م/ محمد الرجاء التوجه الي اقرب مركز خدمه لفحص سبب ارتفاع درجه حراره المحرك
م/ محمد الرجاء التوجه الي اقرب مركز خدمه لفحص سبب ارتفاع درجه حراره المحرك
اسلام ابراهيم , جين 2 , 2009 , 44000 كم
المشكله المشهوره بتاعه علبه الدريكسيون وتوكيل الأسكندريه ميعرفش حاجه عن التعديل الجديد
الف شكر
--------------
تم ابلاغ المهندس/ امر بشكواك ..فبرجاء المتابعـه مع مدير مخازن بروتون, والحجز معـه لان هناك دفعات موجوده حاليا وكل 10 ايام تصل دفعات اخرى
مشرف القسـم
رامي محمد
موبايل 0101260699
برسونا2010
شاسيه رقم 227812
موتور رقم 7776
المشكله في علبه الدركسيون صوت الخبطه الي في المطبات الصغيره
في صيانه ال 1000 قالولي ربطنا العفشه وقفزان علبه الدركسيون ولسه الصوت موجود
وفي صيانه ال 10000 نفس الكلام تربيط عفشه والقفزان علي فكره صيانه ال 1000 وال 10000في ابو رواش
الصيانه الاخيره بتاريخ 3/8 سالت علي حضرتك قالولي مش موجود المهم بعد ما قلت للمهندس محمد عبد الهادي علي الصوت ده قالي حاضر هنربط العفشه والقفزان وبعد انتهاء الصيانه طلعت اجرب العربيه الصوت موجود رجعت للمهندس محمد تاني قام الراجل مشكور طلب من احد مهندسي الورشه انه يجرب معايا وايضا الصوت موجود ومسموع دخلنا الورشه تاني وايضا مهندس تاني طلع جرب العربيه وايضا الصوت موجود ومسموع ورد المهندسين الاثنين ان الصوت ده عادي ومفيش منه اي خطوره وقريبا سيتم عمل التعديل بتاع علبه الدركسيون الي هوا الخراطيم والبلف وسيتم الاتصال بي مع العلم انه لم يتم كتابه اي شيء في امر الشغل فاتمني من المهندس امر متابعه الموضوع وللعلم اني من البحر الاحمر يعني المسافه بيني وبين التوكيل 370 كم في انتظار رد المهندس امر
-----------
تم ابلاغ المهندس/ امر بشكواك ..فبرجاء المتابعـه مع مدير مخازن بروتون, والحجز معـه لان هناك دفعات موجوده حاليا وكل 10 ايام تصل دفعات اخرى
مشرف القسـم
لدي سيارة بروتون ساجا 2010
رقم الشاسيه : 169001
رقم الموتور : 6373
أتوماتيك
إستلمت السيارة عاملة 75 كيلو و لما سألت المعرض قالى أهم حاجه ماتكنش عاملة الألف ...... هل ده صحيح ( السيارة من معرض أتو ماجد مكرم عبيد )
المشكلة الخطيرة هي سحب البنزين لأن السيارة عاملة 155 كيلو (بعد الإستلام ) وساحبة 30 لتر بنزين و كل المشاوير داخل البلد فما هو الحل ؟؟؟؟؟؟؟؟؟؟
برجاء الإفادة
محمد فتحي
رقم الموبايل : 0111051345
مع الشكر
-----------
المشكله ليست بخطيره .. قد تكون فقط تحتاج لتنضيف بوابه وفلتر , يمكنك حجز صيانه فى اى وقت والذهاب للتوكيل او الانتظار لصيانه الالف
مشرف القسم
طيب ياريت رقم مدير المخازن للمتابعه معه
------------
م/عبد الباسط - 0117775510
مشرف القسم
+11
نفس المشكلة
الاسم محمد على
رقم الشاسيه 300216
رقم الوتور 3361
السيارة بروتون واجا اوتوماتيك
---------------
تم ابلاغ المهندس/ امر بشكواك ..فبرجاء المتابعـه مع مدير مخازن بروتون, والحجز معـه لان هناك دفعات موجوده حاليا وكل 10 ايام تصل دفعات اخرى
مشرف القسـم ب8
نفس المشكله الخاصه بعلبه الدريكسيون
الاسم : مؤمن حمدي محمد فهمي
رقم الشاسيه : 149001
رقم الموتور : 8848
بروتون جين 2 2008
---------------
تم ابلاغ المهندس/ امر بشكواك ..فبرجاء المتابعـه مع مدير مخازن بروتون, والحجز معـه لان هناك دفعات موجوده حاليا وكل 10 ايام تصل دفعات اخرى
مشرف القسـم ب8
ساجا اوتوماتيك
شاسيه: 169002
موتور: 6370
صوت تزييق و طأطأه من الأمام من يوم أستلام السيارة,, في صيانة ال1000 المهندس محمد عبد الهادي قالي تم تفكيك و تشحييم العفشة, بعد ما مشيت شوية الصوت رجع تاني, حجزت تاني و رحت امبارح المهندس مصطفى قالي نفس الكلام و اول ما وصلت مصر الجديدة الصوت رجع تاني و امبارح فيه مهندس قالي صوت التيل و الطنابير عالي جداً و لم يتم تصليحه ايضاً.
