الموتور بيخبط وبتاكل زيت اعمل ايه ؟؟؟؟؟؟؟؟؟؟؟؟

**khater87** · 03-11-2008 12:31 AM

السلام عليكم في الاول .
عندي مشكله في موضوع الموتور بتاع الانوس جامده جدا وهي موضوع اكل الزيت . لسه مغير زيت من حوالي 3 اسابيع وحطيت كالمعتاد 3 كيلو . المهم بعد حوالي 370 كيلو مشي ابص علي مقاس الزيت الاقي الي موجود تقريبا كيلو ونص بس . ده غير اني لما اجي ادور العربيه في الاول الصبح مثلا اشوف الدخان الابيض بعيني . انا مش قلقان من الدخان لانه بيستمر شويه وبيروح بس بيرجع يظهر تاني مع السحبه او مع طلوع اي مطلع او مع عزم شديد . الي مخليني قلقان فعلا هو الصوت الي بسمعه في بدايه الدوران بسمع زي مايكون تخبيط في الموتور لمده دقيقه ولا حاجه هو مش صوت عالي بس خشونه ملحوظه في الموتور .
انا في ناس نصحوني بعد ماسألتهم قولتلهم هل الحل طقم شامبر واخرط الكرنك وكده . فردوا عليا وقالولي العربيات دي مبتعملش فيها كده دي بتروح عند وحد بتاع استيراد وتقوله عاوز نص تحتاني للموتور الي بيشمل الكرنك والبساتم من غير وش السلندر .
وناس تانيه قالتلي استني لما تجيب اخر الموتور خالص وهات موتور استيراد وخلاص بس طبعا مكلف شويه . وبعدين مش هستني انا الموتور لما يفوت اويقفش مني علشان اصلحه .
السؤال هو ايه رأيكم يااهل الخبره والي مجربين هل اعمل بالنصيحه واشتري نص تحتاني للموتور استيراد زي ماقالو . ولا اشتري موتور كامل (3700)كامل استيراد .
ولا اعمل ايه ياريت النصيحه الله يخيكوا وياريت كمان تكون عن تجربه والسعر تقريبا هتتكلف كام .
وشكرا ليكم .

**ahmedsrs** · 03-11-2008 01:07 AM

هية العربية عاملة كام كيلو

**amirhamed** · 03-11-2008 09:19 AM

هو الموتور الاستيراد يبقى كويس لان برده دا في الاخر مستعمل وممكن مايستحملش,
اعتقد ان العمره عند ميكانيكي مضمون احسن بس دا لما الموتور يجيب اخره طبعا

**ahmedfd** · 03-11-2008 09:50 AM

أعتقد و الله أعلم واضح إن في مشكلة كبيرة في الموتور... الدخان الأبيض بتاع الصبح اللي بيروح بعد فترة في العادي ممكن أقولك بخار لكن مع وصفك لحالة الموتور هنفترض إنه مشكلة و غالباً بتكون قواعد الصبابات متاكلة او غير مظبوطة و بتسرب زيت فوق البستم بعد الركنة و في بداية الدوارة بيتحرق.
بالنسبة لصوت الخشونة غالباً بيكون ضعف في طرمبة الزيت و الزيت بياخد وقت على ما يوصل للأجزاء الميكانيكية.
طبعاً دة رأي شخصي بحت و إن شاء الله م/محمد ممدوح أستاذ الدايو في المنتدى هيرد و يفيدك.

**MMamdouh** · 03-11-2008 10:05 AM

لو الموضوع وصل لترزيع و دخنة و خلافة يبقى البقاء لله

انا كنت عند ابو هاشم الاسبوع اللى فات و قاللى ان المكنة ال1600 ال 16 صباب بتاعت اللانوس ب3750 (قبل اى فصال) و التقيط حياخدلة يوم من اولة لاخرة

MMamdouh

**M.Elhamy** · 03-11-2008 10:20 AM

yes direct swap

**MMamdouh** · 03-11-2008 10:21 AM

الموتور اصلا بتاع لانوس فا بيركب بدون تعديل اى حاجة فى القواعد او الشاسية

الموتور 1600 سى سى 16 صباب اتنين كامة 106 حصان

خللى بالك ان الموتور دة عفى و حتحتاج تعمل تعديلة الفرامل لو ركبتة

MMamdouh

**samirayad** · 03-11-2008 06:39 PM

المشاركة الأصلية كتبت بواسطة MMamdouh

الموتور اصلا بتاع لانوس فا بيركب بدون تعديل اى حاجة فى القواعد او الشاسية

الموتور 1600 سى سى 16 صباب اتنين كامة 106 حصان

خللى بالك ان الموتور دة عفى و حتحتاج تعمل تعديلة الفرامل لو ركبتة

MMamdouh

هو الموتور ده مش بتاع النوبيرا.........................أكيد من الأفضل يفور الموتور الأساسى ويكشف على الأجزاء ليحدد حجم الأعمال المطلوبة والتكلفة .............وبعد كدة يقدر يقرر أيهما أفضل ........مع العلم بأن كفاءة المحرك الأساسى ستكون أفضل بعد العمرة وأكفأ من المستعمل الغير مضمون.................بس أهم شىء يروح لميكانيكى أمين........