الموضوع: البترول قاعد ينزل لتحت تحت تحت

المشاركة الأصلية كتبت بواسطة dedi

ممكن اعرف من حضرتك يعنى اية كلام بوتين هاترجع زى ماكانت الدنيا وماتاثيرة على الاقتصاد المصرى
وهل السلع ستزيد

هو كان قصده على التأثيرات الاقتصادية السلبية اللى حصلت و هتحصل لاقتصاد بلده بسبب تدنى اسعار البترول. . . هى دى اللى هتتلاشى خلال سنتين. . . التأثير على الاقتصاد المصرى مش هيحس بيه المواطن العادى لان اسعار السلع و الخدمات بيحددها التجار و المستوردين بلا رقابة و دول مصلحتهم ان الاسعار تظل فى اتجاه واحد فقط هو الصعود . . . لكن الموضوع هيفرق فى ميزانية الحكومة لانه هيشيل شوية من الضغط الناتج عن دعم المحروقات و اسعار الطاقة و ده فى النهاية هينعكس ايجابا على الموازنة العامة للدولة لانه هيقلل العجز فى الموازنة و يبطئ من نمو الدين العام . . . و فى اخت هنا عايشة فى الخليج قالت فى تعليقها ان حتى المواطن الخليجى مش بيحس بحاجة فى اسعار السلع و الخدمات سواء سعر البترول ارتفع او انخفض لان ده بينعكس على الاقتصاد الكلى للدولة اكتر من انه يبان له اثار على المواطن . . . بس ده فى الدول اللى زينا. . . اما فى اوروبا و امريكا فطبعا المواطن هيهيص لان سعر جالون البنزين عنده متغير من يوم ليوم. . . فلما يلقى انه بيفول عربيته بتخفيض 30-50 % هيهيص. . . و مصائب قوم عند قوم فوائد :-)

المشاركة الأصلية كتبت بواسطة imhotep

التأثير على الاقتصاد المصرى مش هيحس بيه المواطن العادى لان اسعار السلع و الخدمات بيحددها التجار و المستوردين بلا رقابة و دول مصلحتهم ان الاسعار تظل فى اتجاه واحد فقط هو الصعود . . . لكن الموضوع هيفرق فى ميزانية الحكومة لانه هيشيل شوية من الضغط الناتج عن دعم المحروقات و اسعار الطاقة و ده فى النهاية هينعكس ايجابا على الموازنة العامة للدولة لانه هيقلل العجز فى الموازنة و يبطئ من نمو الدين العام .

كلام رائع و انا اؤيده جملة و تفصيلا ....

ما اتمناه .... ان الحكومة .. تستفيد من فرق السعر ده فى شيئ مفيد .. فمثلا .. يتم التعاقد من الان على حصة الثلاث الشهور المقبلة ... او يتم الاستفادة بها فى حاجة واضحة و ملموسة و يستطيع ان يستفيد منها اكبر قدر من الناس ..
م مخبيش على حضرتك .... انا مش متفائل خالص

المشاركة الأصلية كتبت بواسطة ahmed_eng2001

كلام رائع و انا اؤيده جملة و تفصيلا ....

ما اتمناه .... ان الحكومة .. تستفيد من فرق السعر ده فى شيئ مفيد .. فمثلا .. يتم التعاقد من الان على حصة الثلاث الشهور المقبلة ... او يتم الاستفادة بها فى حاجة واضحة و ملموسة و يستطيع ان يستفيد منها اكبر قدر من الناس ..
م مخبيش على حضرتك .... انا مش متفائل خالص

هو فعلا تعاقدات البترول بتبقى بعقود آجلة تبدأ من شهر حتى خمسة شهور. . . و الدول الناصحة فعلا مش تعمل تعاقدات و بس بالاسعار المتدنية دى لأ كمان تشترى و تخزن و الصين بتعمل كده بأمتياز. . . و عندك حق الا تتفاءل من تصرفات حكوماتنا لاننا لا نتقن التخطيط الجيد الطويل المدى. . . ده حتى فى بورصة الحبوب العالمية مجرد ما يتعرف ان مصر داخلة تشترى قمح السعر بيرتفع :-) لاننا بنخش نشترى كميات مهولة مرة واحدة و ننام بعدها مدة كبيرة. . . طيب يا فالحين ما توزعوا الشراء على ال 12 شهر بحيث نشترى كميات اصغر لا تسبب زيادة فى السعر. . . لأ مبيعملوش كده. . . و الكلام ده من عشرات السنين

