلها مكلم المهندس امر عشان المشكلة بتاعتى و المهندس امر قالة انى واقف معاه و انى موجود بالتوكيل
تمام يا باشا
المهندس اامر ده راجل 10/10 بس المشكله فى بعض مهندسين الاستقبال
سمعت ان فى مهندسين مشيو ومهندسين جداد اتعينو
يا رب يبئا للافضل يا رب
عشان بجد اسلوب المعامله بس كفيل يكره او يحبب ناس فى التوكيل
ان شاء الله هاعمل صيانة ال 20 قريب ويارب ارجع مبسوط زيك كده يا استاذ عمرو
بس عندى سؤال هى الساجا اوتو 1300 سى سى بيتعمل 220 كيلو فى 20 لتر على طريق طوالى ؟؟
مش كتير بردو دى كده زى الجين والواجا الاوتو تقريبا
ولا ياترى هايقل الاستهلاك بردو بعد ال5000 كم ؟؟؟
وااسف عن خروجى عن سياق الموضوع شويه
ان شاء الله لما تروح التوكيل عشان صيانة ال 20 الف تبقى مبسوط و لكن برضوا الصبر على الناس شوية بمعنى الناس برضوا عليها ضغط شغل و بالتالى لازم نكون هاديين شوية يعنى مثلا ممكن لو معاك لاب توب خدو معاك و اقعد على النت مثلا عشام مش تحس بالوقت او مجلة او جريدة و ان شاء الله تبقى راضى
بالنسبة للاستهلاك 220 على الطوالى طبعا كل مالكى بروتون اكدوا ان الموضوع ده بعد ال 5000 هاطظبط و منهم الاستاذ خالد كبير البروتانوية و الجين تو اول مالكى الجين تو فى مصر و ربنا ييسر الامور
السلام عليكم و رحمة الله و بركاته
رقم الشاسيه 215635 و الموتور 4042
اولا اوجه شكري للمهندس امر لاهتمامه بمشكله كانت في العربيه و هي لسه زيرو.
ثانيا اتمني من حضرتك حل مشكلتي الحاليه حيث انني اعاني من مشكله بنور الصالون (لا يعمل) و عند ذهابي لعمل صيانة ال 10000 كم بالتوكيل بالطريق الصحراوي ابلغت المهندس المسئول بهذه المشكله و عند استلامي السياره بعد عمل الصيانه فوجئت بانه يقول لي ان المشكله ليست بلمبة الصالون كما كنت اتوقع و لكن بالفانوس نفسه اللي في السقف و انه غير موجود حالياً و حضرتك تعلم مدي اهمية هذا النور داخل السياره مع اعتبار انها ما زالت جديده و ما زالت في الضمان ايضاً فاتمني من حضرتك حل هذه المشكله. لاني بصراحه مش عارف ازاي العربيه تبقي لسه جديده كده و حاجه زي دي تحصل فيها و كمان ازاي قطعه صغيره زي دي مش موجوده و دي اول حاجه بتقابلني في العربيه و هي لسه في الضمان و كمان مش موجوده. مع اني بحب السيارات دي و دائما بنصح بشرائها لاني مش جديد عليها لاني معايا ويرا موديل 2000 و بصراحه عمر ما حاجه زي دي حصلت فيها و لما حد بيركب معايا و يسال علي نور الصالون بقوله اصله باظ لا و كمان مش موجود في التوكيل.
اتمني من حضرتك حل مشكلتي كما عودتنا دائماً ... و اسف علي ازعاج حضرتك ... شكراً
mo_hamed100@hotmail.com
بخصوص فانوس الصالون ... تم حجزه لك وفى خلال ايام فقـط سوف يتم الاتصال بك لتركيبه ... نأسف لتأخيرك
برجاء عدم الكتابه باللون الاحمر حيث انه مخصص للمداخلات الاداريه فقط , تم تغيير اللون
مشرف القسم
تم تغيير علبة الدركسيون امبارح و شكر خاص للمهندس امر و لايمن و الانسة داليا على مجهودهم معايا و شكرا
يا بشمهندس امر ...
انا العربية معايا بقالها 6 شهور دلوقتى , و بقالى 6 شهور عايز اغير كنترول الاير باج .
و كل لما اتصل يقولولى مش موجود , امتى بقى ؟؟؟؟؟؟؟؟؟
برجاء ا/مـارك كتابة رقم الشاسيه والموتور الخاص بالسياره , ورقم هاتفك ... لكى يستطيع المهندس/امر الرد ومعرفة تفاصيل الموضوع
مشرف القســم
مشكور م / امر على اهتمامك ولكن لى بعض الاستفسارات ارجو ان يتسع صدرك للرد عليها
لدى سيارة ساجا 2010 رقم الشاسيه 129194
عند عمل صيانة الالف مشكور مهندس الصيانة على حسن المقابلة والاهتمام و الترحاب الشديد ولكن ارجو تسجيل التالى :
1- طلبت ضبط الباب الايسر الخلفى حيث انه مش مضبوط وتقيل جداً واقتنع بذلك بل واضاف ان الباب الايمن ايضاً الخلفى غير مضبوط ولللاسف لم يتم ضبط لا اليمين ولا الشمال.