------------------------
برجاء كتابه رقم الهاتف لكى يتمكن المهندس/امـر من متابعه المشكله معك
مشرف القســم ب8
لدي سيارة بروتون ساجا 2010
رقم الشاسيه : 169001
رقم الموتور : 6373
أتوماتيك
في صوت تزييق عند رفع الرجل من على الفرامل في المسافات القصيرة (إشارة مثلا)
هل الصوت ده عادي ؟؟؟؟؟ أرجو الافاده
----------------
صوت طبيعى فى كل السيارات الاوتوماتك
مشرف القســم ب8
انا عربيتي ساجا اوتوماتك وعملت بيها 85 كم لحد دلوقتي العربية ما شاء الله تمام ولكن حصل معايا النهارده موقف زبالة الصراحة اسف في اللفظ لانه عمللي احراج كتير ووترني اللي حصل اني كنت بحاول ادور العربية لقيت المفتاح مش راضي يتحرك نهائي لفيته نفس الكلام من هنا لهنا مافيش اكتر من تلت ساعة لحد ما لقيت ميكانيكي جه وقعد يعافر بتاع ربع ساعة لحد ما دارت الحمد لله يا ليت تقوللي اعمل ايه يا باش مهندس وعاوز اعرف ايه مواعيد التوكيل في بقية رمضان وكمان مواعيد التوكيل في العيد بعد اذنك طبعا وشكرا مقدما
-------------------------
برجاء كتابه رقم شاسيه وموتور السياره .. ورقم الهاتف
مواعيد العمل فى رمضان صباحا 9 : 3 - مساءا 9 : 12
العيد اجازه
مشرف القســم ب8
السلام عليكم، انا والدة علي، إسمي ( آية )
انا معايا عربية ساجا أوتو أحمر ، للأسف رقم الشاسيه والموتور في الرخصة في العربية في توكيل أبو رواش، ومش فاكراهم بس ممكن أجيبهم بكرة ان شاء الله.. اشترتيها من شهرين بالظبط، ، وكنت هاعمل صيانة الـ1000 قبل العيد ورحت حجزت اعطوني ميعاد بعد العيد. أنا شغلي في التحرير وساكنة في الجيزة فلم أذهب بها أبداً أي مشوار طويل، وثالث أيام العيد ذهبت بها إلى كارفور أول الطريق الصحراوي ، وأنا راجعة فجأة سخنت وبطلت مني، فتحتها لقيت المياة الخضراء منطورة على الموتور كله ومافيهاش نقطة مية واحدة مش عارفة اللي حصل، كلمت الصيانة وخلوني كلمت الونش أخذها يوم الإثنين، م/ محمد عبد الهادي اللي استلمها، رحت النهاردة علشان أشوف إيه الأخبار قالولي غيروا الرادياتير لأنه فيه عيب وبعدين جربوا العربية، لما رجع المهندس المروحة فضلت شغالة 20 دقيقة بعد ما ركن ومشيت والمروحة مابتفصلش، المهندس قالي هاتدخل الورشة تاني وبعدين كلومني قالولي جوان وش السلندر هايتغير كمان!!!!!!! معقول كل دة ولسه في أول 1000 دة طبيعي؟؟؟
يا باش مهندس لو سمحتم حد يرد عليا أن بجيب عربية زيرو علشان أريح نفسي منها على الأقل 3- 4 سنين
مش من الأول تعمل معايا كدة!! أنا ولادي مدرستهم على الطريق الصحراوي ومحتاجة عربية تسعفني مش معقول أتعرض لدة وولادي معايا الواحد بيجيب عربية زيرو وكويسة علشان ماتبهدلش، عربيتي الأولى أول مرة والله العظيم مهندس يمد إيه فيها كانت بعد 5 سنوات وبعتها عاملة 40 ألف كيلو بس في 7 سنين أنا استهلاكي مش جامد بس ماعنديش استعداد للبهدلة؟؟ أرجو من المهندس آمر يرد عليا انا كلمته ومردش ويقوللي ايه العمل؟؟؟؟ انا مش عاوزة مشاكل؟؟؟
-----------------
يمكن ان الرداياتير كان به مشكله وهو من سبب تلك المشكله ...... ولكن مع اصلاح المشكله لن تتكرر المشكله ان شاء الله
برجاء متابعه السياره وعند وجود اى ملاحظات اخرى برجاء حجز صيانه وابلاغ المهندس/امر بالموعد
مشرف القســم ب8
شكر خاص جدا وعتاب شديد جدا جدا
انا عربيتي جين 2 اوتوماتيك رمادي 2010
شاسيه : 230239
موتور: 4077
عدد الكليومترات : 32000
الحمد لله العربية زي الفل ما عدا الفرامل خفيفة واشتكيت منها لما عملت صيانة ال5000 كم بالدقي
قالولي مفيش عندك مشكلة والعربية تمام وبعدين لقيت ان المشكلة مازالت موجودة
سألت صديق عنده نفس العربية قاللي ان الجين 2 فراملها خفيفة شويه" قلت خلاص امري لله
ولكن حدث مالم اكن اتوقعه" حادثة امامي علي بعد 20 متر تقريبا وانا خارج من نفق العبور الي طريق الاسماعيلية ولم اخد سرعتي بعد كانت تقريبا 50 او 60 كم / ساعة لو اي عربية تانية كانت فرملت مكانها ولكن للاسف اصطدمت بالسيارة التي امامي وحدث بعض التلفيات لا داعي لسردها " المهم الحمد لله