المشاركة الأصلية كتبت بواسطة imhotep

هو فعلا تعاقدات البترول بتبقى بعقود آجلة تبدأ من شهر حتى خمسة شهور. . . و الدول الناصحة فعلا مش تعمل تعاقدات و بس بالاسعار المتدنية دى لأ كمان تشترى و تخزن و الصين بتعمل كده بأمتياز. . . و عندك حق الا تتفاءل من تصرفات حكوماتنا لاننا لا نتقن التخطيط الجيد الطويل المدى. . . ده حتى فى بورصة الحبوب العالمية مجرد ما يتعرف ان مصر داخلة تشترى قمح السعر بيرتفع :-) لاننا بنخش نشترى كميات مهولة مرة واحدة و ننام بعدها مدة كبيرة. . . طيب يا فالحين ما توزعوا الشراء على ال 12 شهر بحيث نشترى كميات اصغر لا تسبب زيادة فى السعر. . . لأ مبيعملوش كده. . . و الكلام ده من عشرات السنين

يا ريت تيجى على عدم التخطيط فقط ... مفيش عدم تخطيط متعمد بالشكل ده و طول الفترة دى ...

الامر لا يخلو من فساد مالى كبير فى مختلف القطاعات

المشاركة الأصلية كتبت بواسطة ahmed_eng2001

يا ريت تيجى على عدم التخطيط فقط ... مفيش عدم تخطيط متعمد بالشكل ده و طول الفترة دى ...

الامر لا يخلو من فساد مالى كبير فى مختلف القطاعات

ده صحيح لان جهاز الدولة الادارى كله عاوز النسف لانه كله واخد شغلانته الحكومية وسيلة للتربح الحرام... زى ما من فترة اتسربت تصريحات من شركة مرسيدس العالمية أنها لم تستطيع تمشية بعض إجراءاتها فى مصر الا عن طريق رشوة مسئول مصري كبير... طبعا هاجت الدنيا و ماجت لكن نزلت على مفيش و لم يتم الكشف عن المسئول ده و لا حسابه و نام الموضوع

المشاركة الأصلية كتبت بواسطة imhotep

ده صحيح لان جهاز الدولة الادارى كله عاوز النسف لانه كله واخد شغلانته الحكومية وسيلة للتربح الحرام... زى ما من فترة اتسربت تصريحات من شركة مرسيدس العالمية أنها لم تستطيع تمشية بعض إجراءاتها فى مصر الا عن طريق رشوة مسئول مصري كبير... طبعا هاجت الدنيا و ماجت لكن نزلت على مفيش و لم يتم الكشف عن المسئول ده و لا حسابه و نام الموضوع

كلام حضرتك مظبوط جدا
الموضوع اصبح مزمن ... بمعنى ان كل الناس اصبحت تتربح من المال الحرام ... و مش مهم يضر مين .. المهم انه يكسب فلوس زيادة ... و ساعد على هذا ... عدم محاسبة الاشخاص على الاخطاء المرتكبة صغيرة كانت او كبيرة
موضوع مرسيدس كان فضيحة فعلا ...لأنه اتعرف .... فما بالك بالى متعرفش !!! كل مكان فى مصر مليئ بالفساد .. حتى الشركات الاجنبية .. النى يديرها اجانب و كمان التى يديرها مصريين .. موضوع الفساد ده عادى جدا
الغريب فى الامر ... ان المراكز الرئيسية للشركات دى بتبقى عارفة كويس ايه الى بيحصل فى افرعها ... و بيطنشوا طالما الامور شغالة

بالفعل .. الفساد .. اسلوب حياة
تقبل تحياتى

شوية فلسفة تاريخ ممكن تساعد و هستعين هنا بصديق اسمه ارنولد توينبى و ده مؤرخ حضارات كاملة و نظريته فى فلسفة التاريخ ضمنها فى موسوعته الاشهر قصة الحضارة

بعد دراسته لاسباب صعود و هبوط الامم على مر التاريخ. . . خلص ارنولد توينبى الى نظرية التحدى و الاستجابة
يعنى ايه. . . يعنى الامم زيها زى الافراد بتقابل تحديات و امتحانات. . . و يا تنجح فيها يا تفشل. . . و النجاح معناه الاستمرار و الفشل معناه الاضمحلال
و على قدر التحدى. . . تكون الاستجابة. . . و اذا كانت الاستجابة اقل من مستوى التحدى فده يصب ناحية اضمحلال الحضارة

