الموضوع: البترول قاعد ينزل لتحت تحت تحت

المشاركة الأصلية كتبت بواسطة Mohamed_Hamid

نقاش اقتصادى تاريخى فلسفى ممتع
تحية حارة للجميع وخاصة للأستاذ Imhotep

اسمحوا لى اتكلم فى نقطة بخصوص التأثير المباشر لأزمة سعر البترول على الاقتصاد المصرى
معروف وبديهى ان انخفاض السعر من المفترض "نظريا" انه يوفر لمصر مليارات من الدولار. لكن هل مصر اصلا بتشترى؟ مصر عايشة حاليا ولفترة جاية على المعونات البترولية من دول الخليج. ده غير ان اصلا قطاع البترول المصرى مديون بشدة للداخل (البنوك) والخارج ( الشركاء الاجانب) ده غير حاجة تانية: الشركاء الأجانب فى مصر نتيجة لانخفاض الأسعار لجأوا لتقليل الانتاج علشان الجدوى الاقتصادية ولتقليل اى خسائر محتملة. مما يعنى الانخفاض العام لانتاج مصر فمنسوب الاستيراد هيزيد بس احنا مش بنستورد لأن الميزانية العامة اصلا متبهدلة وعايشين زى ما قلت وكلنا عارفين على المعونات. حسبة برما :)

نقطة تانية: التأثير المباشر لانخفاض سعر البترول على دول منتجة وفى نفس الوقت بتصدر سياح لمصر زى روسيا ودول الخليج. انخفاض السعر معناه تأخر وتيرة الانتاج الصناعى وتقليل الدخول هيأدى الى انكماش الدخل للفرد وهيضطر الى الاستغناء عن رفاهيات مثل السياحة لبلد زى مصر اللى هى اصلا وجهة اساسية للروس لانخفاض الأسعار. طبعا ده له تأثير سلبى مباشر على الاقتصاد المصرى اللى بيعتمد بقوة على السياحة وخصوصا من شرق اوربا والخليج

خبر زى ده هيوضحلك نسبة ما نشتريه الى المنح من دول الخليج بالاضافة الى مجموعة اخرى من الارقام المفيدة:
الإمارات تقدم مواد بترولية لمصر بـ8.7 مليار دولار خلال عام :: بوابة الشروق :: نسخة الموبايل

السياحة ممكن فعلا تتأثر لحظيا فى المدى القريب جدا لكن على المدى المتوسط يعنى بنتكلم فى سنة متوقع لها استمرار النمو لانها اصلا خارجة من قاع الازمة بتاعة اخر 4 سنين

المشاركة الأصلية كتبت بواسطة ahmed_eng2001

اما عن الدول الصغيرة .... انا مختلف مع حضرتك فى النقطة دى اختلافا طفيفا .... ليه ؟!
كوريا الشمالية ( بغض النظر عن مواقفها ) .. لازم تلجأ للقوة المفرطة تجاه عدو عملاق بحجم امريكا

فلو افترضنا .... قيام كوريا الشمالية بقذف اليابان او كوريا الجنوبية ... نتيجة خلافات قديمة .. او نتيجة وجود قوات امريكية فى البلدين تهددها باستمرار ... فده حيؤدى الى قيام امريكا بالرد ... و بالتالى قيام الروس و الصين بالرد ... الموضوع حيكبر نظرا لأن الكبار حيقعوا فى بعض .. علشان مش عاوزين اى تدخل قرب مصالحهم

الصراع الايرانى الاسرائيلى ؟؟!!!
بصراحة انا شايف اتفاق ايرانى اسرائيلى ... و تنسيق بين الطرفين فى الخفاء ... يصل احيانا قليلة الى السطح .. و انا لم ارى اكثر من التراشق بالكلام و التهديدات بين الطرفين .. و لم يتخذ اى طرف خطوة واحدة ايجابية فى اتجاه الطرف الاخر .. و لم تفرض عقوبات رادعة على ايران .. و الصناعة الايرانية القليلة موجودة خارج ايران ... بس بتغطى عليها المنتجات الصينية كالعادة .. و الصناعة العسكرية .. متقدمة الى حد كبير .. و لم تتأثر بالحصار الدولى و لا بالعقوبات و لا بكل الكلام الكبير ده

النار تأتى من مستصغر الشرر فعلا .... ده فى وسط جاهز اصلا انه يشتعل

تقبل مرورى و خلافى مع حضرتك احيانا فى الرأى ... و لا اخفى عليك استمتاعى بالحديث مع حضرتك