فقررت عمل الصيانة بابو رواش بدلا من الدقي بمعرفة اخي الاصغر يوم 14-9-2010 لاني مكنتش طايق نفسي ولا طايق التوكيل
وكانت المفاجأة حسب ما اخبرني به اخي ان العربية محتاجة تيل امامي فقط والله اعلم عاملوا حاجة تانية ولا لأ
المهم ان العربية فراملها كويسة واحسن من الاول بكتير وتم تجربتها عن طريق المهندس امر بنفسه
بصراحة قررت عدم زيارة فرع الدقي تماما مهما حدث" واتوجه بالشكر للمهندس امر
علي فكرة وانا بكتب الكلام ده دلوقتي حالا مركز الصيانة بابو رواش كلمني وبيطمن ان كله تمام ولا لأ
بجد شكرا
اخوكم مهندس \ عادل عامر
اسف يا جماعة انا كان قصدي فرع العجوزة مش الدقي لان مفيش اصلا في الدقى
وارجو من المسؤل عن توكيل بروتون محاسبة المسؤل عن فرع العجوزة لسوء الخدمة وعدم الخبرة في الصيانة
الموضوع مش سهل يا جماعة ومش كل الناس عندهم خبرة في العربيات واحد زيي بيروح التوكيل عشان اريح نفسي مش اتعب نفسي والا اصين برة عند ناس عندهم خبرة احسن ولو بضعف الثمن و طبعا اكيد ارخص
وشكرا
----------------------
تم ابلاغ المهندس/امر بشكواك ....... وسوف يتم اتباع الازم
مشرف القسم ب8
ياريت يا استاذ امر تقولنا هل في حل بالنسبة لعلبة دريكسيون الواجا ولا نتكل على الله ونعمل الشكوى ؟؟
ارجو من حضرتك الرد علشان الواحد زهق بجد من المشكلة دي
-------------------
برجاء كتابه رقم الشاسيه ورقم الموتور .....لكى يتمكن المهندس/امـر من متابعه المشكله
مشرف القســـم ب8
تم والحمد لله تركيب التعديل وبي الفعل تم الاتصال بي المهندس عبد الباسط وحجز التعديل باسمي وتم التركيب يوم الاحد 19/9
وكان التوكيل زي الساعه نظام ودقه في المواعيد وكمان استلمت العربيه قبل الميعاد
شكرا بشمهندس امر الكوافي
شكرا بشمهندس عبد الباسط
شكرا بشمهندس محمد عبد الهادي
م/ آمر خالص تحياتي لحضرتك
بينات عربيتي كالآتي :
برسونا 2009
الكيلومترات : 18900 تقريبا.
رقم المتور : 1434
رقم الشاسيه : 193509
الكلام اللي بسمعه عن أخلاق حضرتك و تفانيك في شغلك و حبك لبروتون و ان اسمها يعلى كل يوم عن التاني هو اللي شجعني أستشير سيدتك في حل مشكلتي
المشكلة بكل ايجاز ان أول م استلمت العربية و أنا ملاحظ ان فيه صدأ و اضح في الشكمان أنا قلت ممكن على الوش و هيروح بس أتا ملاحظ انه في زيادة... يترى حلها ايه المشكلة دي و ياريت لو ممكن ووقت حضرتك سمح و رديت عليا قبل يوم الاثنين على أساس أنا رايح أعمل صيانة ال 20000 يوم الأثنين 4-10-2010
شكرا لسيادتك و ربنا يجازيك عنا كل خير
م/ شريف حمدي
0106727967
---------------
تم ابلاغ المهندس/امـر بشكواك .. ولكن لابد قبل الذهاب للصيانه المرور على رجل المبيعات الذى باع لك السياره واخذ منه ورقه تثبت بها وجود هذه المشكله من يوم الاستلام
مشرف القسم ب8
إسمي أحمد عزت
0103185692
السيارة برسونا 2009
عدد الكيلوات 27000
رقم الشاسيه : 215323
موتور : 9763
السلام عليكم مهندس آمر
أنا عندي مشكلة علبة الدريكسيون اللي بتخبط في المطبات منذ الألف كيلو الأولى للعربية ومشكلة ماكينتين الزجاج الأمامي للبابين بيعملوا صوت عالي جدا في الطلوع والنزول بردو منذ الخمسة آلاف كيلو الأولى
مشكلة علبة الدريكسيون كنت كلمت حضرتك فيها كذا مرة في التليفون وأخر مرة حضرتك قلت لي إنكم بتدرسوا التعديل مع الماليزيين وبعد فترة في صيانة العشرين عرفت ان التعديل وصل ولما سألت المهندس أنكر في تعديل اصلا مع أني عرفت من المنتدى أن ناس عملت التعديل ومرة تانية حاول يقنعني أن ماعنديش المشكلة المهم أخر صيانة الخمسة وعشرين ألف طلعت جربت مع مهندس وأخيرا تأكدوا أن عربيتي محتاجة للتعديل علبة الدريكسيون وماكينتين زجاج امامي وكتب ده في تقرير الصيانة وسجلت اسمي عند أ فاطمة تقريبا وبعد كده اتصلت كذا مرة وكل مرة اللي يرد عليا يقولي لسة ماجاش ولسة مكن الزجاج ما جاش وبعدين ادخل المنتدى ألاقي ناس عملت التعديل