لو طبقنا النظرية دى على كل حضارات العالم القديم منها و الحديث سنجد انها تفسر الكثير من اسباب صعود و هبوط الامم و الحضارات

طيب لو طبقناها على المسرح العالمى بصورته الحالية
هنلاقى ان الثقافة الامريكية كأسلوب حياة سادت فى النصف الثانى من القرن العشرين و تفوقت على خصومها لسبب جوهرى وحيد . . . هو انها قائمة على الابداع الفردى. . . يعنى ببساطة انت بتعرف تعمل ايه. . . و هل اللى بتعمله ده له قيمة و اهمية عند حد تانى و لا لأ. . . عشان كده المجتمع الامريكى مجتمع تنافسى جدا و يقدر الموهبة الفردية و يدعمها و يصقلها و يبرزها. . . و يوجد نظام قوى محكم يقوم بتجميع هذه المواهب الفردية و يكافئها و يضعها فى نسق يدفع المجتمع للامام. . . ده المحرك الحقيقى للبلد . . .

طيب امريكا فى القرن العشرين كانت بتواجه مين. . . بتواجه النقيض. . . ثقافات شمولية تكبت الفرد بزعم ان ذلك لصالح المجموع. . . زى الاتحاد السوفيتى سابقا و الصين حاليا. . . طيب انهى ثقافة اكثر اتساقا مع الطبيعة البشرية. . . من الواضح انها الثقافة الامريكية التى تشجع الحرية الفردية و الابداع الفردى لان الانسان ولد ليكون حرا . . . لكن الموضوع مش بالسهولة دى لانه اذا كان الاتحاد السوفيتى فشل بسبب شموليته و قمعه للفرد. . . فالصين استوعبت الدرس و هى تقوم فى اخر عقدين بفتح مجتمعها رويدا رويدا حتى لا ينسحق تحت وطأة التغيير العنيف كما انسحق الاتحاد السوفيتى الذى انهار مع القليل من المكاشفة و المصارحة و الحرية. . . الصين ايضا تواجه العالم بنظرية اقتصادية جديدة. . . مشتقة من طريقة حياة النمل. . . كل نملة تعمل و تنتج فى ظل اطار عام للمجموع لا تخرج عنه رغم حريتها فى ذلك ان ارادت لكن ساعتها لن يكون لها قيمة بدون المجموع

طيب هل هيحصل صدام بين امريكا و الصين. . . التاريخ يعلمنا ان الصدامات بين الدول و الحضارات تكون إما للتوسع و السيطرة. . . او بسبب قلة الموارد و مواجهة ندرتها. . . لكن السببين حاليا و للمدى المنظور لا يتسببان فى وضع امريكا و الصين على مسار تصادمى. . . ده حتى البترول سعره فى النازل :-)

اما القوى القديمة التى عرفت السيطرة و العظمة فى وقت ما فلدي كل منها شئونه الداخلية التى تشغله. . . اوروبا تم استئناسها تحت المظلة الامريكية و كل ما يشغلها حاليا ايجاد حلول للمشاكل الداخلية التى تعوق تكامل اعضاء اتحادها. . . اما روسيا فرغم محاولتها للنهوض كالعنقاء من رماد الاتحاد السوفيتى سابقا الا انها لم تصل بعد بشكل كامل لمكونات القوة الكامنة داخلها بشكل كامل يجعلها تتسلم دفة قيادة العالم نحو عودته كعالم ثنائى الاقطاب على الاقل

نأتى للمتغير x. . . او ذلك المجهول القادم من الخلف بقوة ليتسبب فى ازمات لكبار العالم . . . و انا رأيى ان هؤلاء بالتحديد هم اللى هيودوا العالم فى ستين داهية. . . لان القوى العظمى المتمرسة سواء قديمة او حديثة خلاص ارست قواعد اللعبة و اتقنتها و تعرف جيدا حدودها و حدود غيرها. . . اما الصغار فأهم ما يميزهم هو الغشم. . . يعنى غرور القوة. . . بالذات لو قوة غير تقليدية. . . مثلا السلاح النووى فى ايد العيل بتاع كوريا الشمالية ممكن يبدأ تفاعل احداث متسلسل يودى العالم فى ستين داهية. . . صراع زى الصراع الايرانى الاسرائيلى. . . مرشح بقوة من وجهة نظرى انه يغير شكل النصف الاول من القرن ده. . . يعنى من الاخر هيرسى الموضوع على اشتعال عظيم النار من مستصغر الشرر. . . يعنى هيعملوها الصغار و هيقعوا فيها الكبار :-)