تقبل تحياتى

فى كثير من الاحيان تتصاعد الاحداث بأسلوب كرة الثلج الهابطة من فوق قمة جبل. . . و هى تهبط يزداد حجمها. . . و يزيد قوتها التدميرية طاقة الحركة التى تكتسبها تحت تأثير القصور الذاتى و هى تهبط. . . الكبار لديهم القدرة على احتواء الاحداث الى حد معين و كمان لما يكون اللعب بينهم و بين بعض بشكل مباشر زى ما حصل فى أزمة الصواريخ الكوبية سنة 1963. . . لكن المواجهات دى عصرها انتهى. . . و اصبحنا فى عصر الحروب و الصراعات التى يتم ادارتها بالوكالة proxy. . . و هو ده وجه الخطورة لانك صعب جدا ساعتها ان تقوم بأحتواء كل المتغيرات

الدنيا فعلا مولعة نار بين الكوريتين بقالها كام شهر بس لان ده بقى المعتاد فمحدش بقى ياخد باله. . و من فترة قصيرة تمت اكبر مناورات بحرية بين امريكا و اليابان و كوريا الجنوبية فى استعراض جاد للقوة. . . بس على فكرة انا مش قلقان اوى من العيل بتاع كوريا الشمالية عشان هو كل هدفه انه يعمل دوشه عشان يرموله حاجة فى شكل اتفاقات و مساعدات لاقتصاد بلده المنهار. . . ده برضه مينفيش خطورته و خطورة افعاله رغم كونها مكشوفة الهدف

قصة ايران بقى هى اللى قالقانى و ياما كتبت عنها بتفصيل التفصيل هنا فى المنتدى بس للاسف مجهودى كله راح لانها كانت مواضيع فى قسم احوال الشارع المصرى الذى ذهب بالصالح و الطالح فيه. . .
بس انا هكتفى هنا انى اقولك كام حاجة بسيطة. . . اولها ان النظامين الايرانى و الاسرائيلى يمثلان وجهين لعملة واحدة. . . دول دينية عقائدية تحرك الصفوة الحاكمة فيها افكار مضادة للاخر بدرجة تجعل الصراع بينهما صراع وجود. . . ثانيا سؤال بسيط اجابته ذات مغزى. . . اشمعنى العالم كله ساب كوريا الشمالية تطور سلاح نووى لكنه مصمم على منع ايران من ذلك. . . الاجابة ببساطة ان الكبار فى العالم يعرفون خطورة امتلاك نظام عقائدى للسلاح النووى. . . فالقاعدة فيما يخص السلاح النووى تقول انك لا تخاف كثيرا ممن يمتلك الاف الاسلحة النووية. . . لكنك يجب ان تعمل الف حساب لمن يبذل جهدا حثيثا لكى يمتلك قنبلة نووية واحدة فقط لا غير. . . لانه ينوى ببساطة ان يستخدمها. . . و محدش يفتكر ان ايران مستهدفة عشان دولة اسلامية. . . طيب ما هى باكستان دولة اسلامية و لديها اسلحة نووية. . . الموضوع له علاقة بطبيعة النظام العقائدى الذى يحكم ايران. . . و الذى يعلم العالم جيدا خطورته . . . و ده اللى خلى امريكا لا تجد بديلا عن ضرب اليابان بالقنابل النووية فى الحرب العالمية التانية. . . لان نظامها العقائدى وقتها كان سيظل يحارب الى اخر جندى يؤمن بأن واجبه يقتضى ان يحارب و يضحى بحياته من اجل الامبراطور ابن الشمس. . . هييييه فكرتنى بمجهودى الضائع هدرا فى قسم احوال الشارع المصرى. . . بس مش مشكلة. . . خلى موضوع ايران ده على جنب و هبقى افكرك بيه بعدين . . . لما يحصل :-)

المشاركة الأصلية كتبت بواسطة mtak

و لا يهمك يا ماهر باشا
انت تؤمر
دا رابط بدايه اول الكلام عن ايران
موضوع و موجود في. الاجتماعي (زي ما يكون قلبي حاسس وقتها و عملته في الاجتماعي ) عموما ادعو الجميع لمراجعه هذا الموضوع الذي به معلةمات غايه في الروعه و اعده من افضل المواضيع و احبها الي قلبي
و طبعا عارفين مين السبب اللي خلي الموضوع كده بالاضافه الي اعضاء اخرون كانوا قمه في السرد و الحوار برغم الاختلاف السياسي وقتها
شكرا للجميع مره اخري

http://www.nilemotors.net/nile/33738...post3874829999

تعيشلى يا غالى . . . الامر لله
حبيب قلبى الغالى فعلا موضوعك كان اكثر من رائع و فتح الكثير من زوايا الحوار الثرى. . . و دايما زى ما فيه ناس محترمة زيك كده هيبقى دايما فى حوار مفيد و جاد و ممتع دائما. . . شكرا يا عزيزى