ياريت يا مهندس آمر حضرتك تهتم بهذه المشكلة وأنا متأكد إن لو حضرتك تدخلت بنفسك التعديل لعربيتي هيتعمل إن شاء الله وماكينات الزجاج هتتوفر بردو إن شاء الله
---------------------
تم ابلاغ المهندس/امر بشكواك .. وسوف يتم حجز قطع الغيار الخاصه بك وحجز يوم لتغيرهم وابلاغك به
مشرف القسم ب8
الأسم: محمد عيسى
العربية: جين2 2009
شاسيه: 196137
موتور 1652
أنا عملت صيانة ال30 ألف مع المهندس محمد عبد الهادي قبل العيد وقالي إن العربية محتاجة طقم دبرياج :eee: قلتله دا في الضمان طبعا قالي لأ دا ضمانه 20 ألف بس وانا لو عليا هدي ضمان عليه اول الف كيلو بس !!!:H_angry[1]: قلتله بس ايه اللي خلى حضرتك تقول محتاجة طقم دبرياج دي عملة 30 بس قالي مش انت حاسس ان السحب ضعيف والعربية في المطالع مبتسحبش قلتله لأ قالي يبقى خلاص مش محتاجة طقم دبرياج :dzey: دلوقتي أنا الموضوع دا عملي قلق وبقيت ماشي بالعربية مش متطمن لأن في احتمال من اتنين
ياما العربية فيها مشكلة فعلا في الاسطوانة والديسك والبلية ومحتاجين يتغيروا يبقى الباشمهندس مكنش المفروض يسيبني أمشي بالعربية وهيا فيها مشكلة
يأما العربية مفيهاش حاجة يبقى مكنش المفروض يقلقني على الفاضي
انا عارف ومتأكد إن م/عبد الهادي من أحسن المهندسين في التوكيل ومش بشتكيه بس محتاج عربيتي يتبص عليها كويس ويتقالي اذا كان فيها العيب دا ولا لأ وإذا كان فيها مشكلة في طقم الدبرياج ياريت يتغير في الضمان
السلام عليكم
ماهو معدل الاستهلاك الطبيعى للبروتون ساجا
داخل المدينه
خارج المدينه
الزحام الشديد
متوسط الاستهلاك
شكر ا
السلام عليكم
بروتون ساجا
129167
6895
ماهو معدل استهلاك البنزين الطبيعى
داخل المدينه
خارج المدينه الطرق السريعه
الزحام الشديد
حاله السكون
متوسط الاستهلاك
لان العربيه تحفه وبتجرى ومتحسش انها 1300 وكل حاجه ممتازة
انما البنزين محتاج وقفه
والف شكر لعز العرب ولمنهدس امر والمنتدى على المجهود
السلام عليكم
ساجا اوتو
شاسيه 189119
موتور 3414
انا عملت صيانه ال1000 من شهر وكنت بشتكي من شويه حاجا صغيره منها تم الابلاغ عليها وبعضح اتحل وبعضها لا منها
صوت تكتكه خفيفه في الباب اليمين (لا زالت موجوده حتي الان)
خبطه خفيفه ورا شمال مع المطبات(لا زالت موجوده حتي الان)
الشنطه بتتقفل بصعوبه (تم الاصلاح)
- اما الحاجات الاساسيه اللي كنت بشتكي منها وللاسف لم تحل ان العربيه فيها حدفه بسيطه شمال وقلولي اتحلت ولا زالت موجوده
- بعد الصيانه حسيت ان الفرامل بقت خفيفه وبحس بتكتكه كدا تحت رجلي لما بدوس الفرامل كان في سلك بيتقطع وايضا فرامل اليد خفيفه
- والحاجه اللي عايز فيها تفسير ان الكاست عندي فيه مشكله غربيه ولما قلتلهم عليها قالولي روح كلاريون في المهندسين (هل ده صحيح) عشان انا مش شاري كاست لوحده انا شاري عربيه بالكاست والمشكله هي ان ارسال الراديو بيفصل مره واحده وممكن يعد لغايه نص ساعه لغايه لما ييجي تاني. اشغل السي دي شغال تمام ارجع للراديو مافيش في اي وقت واي ماكن حتي ال ام بي 3 اللي جايبه ارساله مابيطلعش لما بيكون الارسال فاصل
انا دلوقتي عامل 3000 كيلو فاكنت هقولهم تاني علي المشاكل دي في صيانه ال5000
ارجو الرد في هذه المشاكل (الخاصه بالعربيه والخاصه بالكاسيت) لاني اخشي ان يطلبوا مني مصنعيه مع ان هذه المشاكل منذ تاريخ شراء العربيه وموضوع الفرامل ظهر بعد صيانه ال1000
[/size السلام عليكم ورحمة الله وبركاته ]تحياتي للمنتدي الرائع
عربيتي بيرسونا 2009 عامله حوالي 29000كم رقم الشاسيه 182906 رقم الموتور8345
اسمي عمرو سيد رقم التليفون 0103827624
المشكله الاولي وهي مشكله علبة الدريكسيون اللي عند معظم الناس
المشكله الثانيه هي اني بسمع صوت تكتكه عالي والعربيه بارده بيقل لما تسخن لكن بردوا موجود وفي أخر صيانه طلبوا ان العربيه تبات علشان يسمعوا الصوت بنفسهم بس في الحقيقه أنا من السويس في موضوع البيات ده صعب جدآ ثم أن العربيه باتت فعلا سابقآ والموضوع اتحل لمده صغيره ورجع تاني