المشاركة الأصلية كتبت بواسطة Imhotep

شوية فلسفة تاريخ ممكن تساعد و هستعين هنا بصديق اسمه ارنولد توينبى و ده مؤرخ حضارات كاملة و نظريته فى فلسفة التاريخ ضمنها فى موسوعته الاشهر قصة الحضارة

بعد دراسته لاسباب صعود و هبوط الامم على مر التاريخ. . . خلص ارنولد توينبى الى نظرية التحدى و الاستجابة
يعنى ايه. . . يعنى الامم زيها زى الافراد بتقابل تحديات و امتحانات. . . و يا تنجح فيها يا تفشل. . . و النجاح معناه الاستمرار و الفشل معناه الاضمحلال
و على قدر التحدى. . . تكون الاستجابة. . . و اذا كانت الاستجابة اقل من مستوى التحدى فده يصب ناحية اضمحلال الحضارة

لو طبقنا النظرية دى على كل حضارات العالم القديم منها و الحديث سنجد انها تفسر الكثير من اسباب صعود و هبوط الامم و الحضارات

طيب لو طبقناها على المسرح العالمى بصورته الحالية
هنلاقى ان الثقافة الامريكية كأسلوب حياة سادت فى النصف الثانى من القرن العشرين و تفوقت على خصومها لسبب جوهرى وحيد . . . هو انها قائمة على الابداع الفردى. . . يعنى ببساطة انت بتعرف تعمل ايه. . . و هل اللى بتعمله ده له قيمة و اهمية عند حد تانى و لا لأ. . . عشان كده المجتمع الامريكى مجتمع تنافسى جدا و يقدر الموهبة الفردية و يدعمها و يصقلها و يبرزها. . . و يوجد نظام قوى محكم يقوم بتجميع هذه المواهب الفردية و يكافئها و يضعها فى نسق يدفع المجتمع للامام. . . ده المحرك الحقيقى للبلد . . .

طيب امريكا فى القرن العشرين كانت بتواجه مين. . . بتواجه النقيض. . . ثقافات شمولية تكبت الفرد بزعم ان ذلك لصالح المجموع. . . زى الاتحاد السوفيتى سابقا و الصين حاليا. . . طيب انهى ثقافة اكثر اتساقا مع الطبيعة البشرية. . . من الواضح انها الثقافة الامريكية التى تشجع الحرية الفردية و الابداع الفردى لان الانسان ولد ليكون حرا . . . لكن الموضوع مش بالسهولة دى لانه اذا كان الاتحاد السوفيتى فشل بسبب شموليته و قمعه للفرد. . . فالصين استوعبت الدرس و هى تقوم فى اخر عقدين بفتح مجتمعها رويدا رويدا حتى لا ينسحق تحت وطأة التغيير العنيف كما انسحق الاتحاد السوفيتى الذى انهار مع القليل من المكاشفة و المصارحة و الحرية. . . الصين ايضا تواجه العالم بنظرية اقتصادية جديدة. . . مشتقة من طريقة حياة النمل. . . كل نملة تعمل و تنتج فى ظل اطار عام للمجموع لا تخرج عنه رغم حريتها فى ذلك ان ارادت لكن ساعتها لن يكون لها قيمة بدون المجموع

طيب هل هيحصل صدام بين امريكا و الصين. . . التاريخ يعلمنا ان الصدامات بين الدول و الحضارات تكون إما للتوسع و السيطرة. . . او بسبب قلة الموارد و مواجهة ندرتها. . . لكن السببين حاليا و للمدى المنظور لا يتسببان فى وضع امريكا و الصين على مسار تصادمى. . . ده حتى البترول سعره فى النازل :-)

اما القوى القديمة التى عرفت السيطرة و العظمة فى وقت ما فلدي كل منها شئونه الداخلية التى تشغله. . . اوروبا تم استئناسها تحت المظلة الامريكية و كل ما يشغلها حاليا ايجاد حلول للمشاكل الداخلية التى تعوق تكامل اعضاء اتحادها. . . اما روسيا فرغم محاولتها للنهوض كالعنقاء من رماد الاتحاد السوفيتى سابقا الا انها لم تصل بعد بشكل كامل لمكونات القوة الكامنة داخلها بشكل كامل يجعلها تتسلم دفة قيادة العالم نحو عودته كعالم ثنائى الاقطاب على الاقل