و بعدين تعالى هنا. . . انت سايبنا نفتى فى البترول و انت البترول كله عندك :-) يا بتاع الكيمياء يا متركب ههههههههههه
المفروض تعمل هنا دور جهيزة التى يقطع قولها قول كل خطيب :-)

كالعادة :) اتفاق فى العام .... و اختلاف فى بعض النقاط الصغيرة ....
رايى المتواضع ... كوريا الشمالية هى الدولة الوحيدة التى تقول لأ لامريكا ..... مش علشان قوة مرعبة .. انما علشان دولة فى حضن الصين و روسيا ... و بالفعل ... كل شوية كدة يعملوا شوية قلق علشان الناس متنساهمش .. اما عن خطورة افعاله ... انا لا اعتقد انه سيقوم باى عمل طائش ... الصين و روسيا مش حيسيبوه يعمل اى حاجة ... علشان الصين و روسيا حتى الان مش جاهزين لمنافسة امريكا و الدخول معها فى مواجهة حادة

ايران بلد شيعية ... و يخطأ من يعتبر ان الشيعة مسلمين .. لأسباب كثيرة شرعية مش حنتطرق لها الان ...
و بالفعل ... هى دولة عقائدية يغلب الفكر الشيعى العقائدى على اى فكر اخر ..... اغلب الشيعة كدة .. مش كلهم .. و انا كان ليا نصيب اتعامل معاهم فى السعودية ( حسبى الله و نعم الوكيل ) و فى امريكا
و لو بصينا فى تاريخ الشيعة على اختلاف طوائفهم ... و اختلاف اماكنهم ... تجد ان هدفهم واحد .. هدف عقائدى بحت ... هو نشر المذهب الشيعى فى كل مكان .. حتى يتمكنوا منه من فرض سيطرتهم على الدول و الشعوب
لأنه الشيعى يدين بالولاء الاول للمذهب الشيعى نفسه .. الذى يحركه ائمة الشيعة

.... وهناك امثلة كثيرة على كدة فى تاريخ الدولة العبيدية ( الفاطمية ) فى مصر ...و غيرها


تم السماح لكوريا الشمالية بانتاج السلاح النووى علشان امريكا مش قادرة تطولها اوى ... هى بتطولها .. بس مش عارفة تتمكن منها اوى ... اما عن ايران ... فانا مقتنع تماما انها تملك السلاح النووى منذ فترة طويلة ... و هناك عدة شواهد على كدة .. منها مساعدة روسيا فى مجلس الامن ... تصوير قافلة شاحنات تتحرك من روسيا الى ايران اكتر من مرة .... عدد المفاعلات النووية الموجودة فى ايران .. و التى تأكد ايران ان مستواها الانتاجى للابحاث و لانتاج الطاقة الكهربية فقط .. و بالطبع انا لا اصدق هذا ... ده غير التطوير الايرانى للسلاح التقليدى .. و الكيماوى

اما عن التعاون الايرانى الامريكى ...... فجدث و لا حرج .... الميلشيات الشيعية التى كانت تقاتل فى البصرة .. بعد القوات الامريكية و تأمين القوات المتقدمة داخل العراق ... و وجودهم حتى الان بتخطيط و امدادات ايرانية ...

مساعدة ايران لامريكا فى ضرب القاعدة فى افغانستان ( العدو التقليدى للمد الشيعى ) ....
و زى ما قلت لحضرتك قبلا .... لا اجد عقوبة واحدة رادعة تم تنفيذها على ايران ... عقوبات مثل التى كانت على العراق مثلا

موضوع ضرب امريكا لليابان بقنبلتين نوويتين ... فيه كلام كتير ...
و بالفعل ... نظام العسكرية اليابانية فى الوقت ده .... بيقول انهم كانوا حيحاربوا لاخر جندى يابانى ... و لكن ...

امريكا وضعت خطة بالفعل لاجتياح الجزر اليابانية الكبرى .... و كان يشرف على الخطة الجنرال ماك ارثر ... و تم التنسيق مع روسيا وقتها ... و قامت روسيا بالبدأ فى استعادة اقليم منشوريا.....
و عندما توقف الامريكان عن مشاركة الروس بالنقاط النهائية لخطة الانزال البحرى ... ايقن الروس على الفور نية امريكا القيام بعمل فردى .. و الاستحواذ على اليابان منفردة ...
و كان فيه اشاعات وقتها الى قيام امريكا بتطوير سلاح دمار شامل ... قفام الروس بالاسراع فى التقدم محاولة منهم الى اقتطاع اكبر قدر من الامبراطورية اليابانية ( منشوريا ) قبل سقوطها فى ايدى الامريكان فقط ... مثلما حدث فى برلين

انا بس عاوز اقول .. ان الامريكان كانوا محضرين خطة بالفعل للاجتياج و تم تغيير الخطة لاستخدام القنبلة النووية ... لعدة اسباب ...