مع خالص الشكر
السلام عليكم ورحمة الله وبركاته
الصراحة قبل ما اشتري بروتون ساجا مكنتش ابدا اتوقع اني هاكتب اي حاجة هنا لكن مع الاسف انا وصلت مع الصيانة لدرجة اني بدات اكره عربيتي ومبقتش احب اركبها ومتضايق جدا
الحكاية بدات من صيانة ال 1000 روحت الصيانة زي اي حد وانا مبسوط وبحب عربيتي ومهتم بيها جدا
ودة كانت اول زيارة للتوكيل بعد ما اشتريت العربية كان فيه بعض الحاجات غير الصيانة وقلت عليها
للمهندس وكان من ضمنها ان فيه عضة في الفتيس مع الغيار ال2 تحديدا وكام حاجة تانية كدة المهم
خلصوا وقالولي العربية كدة تماااااااااااام
تاني مرحلة الفتيس بردة زي ما هوه متغيرش وكمان زاد عليه صوت شديد جدا في العفشة من قدام
من ناحية المساعد الشمال واليمين روحت للتوكيل وبردة قولت علي الفتيس والصوت دة وان سحب
العربية قل وبتحتاج كمية اكبر من البزين في بداية الحركة وكام حاجة كمان مكنش ليهم اهمية كبيرة
حاجات صغيرة كدة يعني
الرد كان كالاتي الفتيس اتصلح وتمام ونضفنا غرفة الاحتراق والرشاشات والبوابات وكلام كدة
بالاضافة ان المساعد الامامي شمال بايظ وعايز يتغير قولت طيب غيروه الرد كان انه مش موجود ولما
ييجي هنبقي نتصل بيك تيجي تركبه .......فوت علينا بكرة يا سيد معلش افتكرتها في الموقف دة
تالت مرحة اقصد تالت زيارة للتوكيل وانا لسة موصلتش 2500 كم غيرت المساعد وبردة اشتكيت من
الفتيس اللي جنني ومتصلحش بقاله مرتين المهم الرد بردة كان الفتيس اتصلح والمساعد اتغير وكله
تمام في المرة دة بقي والمرة اللي قبلها كنت بشتكي من صوت جاي من قدام شمال ويمين طلعت
اجرب العربية الصوت موجود حتي بعد تغيير المساعد قولت ل م/محمد عبد الهادي قالي سمعهولي
سمعه 3 مرات وبيتكرر قالي بس انا هاطلع معاك م/سيد مدير الصيانة قولتله ماشي قالي بس
بقولك ايه استحمله قولتله يعني ايه قالي يعني خده كدة واحدة واحدة وسمعه الصوت حسيت انه
بيقولي وانت رايح تشحت منه ابقي اطلب بادب المهم طلعت معاه كل ما اسمعه الصوت يقولي مش
سامع الف بيه تاني يقولي بردة مش سامع المهم جيت الف بيه تاني قالي ايه دة انا ورايا شغل انت
هتفضل تلففني طول اليوم والعربية كويسة ومفيهاش حاجة قولتله معلش هنلف تاني لحد ما تسمع
الصوت قالي مفيش قولتله دة مشكلتك انت مش مصدقني ولا مصدق المهندس بتاعك قالي لا انا
مصدق بس مش سامع حاجة واسلوبه كان سئ جدا المهم المردة دة قالي اه سمعته مفيهوش
مشكلة صوت عادي قولتله ازاي دة مش طبيعة العربية مكنتش بتطلع الصوت دة المهم اتزهق عليا
وسابني انا كنت صايم مرديتش اخد اي موقف لاني كنت مجهد
اتصلت عليا بعد كدة خدمة العملاء علشان تشوف مستوي الخدمة اشتكيت لها من سوء معاملة م/سيد دة قالتلي معلش وكلام من دة المهم انها قالتلي تعالي الصيانة في اي وقت قولت طيب
المرة الرابعة للصيانة روحت امبارح طلع واحد معايا يجرب العربية المرة دة كنت بشتكي من الصوت
اللي قدام وصوت في مكن الزجاج الامامي وفرامل اليد ويد تحريك كرسي السائق و2 زرار باب
بايظين المهم الراجل جه قالي اه الصوت اهوه قولتله م/سيد قال طبيعي قالي لا مش ممكن يكون
قال كدة قولتله اسال م/محمد عبد الهادي قالي لا طبعا الصوت مش طبيعي خالص المهم انا سلمت
العربية الساعة 11 قالي هتستلم الساعة 4:30 قولت ماشي اتصلت الساعة 2:30 علي م/محمد
قالي العربية خلص كل حاجة فيها وهتدخل علي الميكانيكي علشان الصوت اللي قدام دة قولتله
ماشي جت الساعة 4:30 جيت استلم قالولي المساعد اليمين بايظ وعايز يتغير وباقي الحاجة
اتصلحت وتمام قولت ماشي استلم واجرب لاقيت كل اللي اتصلح زراير الابواب وفرامل اليد اجي
اشوف مكن الزجاج ولا يد الكرسي والله متعمل فيهم حاجة قولت ل م/محمد قالي الواد اصلا اللي
كان بيصلحها مش كويس ودة مش اول مرة يعمل الحركة دة معايا وانا لازم اهزئه واشده قولتله ياريت
بسرعة علشان الساعة كانت وصلت 5 وبقالي 6 ساعات