نأتى للمتغير x. . . او ذلك المجهول القادم من الخلف بقوة ليتسبب فى ازمات لكبار العالم . . . و انا رأيى ان هؤلاء بالتحديد هم اللى هيودوا العالم فى ستين داهية. . . لان القوى العظمى المتمرسة سواء قديمة او حديثة خلاص ارست قواعد اللعبة و اتقنتها و تعرف جيدا حدودها و حدود غيرها. . . اما الصغار فأهم ما يميزهم هو الغشم. . . يعنى غرور القوة. . . بالذات لو قوة غير تقليدية. . . مثلا السلاح النووى فى ايد العيل بتاع كوريا الشمالية ممكن يبدأ تفاعل احداث متسلسل يودى العالم فى ستين داهية. . . صراع زى الصراع الايرانى الاسرائيلى. . . مرشح بقوة من وجهة نظرى انه يغير شكل النصف الاول من القرن ده. . . يعنى من الاخر هيرسى الموضوع على اشتعال عظيم النار من مستصغر الشرر. . . يعنى هيعملوها الصغار و هيقعوا فيها الكبار :-)

موضوع اكثر من رائع ... ربنا يباركلك ... و كالعادة ( و ربنا ما يقطعلى عادة ) .. اسمحلى اختلف مع حضرتك فى بعض النقاط الفرعية و كمان اؤيد حضرتك فى بعض النقاط ...

ما ذكرته حضرتك عن تفوق الشعب الامريكى صح بنسبة 99% .... الابداع الفردى متفوق جدا جدا عندهم اكثر من اى شعب اخر .... و مثال بسيط على كدة ... قصة بداية عهد الطيران ... الاخوين رايت ...
من افضل قصص الكفاح الانسانى لغاية لما طيروا طائرتهم ... و بعد كدة دخلوا النظام الادارى المعتاد ..

مجهود افراد مستقل تماما عن الهيئات .... و قصص كتيرة عن اشخاص زيهم .. و فى الزمن الحالى.. اتفرج على اليوتيوب .. و على تجهيزات الناس البسيطة لورش صغيرة فى اماكن اقامتهم ... و ناس بتصلح عربياتها و تعدلها بنفسها ..و اختراعات و مشاريع صغيرة من مجهود فردى .... فالمجهود الفردى ده حاجة معتادة و طبيعية .... و بالطبع النظام العام يساعد على هذا

حاجة تانية مهمة ..... عدم محاولة احتكار المعرفة ( انا بتكلم عن الافراد مش عن المؤسسات ) .. انا بتكلم عن خبرة تعامل شخصية مش قليلة مع الامريكان و مع جنسيات مختلفة .... بمعنى .... الواحد ببساطة جدا يشرحلك و يبسطلك الى انت بتسأل عنه و لا يبخل عليك بالمعلومات ... و يفرح جدا لما تقوله انا ممكن اساعدك من غير فلوس

النظام الادارى الامريكى ... لا يخلو من لمحة تنظيمية انجليزية واضحة فى معالمه .... بس الامريكان لم يلتزموا بالتخطيط ده حرفيا .. و اضافوا عليه الكثير من الاضافات المستمرة

و اقصد تحديدا استفادوا من التخطيط الانجليزى لبقاء الامبراطورية الانجليزية عقودا طويلة من السنين ... و التوسعات الخارجية الضرورية لامداد بريطانيا بمستلزمات قيادة امبراطورية
و لنقطة دى تحديدا .... ذكرها هتلر فى مذكراته ... عن ضرورة التوسع الخارجى ( الاستعمار الخارجى ) لضرورة بناء وطن قوى
و حاجات تانية كتير محتاجة لمواضيع منفصلة

و انا موافق حضرتك بشأن الروس ... و الصين ... انما فيه حاجات تانية موجودة فى الشعوب دى .. لو احسن استغلالها .. ممكن تكون قوة تانية .. على الاقل .. تقلل من النفوذ الامريكى العالمى

و اوربا ... لاحظت عدم اتفاق الاوربيين و اختلافهم حتى فى ابسط الامور .. و حقيقة .. لا يوحدهم الا الاخطار الخارجية .. او الطمع التى من الممكن ان توحدهم على رأى