1- الاعلان عن القوة الغربية الجديدة التى سوف ترث الامبراطورية الانجليزية قريبا
2- تجربة ميدانية لتأثير السلاح الجديد
3- كسر نزعة القتال لدى اليابانيين

و للعلم .... اليابانيون رفضوا التسليم بعد القاء القنبلة الاولى ... و ازدادوا اصرارا على المقاومة ... و لكن الامبراطور اليابانى انهى حالة النقاش التى كانت سائدة ... و فاجأ اليابانيين انفسهم بالاعلان عن التسليم بعد القنبلة الثانية

تقبل مرورى

انخفاض سعر البرميل تحت 50 دولار رغم انه هيوفر فلوس كتير للحكومه المصريه لكن له اثار جانبيه كارثيه على مصر
1- انخفاض معدل النمو فى دول الخليج سيودى الى تسريح الكثير من العماله المصريه ودى يعنى انخفاض تحويلات العالملين فى الخارج بقوة وزيادة نسبه البطاله
2- تاثر الشركات المصريه العامله فى مجالات كثيره مع دول الخليج (معظم شركات it فى مصر ) نقلت للخليج وشغاله على الدعم الفنى له
3- تاثر الدخلة القومى بالسياحه كما ذكر الاخوة من قبل
4- انخفاض العائدات من قناه السويس لتاثر التجاره العالميه وانخفاض النمو العالمى
5- ضعف التمويل والدعم المباشر وغير المباشر من حكومات الخليج للحكومه المصريه

المستفيد الاكبر من انخفاض البترول هى الدول اللى فى حاله نمو انتاجى مثل البرازيل تركيا الهند والصين

فوق 60 الجميع فى امان
60-50 مرحله ترقب
تحت 50 خطر ومقامره من الجميع على الجميع

المشاركة الأصلية كتبت بواسطة a_taamer

انخفاض سعر البرميل تحت 50 دولار رغم انه هيوفر فلوس كتير للحكومه المصريه لكن له اثار جانبيه كارثيه على مصر
1- انخفاض معدل النمو فى دول الخليج سيودى الى تسريح الكثير من العماله المصريه ودى يعنى انخفاض تحويلات العالملين فى الخارج بقوة وزيادة نسبه البطاله
2- تاثر الشركات المصريه العامله فى مجالات كثيره مع دول الخليج (معظم شركات it فى مصر ) نقلت للخليج وشغاله على الدعم الفنى له
3- تاثر الدخلة القومى بالسياحه كما ذكر الاخوة من قبل
4- انخفاض العائدات من قناه السويس لتاثر التجاره العالميه وانخفاض النمو العالمى
5- ضعف التمويل والدعم المباشر وغير المباشر من حكومات الخليج للحكومه المصريه

المستفيد الاكبر من انخفاض البترول هى الدول اللى فى حاله نمو انتاجى مثل البرازيل تركيا الهند والصين

فوق 60 الجميع فى امان
60-50 مرحله ترقب
تحت 50 خطر ومقامره من الجميع على الجميع

إسمح لى أختلف معك فى نقطة تسريح العمالة من دول الخليج بإفتراض نظرية المؤامرة على روسيا و إيران فدول الخليج لن تطيع أمريكا للحد الذى يؤدى لحدوث أزمات إقتصادية بها لإن تسريح العمالة معناه إغلاق شركات و أنشطة يمتلكها الخليجيون (بالقياس على السعودية ) فإن كبار رجال الأعمال السعوديون سيشكلون لوبى ضغط على الحكومة السعودية ( معظم صناع القرار فى السعودية يمتلكون مؤسسات إقتصادية ضخمة ) لمنع نمو أو إستمرار كياناتهم .ليس هذا أن تسريح العمالة لن يحدث نهائيا و لكن بصورة غير مؤثرة .
دليلى على هذا الكلام هو إستمرار حكومات الخليج على تنفيذ مشاريعها التطويرية الضخمة و الإعلان عن مشاريع جديدة ( بالقياس على السعودية أيضا ) مثل أرامكو التى سوف تبدأ فى 2015 تنفيذ 6 مجمعات رياضية ضخمة بتكلفة حوالى 3 مليار دولار رغم إنخفاض أسعار البترول للنصف .

الموضوع لعب سياسى ليس أكثر