الموضوع: مـخصـص لشكــاوى مالـكين بـروتــون / م. أمــر (مديــر صيانــه بروتـون مصـر)

انا معايا gen 2 موديل 2008 m\t و حجزت تعديل علبة الدركسيون قالولي اسبوع انا كدة بقالي شهرين ذلني كل مرة اكلمهم يطلعولي ببدعة جديدة مرة حجزي مجاش مرة في الميناء مرة في المطار لغاية ما العربية طلعت من الضمان مع اني حاجز و انا في الضمان و مش عارف الجأ لي حد
الحجز بأسم م/احمد مصطفي نجم و أسف جدا لو طولت عليك .

السلام عليكم,

كنت في التوكيل لعمل الصيانة الدوريه بالامس 4-10-2011 وموعدي كان 9:30 صباحا واستلموا مني السياره في تمام ال 10 صباحا وتم الاتفاق على استلامها على 2 ونصف كحد اقصى وكما هو مكتوب على وصل التسليم مع ان الوقت كثير الا عند عودتي الساعه 2 ونصف لم يكونوا لمسوا السياره بعد وعند سؤالي للمهندس المختص قال لي انه شيك على (الفيوز!) وركب كلبس واقع في الشنطه الخلفيه حسب طلبي, هل يعقل من 10 صباحا حتى 2 ونصف ظهرا اي 4 ساعات ونصف لا يقوم الا بمراجعة علبة الفيوز وتركيب كلبس؟ طيب ما انا اقدر اركب الكلبس واشيك واغير الفيوز في 10 دقائق؟

والمهندس يقول اعمل ايه؟! زحمه؟! زحمه دي مش مشكلتي انا كعميل انا حاجز على 9 ونص مش مشكلتي ان خدمة العملاء يستقبلوا طلبات اكتر من قدرتكم , لكن اللي بيحصل ان العميل لما يسلم سيارته ويقولهم رايح مشوار او شغل وياخدها وهو راجع اللي يحصل في الوقت دا انهم بيدخلوا سيارات المعارف ويخلصوها الاول وينفضوا للعميل طبعا اللي سلمهم السياره ووثق فيهم, بعد ما رجعت على 2 ونصف ظهرا المهندس يقولي معلش معلش حالا هاخلصهالك؟ امال كان بيعمل ايه طول ال 4 ساعات ونصف؟ مش مسؤولية المهندس انه يتابع العمال ويتابع الاوردرات اللي معاه؟ هاخلصهالص في ساعه, انا مش جايبها وضارب مشوار على الصبح وسايبها لحد 2 ونص ظهرا عشان (اتكروت في ساعه)

لولا ان انا انسان مهذب والحمدلله وفي مكان كنت بحبه وهو بروتون وهو نابع لعشقي لسيارتي لولا ان علبة السجاير كنت بحرق فيها كان بدر مني اشياء مش لطيفه اطلاقا, لولا ان المهندس المحترم احمد محسن(ان لم تخني الذاكره) لاحظ مدى ضيقي امر العمال باتمام الطلب وطبعا لازم تقف على ايد كل عامل عشان يخلص بسرعه والا انت عارف الحاجه اللي تخلص في 5 دقائق تخلص في ساعه, المهندس المحترم احمد محسن اول مره اشوفه في التوكيل اليوم وكان كل 5 دقائق يدور على عربيتي ويشوفها فين ويتابع لحد ما استلمتها الساعه 5 ونص من التوكيل طبعا بعد ما اصر ان المهندس يطلع معايا ويجربها مع ان كنت هاخدها من غير ما اجربها لمدى رغبتي ان اخلص واطلع من المكان لانه يوم سيء وكرهت المكان جدا من الاسلوب والنظام بشكل عام.

باختصار شديد:

1- سلمت العربيه 9 ونصف استلمتها 5 ونص عصرا, هل يعقل؟؟؟؟

* لم اذكر اسم المهندس لاني احترمه جدا كشخص وهو محبوب من الجميع هنا ايضا ولكن هذا ليس عذر له على اهمال طلبات العملاء وتاخيرهم بهذا الشكل المهين لهم وللعملاء ايضا.

