الموضوع: مـخصـص لشكــاوى مالـكين بـروتــون / م. أمــر (مديــر صيانــه بروتـون مصـر)

السلام عليكم و رحمة الله
انا اشتريت برتون بيرسونا ٢٠١٢ زيرو اوتوماتيك و عندي استفسار لما بفتح المكيف صوت المروحة يكون عالي و بعد كدا تفصل و هكذا كل كام دقيقة. هل هو دا طبيعي انه يكون عالي كدا ولا في مشكلة عندي. ياريت الي واجه المشكلة دي يرد عليا.
شكراا

نور الفرامل الخلفي شمال محروق بقاله اكتر من شهر وانا مستنيه

يا جماعه الحقونى انا معايا برسونا 2012 رقم الشاسيه 362938ورقم الموتور 7869 والجنوط بتاع الناحيه اليمين اتنى واتقطم ورحت لعصام و صفا ولما شافوه قالولى ده عيب صناعه وسالت عليه في التوكيل الولى ابقي اتصلى كمان 3 ال 4 اسابيع عشان نقولك موجود ولا لا وانا دلوقتى ماشيه على الاستبن ومش عارفه اعمل ايه لو حد يقدر يساعدنى يتصل بيا على 01005721471

المشاركة الأصلية كتبت بواسطة osama1

يا جماعه الحقونى انا معايا برسونا 2012 رقم الشاسيه 362938ورقم الموتور 7869 والجنوط بتاع الناحيه اليمين اتنى واتقطم ورحت لعصام و صفا ولما شافوه قالولى ده عيب صناعه وسالت عليه في التوكيل الولى ابقي اتصلى كمان 3 ال 4 اسابيع عشان نقولك موجود ولا لا وانا دلوقتى ماشيه على الاستبن ومش عارفه اعمل ايه لو حد يقدر يساعدنى يتصل بيا على 01005721471

قدر الله وما شاء فعل .. هو ده حال شوارعنا .. وزى المثل ما بيقول مصائب قوم عند قوم فوائد
أولاً التوكيل عنده جنوط لأنى لما سألته حين سرقت جنوط سيارتى واتصلت بهم قالوا انهم عندهم وكان آخر سعر للجنوط من غير العجلة 1345 جنيه
ولو أصر انها مش موجودة دلوقت تروحى حضرتك له أو لعصام وصفا وتثبتى حالة بأنك حتشترى جنط من الخارج لغاية ما يجيبوا واحد جديد لأنه خطر تماماً أنك تمشى على الاستبن لمسافات او وقت طويل - الاستبن مخصص للطوارىء لغاية ما تصلحى أو تغيرى العجلة الأصلية فقط.
وتتفضلى حضرتك وتشترى جنط جديد تماماً من شارع أحمد سعيد وعندهم اشكال وأنواع مختلفة باسعار اقل من التوكيل أربع مرات .. يعنى تقريباً 300 - 350 جنيه
جربى واحد اسمه ياسر أنا اشتريت من عنده الأربع جنوط بسعر 1400 جنيه وشكلهم قريب من الأصلى وتليفونه 01005515169
ربنا معاك ويحفظك ويحفظنا جميعاً من أى سوء

انا متشكره جدا على اهتمامكم وخاصه الاستاز بهاء بس انا اخدت نقره صغيره في وسط الشارع في مدينه الشروق وكنت ماشيه كمان على سرعه 30 يعنى مكنتش ماشيه بسرعه ولا حاجه والعربيه ماكانتش محمله وزن ولا حاجه مش عارفه حصل ازاى كده وفى التوكيل قالولي ان اكيد الحفره كان فيها حديده خبطت في الجنوط من جوه هى اللي عملت كده فيه بس الصراحه ده كلام مالوش معنى ولا اي وجه من الصحه لانى رحت بصيت على النقره اللى انا اخدتها ولاقتها ولا فيها حديده ولا اى حاجه ومش حاقول غير حسبى الله ونعم الوكيل فى اللى لا يتقى الله في شغله وقدر الله وماشاء فعل