2- الكبوت ايضا ولكنه افاد بان العربية الجديده يستحسن اذا كان مش مضايقك بلاش نلعب فى العربية دى لسه جديده.
3- طبعاً مشكلة استهلاك البنزين والرد بأن العربية لسه بتلين .
4- سالت عن موضوع ال94 حصان اللى منتشر فى كل المنتديات مع العلم بعدم وجود مايفيد ذلك بالكتالوج اللى مكتوب بالحرف power engin 4000/70 ارجو الافادة حيث ان المهندس افاد بأن ليس لديه معلومة صريحة عن ذلك ووعد بالسؤال.
5- شكوت من صوت بالجانب الايمن فى بداية الحركة وكنت اعتقد حسب ما افادونى عند استلام السيارة ان التيل جديد ولسه بيطبع ، ولكن فى الغالب العيب فى الوصلة من عجلة القيادة لانى لاحظت ان الفنيين كان شغالين فى المكان ده وبصراحة العيب اختفى تماماً لكنه رجع للظهور تانى يوم وللان يظهر ويختفى مش عارف.
6- ودى الاهم نصحنى م/ الصيانة بشراء زيت باور ووضعه احتياطى بالعربية لان فى مشكلة بعلبة الدريكسيون تؤدى للتسريب وأكد باهمية متابعتها ومشكور اوضح انه فى حالة النزول عن المستوى المنخفض ضرورى تزويد الزيت للأهمية مما جعلنى اقوم يومياً بمراجعة الخزنة (حالة من الرعب) وولعلم برغم مرور اكتر من 15 يوم ومرور حوالى 700 كم من السير لم اجد اى نقص بعلبة الدركسيون ولا اشتكيت من تقل العلبة ولا حاجة زى ما الناس بتقول (بتفصل فى المشى والدركسيون تقيل ) برغم ان لدى سيارة اخرى تويوتا افانزا والدركسيون بتاعها كهرباء يعنى ناعم على الاخر وخفيف جداً ودى شهادة احقاقا للحق معنديش اى مشكلة فى الدركسيون سوى الرعب من نقص الزيت اللى ماحصلش ومش هايحصل ان شاء الله .
7- معظم التوكيلات بتعمل صيانة الالف مجاناً ليه عندكو بتأخدوا ثمن الزيت والفلتر.
8- هل فعلاً الضمان بقى 100000 الف كم او 3 سنين ولا ده كلام.
9- مذكور بالمنتدى ان ثمن الصيانة 175 جنيه وانا دفعت 155 جنيه فقط.(شهادة حق)
10 - هل ممكن تقليل وقت الصيانة يعنى الالف ك كاتبين فى جدول الصيانة الى سلمهولى المهندس مشكور ان الوقت ساعة ونصف برغم ذلك سلمت السيارة الساعة 10:30 صباحاً وانتهت الصيانة الساعة 2 ظهراًبرغم عدم ضبط الابواب ولاغسيل للسيارة لا أى شىء اخر سوى غيار ازيت والفلتر وحسب البيان مكتوب تم عمل check.
اخيراً ارجو الاهتمام بالرد واكون مشكور وياريت بالقريب العاجل نرى مراكز صيانة قريبة من القاهرة شوية لان مشوار ابورواش ده بعيد قوى.
برجاء من الاخ الكريم ذكر اسم مهندس الاستقبال اللى اخذ السياره , وذكر اسم صاحب السياره ورقم الموتور ... لسرعه بحث الشكوى
مشرف القسـم
طب انا بعد اذن المهندس امر هرد على كام استفسـار
المشكلـه رقـم 1 : هترجع للتوكيل تانى عشان يضبطوا الباب
المشكلـه رقـم 2 : مش فاهم يعنى ايه مش نلعب فيه ... مين اللى قال لحضرتك كده ؟؟؟
المشكلـه رقـم 3 : الاستهلاك هيبدا يتحسن بعد صيانه الـ 1000 وبعد الـ 5000 ان شاء الله هيكون استهلاكه طبيعى ... وخلال الفتره دى هتحس بالفرق
رقـم 4 : هو مكتوب فى البروشور ان عـزم المحــرك : 120نيوتن متر / 4000 دوره ... ودا بيساوى ان العربيه 94 حصـان ...