اما عن الدول الصغيرة .... انا مختلف مع حضرتك فى النقطة دى اختلافا طفيفا .... ليه ؟!
كوريا الشمالية ( بغض النظر عن مواقفها ) .. لازم تلجأ للقوة المفرطة تجاه عدو عملاق بحجم امريكا

فلو افترضنا .... قيام كوريا الشمالية بقذف اليابان او كوريا الجنوبية ... نتيجة خلافات قديمة .. او نتيجة وجود قوات امريكية فى البلدين تهددها باستمرار ... فده حيؤدى الى قيام امريكا بالرد ... و بالتالى قيام الروس و الصين بالرد ... الموضوع حيكبر نظرا لأن الكبار حيقعوا فى بعض .. علشان مش عاوزين اى تدخل قرب مصالحهم

الصراع الايرانى الاسرائيلى ؟؟!!!
بصراحة انا شايف اتفاق ايرانى اسرائيلى ... و تنسيق بين الطرفين فى الخفاء ... يصل احيانا قليلة الى السطح .. و انا لم ارى اكثر من التراشق بالكلام و التهديدات بين الطرفين .. و لم يتخذ اى طرف خطوة واحدة ايجابية فى اتجاه الطرف الاخر .. و لم تفرض عقوبات رادعة على ايران .. و الصناعة الايرانية القليلة موجودة خارج ايران ... بس بتغطى عليها المنتجات الصينية كالعادة .. و الصناعة العسكرية .. متقدمة الى حد كبير .. و لم تتأثر بالحصار الدولى و لا بالعقوبات و لا بكل الكلام الكبير ده

النار تأتى من مستصغر الشرر فعلا .... ده فى وسط جاهز اصلا انه يشتعل

تقبل مرورى و خلافى مع حضرتك احيانا فى الرأى ... و لا اخفى عليك استمتاعى بالحديث مع حضرتك

تقبل تحياتى

المشاركة الأصلية كتبت بواسطة أحمد كمال

القرم في اوكرانيا مفيهاش وقود و لا نيلة ....... القرم موقع استراتيجي على البحر الاسود فقط لا غير


من الاخر روسيا بتستوي على نار هادية دلوقتي عالجنبين ........ بالشفا يا بوتين باشا ........ شفيتم

علي عهده ال RT

• ال Crimea فيها غاز طبيعي و اوكرانيا كانت بتصدره لباقي دول اوروبا ده غير انها منطقه سياحيه جميله
  
  
• لما انضمت ال Crimea لروسيا قام بوتين عمل اتفاقيه مع الصين لتصدير الغاز ده ... فلوس غاز ال Crimea بقت في جيب بوتين + تقارب اكبر مع الصين
  
  
• روسيا من اكبر الدول من حيث احتياطي الدهب و اليورو ... يمكن عشان كده بوتين مش في دماغه ان الروبل بقي كل يوم في النازل

المشاركة الأصلية كتبت بواسطة باسم يوسف

علي عهده ال rt

• ال crimea فيها غاز طبيعي و اوكرانيا كانت بتصدره لباقي دول اوروبا ده غير انها منطقه سياحيه جميله
  
  
• لما انضمت ال crimea لروسيا قام بوتين عمل اتفاقيه مع الصين لتصدير الغاز ده ... فلوس غاز ال crimea بقت في جيب بوتين + تقارب اكبر مع الصين
  
  
• روسيا من اكبر الدول من حيث احتياطي الدهب و اليورو ... يمكن عشان كده بوتين مش في دماغه ان الروبل بقي كل يوم في النازل

اللى اهم من كل ده ان شبه جزيرة القرم هى منفذ روسيا الوحيد على البحر الاسود و فيها يتمركز اسطول البحر الاسود الروسى. . . اضف لكده انها اساسا جزء من روسيا و قامت فى زمن ماضى بوضعها تحت السيطرة الاوكرانية. . . عشان كده اول ما حصل قلق فى اوكرانيا بوتين قالك انا هرجع ما يخص روسيا و هو شبه جزيرة القرم و بعد كده يحصل اللى يحصل فى اوكرانيا. . . و كان عنده استعداد يدخل حرب مع الناتو لو حد حاول يمنعه و لان الغرب عارف كده كويس اكتفوا بالبرطمة و البعبعة و بس