محتار في الفيليشيا

**أحمد جودة** · 03-01-2015 11:06 AM

هتاخد من الفليشيا الثبات والمتانة والصاج القوي بس مش هتشد مع عربيات لان العربية تقيلة موتورها 1300 والدايو 1600 بس كل ميزة يقابلها عيب والعكس

**الاسد المهاجر** · 03-01-2015 11:34 AM

المشاركة الأصلية كتبت بواسطة engahmedsayed

الف شكر يا صديقى و الشكر لله
موضوع الشد لما العربية هتجيب معاك 100 كيلو بتيبقى كويسة
بس هى مشكلتها بسيطة شوية و هى تجميع الغيارات بتاخد وقت شوية عن العربيات الكورى و اليابانى
منا قولتالك الانوس هتفرق معاك

بالنسبة لمشاكل السخونة الحمد لله العربية مش بتسخن زى ما الناس فاهمه
اى عربية فى الدنيا لو فى مشكلة فى دورة التبريد او الموتور هتسخن منك مش الفليشيا

بخصوص البنزين هى موفرة جداااااااااااااااا متقلقش
[والله
size=4]قطع الغيار معاك بكل الانواع صينى و تركى و المانى و تشيكى و معمرة جدااااا[/size]

الصيانة
انا بعتبر مشكلتها الوحيدة هى مش اى حد بيفهم فيها العربية كا مكانيكا سهله جدا و كا كهربا و كا عفشة بسيطة جداااااااااااااااااااا
بس مش اى حد بيشتغل فى العربية لانى ليها كدة حتة ظبطه فى الموتور
و الحمد لله قدرنا انى نوصل الناس هنا يعملو صيانات بنفسهم و يغيرو قطع غيار بنفسهم و ايه كمان بيغيرو جوان وش السليندر و الله قسم عسل
نصيحة لو ربنا كرمك بفليشيا
متفكش مسمار او تربط مسمار الا لما ترجع لقسم هنا هتاخد المعلومة الصح انتا معاك هنا خبراء فى الفليشيا و متقلقش القسم هنا نشيط
متروحش من نفسك عند حد و يشتغل فى العربية لازم تكون فاهم الاول
ربك المستعان

والله يابشمهندس احمد مش عارف اشكر حضرتك ازاي وفعلا القسم هنا والمنتدي اخوات ومحدش بيتاخر في مساعدة حد وانا عايز اقلك نايل موتورز بيتي التاني وشكرا لحضرتك جدا جدا وربنا يجعله في ميزان حسناتك

**الاسد المهاجر** · 03-01-2015 11:42 AM

المشاركة الأصلية كتبت بواسطة eng_amg

مشكلتي في الفليشيا إن أخرها في السرعة 145 كم / س
لكن تسارعها مقبول جدا تحت 120

علي فكرة أنا معايا اللانوس وكان معايا الفليشيا لمدة سنتين وممكن أفيدك في مقارنة بسيطة:

- إستهلاك البنزين في اللانوس أفضل لكن لو فيليشيا إنجكشن فالفليشيا أفضل.

- الباور طبعا لللانوس.

- التكييف أفضل في اللانوس

- صوت الموتور هادئ في اللانوس. وخشن في الفليشيا

** نيجي بقى للمهم من وجهة نظري **

- الثبات علي السرعات والغرز للفليشيا رأس برأس مع الفئات العالية (( إرمي اللانوس في الزبالة ))

- قوة الصاج طبعا للفليشيا وشخصيا خبطت رصيف علي سرعة 80 ومحصلش حاجة في العربية خالص إلا إن الجنط أتعوج

- من وجهة نظري الصالون أوسع من اللانوس رغم أنها هاتش باك وأشيك والخامات أفضل كتير.

- عزل الصالون ممتاز في الفليشيا ولا يقارن مع اللانوس.

- كراسي الفليشيا أريح. يعني روحت بيها بورسعيد صدة ردة مكنت مستريح في القعدة, لكن اللانوس متعبة.

مقارنة مفيدة جدا
طب دركسيون الفليشيا تقيل ولا مقبول ياريت ميكونش زي١٢٨ اصلها كانت قبل الانوس وكان رخم
وشكرا لحضرتك جدا

**الاسد المهاجر** · 03-01-2015 11:48 AM

المشاركة الأصلية كتبت بواسطة أحمد جودة

هتاخد من الفليشيا الثبات والمتانة والصاج القوي بس مش هتشد مع عربيات لان العربية تقيلة موتورها 1300 والدايو 1600 بس كل ميزة يقابلها عيب والعكس

هوا الموضوع محير يعني كان معايا الانوس حاسس انها ورق بس ناعمة
بس الظروف هتحكم يا اسكودا يا ورق اقصد اكسنت بس لحد دلوقتي الاسكودا تكسب والمهندس احمد مطمني ان٣٥ يجيبو وش اوكتافيا نضيفه
شكرا لحضرتك

**eng_amg** · 03-01-2015 11:56 AM

المشاركة الأصلية كتبت بواسطة الاسد المهاجر

مقارنة مفيدة جدا
طب دركسيون الفليشيا تقيل ولا مقبول ياريت ميكونش زي١٢٨ اصلها كانت قبل الانوس وكان رخم
وشكرا لحضرتك جدا

لا طبعا مش زي 128. بس لو متعود علي الباور حتحس بتعب شوية في الركنات. لكن حتتعود عليه بسرعة

**الاسد المهاجر** · 03-01-2015 12:02 PM

[QUOTE=eng_amg;3875859907]لا طبعا مش زي 128. بس لو متعود علي الباور حتحس بتعب شوية في الركنات. لكن حتتعود عليه بسرعة
[/QUOT

ربنا يطمنك اصلا انا بحب ركناتي تكون قريبه جدا من الرصيف فايام ال١٢٨ كنت باستعمل مناديل كتير وانا بركن غير التعب