المهم اتكلم مع الولد دة لاقيته لسه بيكشف علي العيب وراح لف وقاله المكن عايز يتغير قاله طيب
غيره قاله يا عم متخليه ييجي يوم تاني قاله لا دلوقتي المهم راح يجيب المكن من المخزن انا
الصراحة قولت شكله كدة هيقول مش موجودة ويتحجج روحت واقف جنبه اللي في المخزن قاله هات
اذن صرف سيبته وقولت هيغيرها وكدة قولت اقعد برة لاقيت جايين يقولولي ان المكنة مش موجودة
في المخزن الصراحة اتضايقت جدا روحت سالتم/محمد مين المسئول عن الودلد دة علشان اشتكيه
قالي روح قدم شكوي عند أ/داليا وفعلا سالتني وقولتلها علي اللي حصل
لما قالوا المساعد عايز يتغير كلمت م/عبد الباسط وقالي هيكون موجود كمان 10 ايام تقريبا فسالت
ا/داليا امتي اجي علشان اركب ال2 مع بعض قالتلي اسال م/عبد الباسط اتصلت عليه فعلا قالي يا
استاذ القطعة موجودة بالفعل بالمخزن ولما قولتله علي اللي حصل من الولد بتاع الصيانة اعتذر
وقالي معلش لما تيجي تركب المساعد ابقي ركب المكن
اللي انا عايز اعرفه دلوقتي شوية حاجات:
1- العربية بتاعتي عاملة 3500 كم دلوقتي
2- انا باجي من الزقازيق علشان الصيانة اللي فعلا مش مقدرين دة وهاتك يا مشورة فيا كل شوية علي نفس الحاجات اللي مبتتغيرش بل وبتزيد كمان
3- عدم المسئولية والاهمال من واحد مسئول زي م/سيد لما يتزهق عليا انا راجل عميل مش واحد جاي اشحت منه ولا جاي المسافة دة كلها علشان اهزر معاه ولا اقوله علي حاجة وهمية مش موجودة ودة اللي بالفعل ثبت بعد كدة انهم قالوا ان المساعد اليمين عايز يتغير
4- انا لما اشتكيت اخر مرة اشتكيت ان الصوت بييجي من الشمال واليمين لما قالوا المساعد هيتغير سالت بس الصوت شمال ويمين دة معناه ان المساعد الشمال اللي لسه متغير مكملش حاجة بايظ قالوا لا هوه اليمين بس ولما يتغير الصوت هيروح...وعلي فكرة دة نفس الوضع لمكن الزجاج قالوا هتغير واحد قولت طيب والتاني قالوا لا عايز تشحيم بس قولتلهم طيب ياريت يبقي موجود ال2 لما اجي اركب علشان تحسبا لو كانت بايظة
5- هل هما متاكدين من دة يعني مش هاغير اليمين يقولوا الشمال كمان بايظ والف اللفة اياها تاني
6- المساعد الشمال استنيتة 25 يوم تقريبا فهل بعد تصليح اليمين ممكن يطلع الشمال بايظ واتني كمان ..........يوم
7- الاهمال الشديد من الناس الموجودة لدرجة انهم يكدبوا انهم صلحوا العربية وهي اصلا محدش جه جنبها لا وكمان اقعد 6 ساعات استناها قال ايه بيصلحوها
8- الاهمال الشيد والكذب علشان يريحوا نفسهم انهم يقولوا ان الحاجة مش موجودة علشان يمشوا والعميل بقي يولع يبقي ييجي تاني اصله فاض مش وراه حاجة غير التوكيل كل شوية رايح يصلح حاجة
9- امتي هاستمتع بعربيتي انا مكملتش ال 4000 وغيرت مساعد والتاني هيتغير والله اعلم يمكن الاول هيتغير تاني ولا ايه ومكنة زجاج والتانية يا تتغير يا تتشحم انا حاسس اني هاغير العربية حتة حتة علي ال10000
يا مهندس امر انا سمعت عنك كتيييير جدا ونفسي الصراحة انك تستجيب لرسالتي دة ولو عايز حضرتك اثبت كلامي انا معايا محاضر التسليم كلها وفيها كل الشكاوي بتاعتي ممكن تراجعها للتاكد وممكن تسال م/محمد بردة علي الكلام دة
الصراحة واقسم بالله انا امبارح قولت جوه نفسي انا غلطان اني اشتريت العربية دة وحضرتك لازم تعذرني كل المشاكل دة وتغيير اجزاء مهمة المفروض متبوظش بيسرعة والمعاملة السيئة مش عارف اقول ايه....النهاردة باكتب لحضرتك علشان تشوفلي حل انا مش عارف استمتع بالعربية وفعلا بدات اكرهها واكره اني اركبها
اسف جدا جدا جدا لاني طولت بس كان لازم اكتب لحضرتك واتمني رد حضرتك بسرعة اما هنا او ممكن حضرتك تتصل عليا
دة رقمي 0198899409 وانا معايا رقم حضرتك لو معندكش مانع اني اكلمك المهم ان حضرتك تشوفلي حل
وشكرا جدا لحضرتك
اسف نسيت اكتب رقم الشاسيه والموتور
رقم الشاسيه 161530
رقم الموتور 8568
العدادكما هو في اخر زيارة للصيانة في 5/1/2011 3436 كم
السيارة ساجا 2010
اسمي أشرف عبد الرحمن ورقم موبايلي 0198899409
السلام عليكم ورحمة الله وبركاته.