المشكلـه رقـم 5 : هترجع للتوكيل
المشكلـه رقـم 6 : هو قال لحضرتك لان ظهر مشكله فى علبه الدريكسيون فى حوالى 5 سيارات ساجا ... وبينبه على ملاكها خوفا من ان يكون هذ العيب شائع ولكن اذ لم تجد اى تسريب بعد هذه الفتره فكده -ان شاء الله- مافيش مشكله عند حضرتك ... والحمد لله الى الان لم ترد شكوى من علبه الدريسكيون سوى فى 5 سيارات وبالتالى فهو ليس عيب شائع وانما ظهر فى عدد لا يذكر مقارنه بعدد المبيع .
المشكلـه رقـم 7 : اللى اعرفه ان اغلب التوكيلات بتعمل صيانه الالف من غير مصنعيه انما مش مجانا كليا , ودا اللى حاصل فى -عز العرب-
المشكلـه رقـم 8 : الضمان بقى 100,000 فعلا , ودا الموضوع اللى نزل المهندس امر فيه الخبــر هنـــا
المشكلـه رقـم 10 : هو دا بسبب الازدحام فى التوكيل , حضرتك ممكن فى الصيانات الجايه تعملها فى فرع العجوزه بيكون فاضى وبيخلصوا على طول ... ومشكله الصحراوى هتنتهى -ان شاء الله- عند افتتاح مركز خدمة بروتون الجديد مع نهايه هذا العام -ان شاء الله-
انا رديت على اللى اعرفه ... وانتظــر رد م/أمــر
تحيـــــــــــــــاتــــىhttp://i122.photobucket.com/albums/o.../th_eclown.gif
شكراً للمهندس امر علي حسن التعاون و اهتمامه الواضح بعملاء التوكيل الذي يعمل به سواء كانت في الصغيره قبل الكبيره و هذا ما تعودنا عليه من المهندس امر و اتمني ان تحل فعلاً هذه المشكله التي تبدو في ظاهرها بسيطه و لكنها احياناً كثيره ما احس بمدي اهميتها و شكراً مره ثانيه علي الاهتمام حتي و لو لم تحل المشكله
-------------------
تـم حجز فانوس الصالون , برجاء تحديد اقرب وقت للذهاب للتوكيل وتركيبه
مشرف القسـم
مشكورعلى الردود واتمنى انك تكون فعلاً متأكد من معلومة الاستهلاك لانه مازال بنفس المعدل ، اما رقم الموتور فهو 4804 ، وياسيدى اللى قاللى كده مهندس الاستقبال اللى استلم العربية ، وبعدين لما يظهر عيب فى 5 عربيات بس ده مش سبب للتعميم بالتنبيه على جميع مالكى الموديل وعلى فكرة هو قال ان العيب ده موجود ولسه مستنى الرد من الشركة الام يعنى مش 5 عربيات هو انت عرفت منين حكاية 5 عربيات بالضبط ، على العموم اذا كانت معلوماتك قوية فياريت تقولى حجم المبيعات وصل اد ايه علشان اطمئن واكون شاكر.
النقطة الاخيرة ومشكور على اهتمامك بالرد يعنى ايه زحمة الصيانة بالحجز ياأستاذ وهو بيحدد الميعاد اللى عنده وبيلتزم بيه اما حالات الطوارىء فده امر مفرغ منه (على فكرة ماشفتش حد كتير وانا موجود هناك من 10 ص حتى 2 ظ ولو اعرف كده كنت عديت لحضرتك عدد العربيات اللى دخلت يومها.
واخيراً مشكور على اهتمامك وردك نيابة عن المهندس امر
اسم صاحب السيارة / احمد حسين
الموتور 4804 اما بخصوص السرعة مش مهم ياسيدى المهم الاهتمام
المهندس أمر انا معي واجا 2009 لسة مستلمها وكان فيها ضبط زوايا وفي صيانة 1000 قالو انهم عملوها ولكن اكتشفت انهم بدل ما ترمي يمين اصبحت ترمي شمال ودا من الساعة 9 الي 4 وكمان دفعت 55 ج قيمة مصنعية علي صنفرة تيل الفرامل مع اني ليس لي ذنب في ذلك
ارجو منك الاتصال بي م / حسام المصري 0101402928
رقم الشاسية 301670 - رقم الموتور 3379
حيث انني علي وشك صيانة ال 1000 والسيارة محتاجة كتاوت سنتر حسب التقرير بتاع الجوب اللي هما كتابوة في صيانة ال 1000 ولاحظت كمان ان اسعر الصيانة مختلفة من الصحراوي عن العجوزة عن امير وجوزيف ما السر !