2- استلمت السياره ولم يقوموا بعمل بعض الاشياء كما تم الاتفاق عليها مع المهندس ومنها اعادة رجلشة الفرامل, اتكروت طبعا في الوقت الضايع ولم يتم الالتفات لها لانه مفيش وقت طبعا.

3- اسوء تجربه, من عدم التزام واهتمام, للاسف لم استمع لنصيحة العديد من الاصدقاء بعمل الصيانات بالخارج و(ريح دماغك من التوكيل) لكن بعد التجربه السيئه قررت التالي ان شاء الله:

- عمل جميع الصيانات بالخارج والله المغني عن التوكيل + الضمان واي حاجه منه
- عدم نصح اي شخص ببروتون بعد اليوم
- التخلص من سيارتي وبيعها باسرع وقت ان شاء الله

م. محمد,

السلام عليكم و رحمة الله و بركاتة
أمتلك سيارة gen-2 2010
مطلوب كوبلن يمين في الضمان منذ فترة لا تقل عن 6 شهور في فرع الإسكندرية
المهندس أحمد حلمي راجل ذوق جداجداجدا ولكن الرد دائما أن قطعة الغيار ما جاتش من القاهرة و أخيرا على مدى اخر شهرين الكوبلن مش موجود أساسا في مصر و منتظرينه من ماليزيا
أرجو الاهتمام لأني بحتاج للعربية كتير في السفر و طبعا حضرتك عارف ان دا غلط و الكوبلن بحالة سيئه
و أخيرا أشكر حضرتك و العاملين في التوكيل خصوصا في الاسكندريه على الذوق العالي في التعامل مع العملاء
و لكن أرجو الاهتمام فيما يخص قطع الغيار
ملحوظه : طلب الكوبلن يمين و زرار التحكم في شدة اضاءة التابلوه من أكثر من 6 شهور باسم
أحمد غلوش

ياجماعه الاسعار غاليييييييييييييييييييييي ييييه جدا جدا جدا....انا بتكلم عامة مش اللي هنا..وفعلا يا جدعان العربيه الجين تو او البيرسونا دول طلعوزباله زباله زباله..وخفيفه..وصاجها ورق..و قرفت منها منا ساعة اللي حصلي انهارده.
هنزلو صور العربيه ايه اللي حصلها لما خبطت في عربيه اسبرانزا المعفتنه الصغيره دي..الاسبرانزا جابت حته من الاكصدام ورا يمين و البيرسونا جابت كالتالي:
1-اكصدام اتدغدغ
2-فانوش شمال اتدغدغ
3-كبوت اتقوس
4-الريداتير
5-الرفرف الشمال اتعسر (مش اتخبط)
6-قربة الميه اتشرخت.
7-الصدر اتعوج.
هنزلو الصوره بكره انشاء الله..وبجد عايز حد يقولي ازاي ده حصل..ومعلش طولت عليكو بس الواحد بجد قرف

المشاركة الأصلية كتبت بواسطة fineart607

يا جماعة انا جديا بفكر فى الجين تو بس بصراحة من كلامك حاسس انها مثل العربيات الصينى على الرغم ان فى عربيات صينى محترمة والجين تو بالنسبة لى هى عربيه محترمة بس هل فعلا فيها مشاكل ولا لا؟؟؟؟؟؟؟

العربية الجين 2 بدون مجاملة أو مبالغة عربية تساوى 120 ألف
عيبها حاجتين، قطع الغيار الغالية و اللى بتتأخر ، بيعها تقيل مش زى اللانوس و اللانسر ، بس خللى بالك ان العربية دى ليها زبونها اللى مش حيلاقى عربية تانية فى سعرها ، و زبون الجين 2 عبارة عن شخص بيدور على عربية رياضية ، عفشة رياضية ، صاروخ على الأرض ، شكل تحفة ، أوبشنز مش موجودة الا فى الفئة الأعلى ، عربية على قدر معقول من الفخامة جوه و بره ، ثبات على الأرض أعلى من أى عربية تانية ، فكده كده الزبون ده حيشتريها ، زى الألمانى ، كده كده ليه زبونه