انا عربيتى بروتون جين 2 موديل 2010
عاملة 25700 كم
رقم الشاسيه: 237105
رقم الموتور: 5450
انا بعمل الصيانة كل 5000 كم ويهمنى جدا ان العربية ميكونش فيها اى عيوب لان ظروف شغلى بتجبرنى على السفر كتير ...المهم
المفروض ان كل صيانة بتتعمل للعربية تتربط فيها العفشة ويتكشف على التيل مع غيار زيت المحرك والفلتر ويتكشف على زيت الفتيس والباور والفرامل.... للاسف الكلام ده مش بيحصل منه غير تغيير زيت المحرك والفلتر بس. والدليل على كده انى بعد الصيانة الاخيرة طلعت بالعربية زى مادخلت بالظبط واللى زاد على كده كمان ان العفشة بدات تخبط و الكارثة الكبيرة انى الاقى التيل متاكل ومحدش بلغنى فى التوكيل ..
ا/اشرف
السلام عليكم
بناء علي المكالمه ااتي تمت يبنانا يوم امس السبت الموافق 8/1/2011
انا في انتظار زيارنكم المركز في اي وفت مناسب لموعيد سياتدكم
خلال الاسبوع الجاري
السلام عليكم ورحمة الله وبركاته
أنا فعلا كنت مستاء جدا من المعاملة اللي تم التعامل بيها معايا في مركز الصيانة بس بعد مكالمة المحترم م/آمر انا فعلا سعيد جدا بوجود ناس زيه في التوكيل همها العميل وبتحافظ علي سمعة المكان اللي هي فيه
بدون كلام كتير م/آمر فعلا زي ما الناس كانت بتتكلم عنه راجل محترم جدا وقد المسئولية فعلا
شكرا جزيلا م/آمر وربنا يوفقك دايما في خدمة الناس
تم الاتصال بالاستاذ عمرو السيد
السلام عليكم
انا باكتب هنا دلوقتي مش علشان عندي شكوي لا علشان عايز اقدم شكري لان زي ما كنت بشتكي من حاجة معينة لازم بردة لما تتحل المشكلة بشكل كويس اشكر اللي كان السبب
انا هنا بشكر م/آمر لانه فعلا احد المحترمين جدا في توكيل عز العرب اتصل عليا امبارح وطلب مني اني اروح وعلي الرغم من اني وصلت التوكيل الساعة 1 الا انه طلع معايا بنفسه يجرب العربية وبعدين دخلها الصيانة واشرف عليها بنفسه وعلي الساعة 5 كان المساعد اتغير وكل اللي كنت عايزة اتعمل طلعنا نجرب العربية لاقينا صوت في الشمال واللي قرر م/احمد انه يغير المساعد الشمال علشان الصوت دة وقالي ان المساعد سليم بس من حقك انه ميكونش بيعمل صوت وعلي الرغم من ان الساعة كانت عدت 5 يعني ميعاد الانصراف للفنيين الا ان م/آمر قالهم العربية دة لازم تخلص النهاردة وبالفعل المساعد التاني اتغير وجربت العربية بنفسي والحمد لله مكنش فيها اي حاجة وبعد دة كله كانت الساعة وصلت 6 والناس كلها قاعدة علشان تخلص عربيتي م/آمر وم/أحمد والفنيين حتي اللي بيغسلوا العربية بعد ما تخلص الصيانة
العربية خلصت واتغسلت واستلمتها ما شاء الله زي ما كنت لسه مشتريها والفضل يرجع لربنا انه خلي ناس محترمة في التوكيل نقدر نرجعلها لما يحصل مشكلة
انا مهما قلت مش هاقدر اوفي حق م/آمر الراجل دة يا جماعة محترم بكل معني الكلمة وصدقوني اللي عنده اي مشكلة مضايقاه ميترددش لحظة انه يكلمه
اخيرا علشان مطولش شكرا جدا جدا م/آمر وربنا يجازيك خير ودايما تكون عون للناس وتحل كل مشاكلهم
واحب اختم بحديث نبوية
قال رسول الله عليه الصلاة والسلام :
إن لله عباداً اختصهم لقضاء حوائج الناس، حببهم للخير وحبب الخير إليهم، أولئك الناجون من عذاب يوم القيامة صدق رسول الله صلى الله عليه وسلم
السلام عليكم مهندس امر
انا اسمى كريم المغربى اشتريت حثقسخىش 2010 من شهر رقم الشاسية 254466 موتور رقم 6575 المشكلة عندى ان المساحات بتعمل صوت جامد لما بشغلها ولما روحت التوكيل فى الاسكندرية قالوا الصوت دة علشان اسة جديدة مع انى مش اول مرة اشترى عربية جديدة و اعتقد ان الصوت دة لنى العربية كانت متخزنة من فترة فالكوتش بتاع المسحات نشف
ياريت تفدنى فى الموضوع دة باسرع وقت لانى الجو فى شتى وانا خايف تجرح الزجاج
وشكرا
السلام عليكم أسمي محمد عبد السلام اشتريت سيارة بروتون واجا من التوكيل و استلمتها يوم 13/1/2011 و بعد الاستلام اخذ السيارة فلم اجد بها فرامل الفرامل ضعيفة جدا و السيارة بتقف بالعافية دخلت لمهندس الورشة ابلغني ان التيل هيطبع و هتبقي الفرامل كويسة و انا عمل 700كم بالسيارة و لسة الفرامل سيئة فماذا افعل يعني المهندس اللي جرب و قال هتطبع و تبقي كويسة ارواح الناس عندة بسيطة و بالسهولة كدة اي رد و خلاص