ارجوا من سيادتكم الاتصال بي او الرد علي الايميل
h.ahram@hotmail,com
حسام المصري
----------------
قطع الغيار متوفره فى التوكيل ... الرجاء حجزها قبل الصيانه , ومراجعه التوكيل عند وجود اى شكوى اخرى
مشرف القسـم
اليكم تقريرى بعد زيارة التوكيل بالأمس(1) بعد أن جرب م/ محمد عبد الهادى التكييف بنفسه عند تسليم السيارة و قال لى إنه ضعيف فعلا, عند إستلامها قال لى أن كبير الفنيين قال له أن هذا هو الأداء المثالى للتكييف ولا يمكن تحسينه , رغم أنى سمعت أحد الفنيين يقول على سيارتى "كان فى شكوى فى التكييف و كذا عملها خلاص". و على العموم لو ده أحسن أداء للتكيف يبقى فعلا ضعييف جدا لان الهواء الى خارج منه مش بارد كفايهو بعد الخروج من التوكيل , شغلت التكييف , وجدت أنهم أضافوا عليه هديه من عندهم: صوت جميل أوى :ان فى حاجه مفكوكه جوه والهواء الخارج فى الكابينه بيهزها
(2) جهاز الزوايا لم يتم تصليحه, و لى تعليق بسيط : انا مبلغ من قبل إنى بشتكى من حدفه يمين , اليس من العقل عند تعطل الجهاز القيام بالاتصال بنا لتأجيل الكوعد , بدل من وعدى أنه سيكون بدون مقابل عندما اذهب مره أخرى بعد إصلاحه ؟ الا يعلمون أن التوكيل فى مكان بعيد فلا يمكن تسليم السيارة ثم الذهاب الى العمل, و ذلك لتجنب خصم اليوم من المرتب والذى يكلف أكثر بكثير من ثمن تعديل الزوايا, أظن مكالمه لتخيرى بين تأجيل الموعد او الذهاب مرتين كانت ستفرق مع كثير من العملاء نفسيا على الأقل
(3) بالنسبه لتسريب الهواء فهذه فضيحه لوحدها, قال لى م/ محمد ان التقرير يوضح انه ليس هناك عيب فى الابواب , و اليكم المفاجأة, سمعت بنفسى فنى يظهر عليه كبر السن يقول لفنى أخر جالس بداخل سيارتى امام استراحه العملاء " هتلأى المكنه بتاعت الزجهج مش ركبه صح, فكها و ثبتها مكنها تانى"قلت لنفسى من أولها كده الباب هيتفك, بس العامل الى كان جالس داخل السيارة قرر إنو بيفهم أكتر من كبيره, فدخل بالسيارة جوه الورشة على اليمين و فتح الزجاج نصف فتحة و ظل يضغط عليه لتحت و فوقده بزمتكم معناه إن يكتب فى التقرير n.p. مش o.k.طبعا قلت للمهندس محمد الكلام ده, قالى طيب دقيقه واحده, راح و رجع و قالى لى انهم فعلا كتبين على ظهر الورقه انه تم اصلاح الابوابو المفاجأة إن صوت تسريب الهواء كما هو بالظبط
أليس من حقى أن يخرج معى فنى أو مهندس لتجربه السيارة معى لإظهار العيوب فيها عند التسليم ؟و اليس من المفروض ان تغسل السياره على الأقل من الخارج بالماء قبل تسليمها للعميل, فى حالتى شغلو المساحات بالماء و بس كدهكنت خايف تكون تجربتى مع التوكيل مش تمام قبل ما أذهب , و كنت أتمنى ان تكون تجربتى عاديه. بس للاسف تجربه سيئه جدا و يارب الفنيين الى فيه يفهموا إن ده أمانه مش شغل فهلوا
تم حـل المشكله ... ونتمنى مراجعة التوكيل عند وجود اى شكوى
مشرف القسـم
الحمد لله تم صرف مبلغ التأمين
شكرا للمهندس اامر علي الرد علي الشكوي وتوجيهي الي الشخص المسئول
والف الف شكر لأستاذ معتز من عز العرب
بجد راجل متعاون وخدوم لاقصي درجة وكان متفهم لظروف شغلي ووفر عليا كذا مشوار للصحراوي ورحت بس لما جيت استلم الفلوس..وفعلا اتشرفت اني اقابله علي الطبيعة
بجد والله بدون مجاملة ..الموضوع مش موضوع فلوس او حل المشكلة وخلاص..لأ احساسك ان فيه حد مهتم وبيحاول بأمانة انه يساعدك ويسهل الامور...مش يعقدها او يكلفتك زي ناس تاني
..اتمني فعلا يكون كل الـ customer care (مش بس customer service) بالشكل ده
ويا رب يسهل ونلاقي حد زي استاذ معتز يحل بعض من مشاكل الصيانة