رقم شاسية 300557
تليفون 0105141997
تم الاتصال بالعميل وتحديد موعد للصيانه
مشرف القسم ب7
السلام عليكم
السيارة جين2 مانيوال 2009
رقم الموتور: 5223
رقم الشاسيه: 187435
حصل معايا مشكلة فى التوكيل وتتلخص فى الموضوعين المرفقين
http://www.nilemotors.net/Nile/196234-60.html
http://www.nilemotors.net/Nile/197760-6.html
وارجو من حضرتك التدخل لانهاء المشكلة
انا عندى عربيه ساجا 2010
شاسيه 161881
موتور 8578
الموشكله اللى عندى فى سحب العربيه للبنزين من الأخر جباره ومفتريه لدرجه لاتوصف ال40 لتر بيعملو معايا من 268-270 كيلوا فى كل تفويله مش عارف اعمل ايه مع انى دايما بحطلها بنزين 92ومفيش ولا مره حاطيت غيره--------
اللى طالع على العربيه الايام ده ان اول 2 شرطه من العداد بتاع البنزين نقصه والعربيه مشيت 58 كيلوا--
كمان اصحابى معاهم نفس العربيه وجابوها معايا فى نفس اليوم بس عربياتهم بتعمل 350-370 كيلو فى التفويله ارجو منكم الرد ولكم جزيل الشكر
انا عندى عربيه ساجا 2010
شاسيه : 181946
موتور : 3338
موبيل : 0106689558
المشكلة انى فى صيانة 5000 رحت علشان اعمل الصيانة و كمان
كان فى مشكلة انه فى صوت طقة غريبة ناحية العجل الامامى هذا
بالاضافة انه فى مشكلة فى شداد الباب الامامى (لم يتم حلها أيضا ) المهم لما كشفوا فى توكيل عز العرب الصحراوى لقوا ان المساعديين لازم يتغيروا و لكن
قالوا ان المشكلة انهم معندهمش المساعديين دول الأن احجز وهنبقى نتصل بيك :36_1_50[1]: اتصلت بيهم تانى بالأمس قالوا لسا
مفيش حاجة جت و صوت الطقة قاعد بيزيد
ارجو الرد و لكم جزيل الشكر
بسم الله الرحمن الرحيم
شكر للمهندس / أمر و مشرفي المنتدي تم الأصلاح والفرامل زي الفل
السلام عليكم ورحمة الله وبركاته
المهندس المحترم / اُمر الكوافي
انا عربيتى بروتون جين 2 موديل 2008
عداد : 39150
رقم الشاسيه: 149001
رقم الموتور: 8848
تليفون : 0186741643
انا من محافظه الاسكندرية... حالياً بعاني من الموضوع الخاص بعلبه الدريكسيون الرزعه الي بتكون موجوده فيها في الاماكن الغير ممهدله او الاسفلت فيها مش مظبوط
و انا سمعت ان في تعديل خاص بعلبه الدريكسيون لتفادي العيب دا فأرجو من سيادتكم توجيه لحل هذه المشكله
تحياتي و ارجو سرعه الرد
بروتون ساجا 2010
العداد 12350
شاسيه161531
عمرو حجاج، 0121176960
المشكلة ان المرايا اليمين بتتهز جامد عند 120كم/س او اكتر مع ملاحظة ان دي المرايا اللي جوه انما جسم المرايا نفسه ثابت.
في صيانة ال10000 في فرع الصحراوي المهندس قاللي انها تتغير على حسابك، قولتله ازاي ده انا لسه في الضمان قاللي ان المرايا دي بره العربية ومش داخلة الضمان، فهل ده كلام يعقل؟؟؟ طب ما في حاجات كتير برة العربية يعني ايه بره الضمان وبعدين المرايه سليمة والجسم نفسه سليم يعني كده واضح جدا ان فيه مشكلة من جوه والله اعلم هيا ايه ولكنه من غير ما يبص او يجرب او يعمل اي حاجة ببساطة قال ان المرايا بره الضمان.
ارجو الاهتمام بالمسألة وتوضيح هو الضمان بيسرى على ايه بالظبط في العربية ﻷن كده يبقى معظم العربية بره الضمان.
وشكرا للمهندس أمر علي الموضوع ﻷن كده اسهل بكتيير.
مهندس امر
السلام عليكم,,,
سيارة بروتون جين 2 مانيوال 2010
شاسيه 276034
موتور 6643
عداد 3500 كيلو
أحمد محمد البيومى عبد الوهاب
0161117214
لاحظت ارتفاع فى مؤشر الحرارة بعد ال90 بشرطه عند عمل المكيف و توجهت لمركز الغد بالمنصورة
و بعد الفحص من قبل المهندس احمد,, اخبرنى ان الثرموستات قافل و لا يفتح مع سخونه المحرك و قام بازالته رافضا تغيره بدعوى انه ليس فى الضمان...
و عندما علمت من اعضاء كرام فى منتدى نايل موتوز انهم مروا بنفس المشكله و تم تغير الثرموستات لهم داخل الضمان, فارجوا من سيادتكم التدخل لدى مركز الغد لتغير الثرموستات,,,
و لكم جزيل الشكر,,,,