محتار في الفيليشيا

**الاسد المهاجر** · 02-01-2015 08:44 PM

السلام عليكم
ياريت لو الاخوة الاعضاء يفيدوني عايز اجيب فيليشيا اخري٣٥٠٠٠ هل تجيب فيليشيا نظيفه انا كان معايا لانوس ولظروف بعتها هحس بفرق بينها وبين الانوس كبير يعني مثلا السحب الثبات الدركسيون وهيا افضل ولا اكسيل او اكسنت
المهم عندي السحب تكيف مقبول باور اعادة بيع شكل كويس
شكرا ليكم

**EngAhmedSayed** · 02-01-2015 09:00 PM

طبعا هتحس بفرق و فرق كبير
لانى الفليشيا فئة و لانوس فئة تانية
اولا الفليشيا موتور 1300
الانوس 1600
قيس عليه بقى سرعة و تكييف و كل حاجة

**EngAhmedSayed** · 02-01-2015 09:08 PM

المشاركة الأصلية كتبت بواسطة الاسد المهاجر

السلام عليكم

و عليكم السلام

ياريت لو الاخوة الاعضاء يفيدوني عايز اجيب فيليشيا اخري٣٥٠٠٠ هل تجيب فيليشيا نظيفه

المبلغ يجيب فليشيا نظيفة و موديل 2000 وش اوكتافيا

انا كان معايا لانوس ولظروف بعتها

ربنا يعوضك خير بأذن الله

هحس بفرق بينها وبين الانوس كبير

طبعا هيكون الفرق كبير بين الاتنين

يعني مثلا السحب

الانوس طبعا تكسب علشان موتور 1600 عكس الفليشيا موتور 1300

الثبات

فى الفليشيا ثبات ممتاز

الدركسيون

لو موديل من 1995 هيكون عادة مش باور لو 2000 وش اوكتافيا احتمال تلاقى عربية فيها باور و ممكن لالالالا

وهيا افضل ولا اكسيل او اكسنت

اكسنت افضل بشرط الحالة تكون كويسة

المهم عندي السحب تكيف مقبول باور اعادة بيع شكل كويس

سحب العربية مش جراية زى منتا متخيل بسبب انى موتورها 1300

التكييف بتاعها ضعيف جداااااااا

اعادة بيع بسهولة جدااااا و مطلوبة فى السوق جدااااااااااااااا

شكرا ليكم

يارب اكون قدرت أوصل المعلومة لسيادتك

**الاسد المهاجر** · 03-01-2015 01:25 AM

طب بالنسبه للسخونيه
وهل في مشكله في الصيانة او الاعطال
موفرة في البنزين ولا
وقطع الغيار معمره ولا

**assem rostom** · 03-01-2015 02:28 AM

حضرتك رائع جداااااا جداااااا باشمهندس احمد السيد
تحياتي

**ehab mobarak** · 03-01-2015 09:17 AM

الزميل العزيز راي المهندس احمد صح والمفاضلة بين الأنواع ترجع ليك انت بس لو نويت علي فليشيا يبقي هاتها انجكشن موديل 2000 بالتكيف وممكن تلاقيها بور علي حسب اما مشكله السخونيه فهي ليها حلول لكن الفليشيا سحبها مش زي العربيات التانيه لأن وزنها تقيل شوية بس ثبات ومتانه وقوة علي الطريق وتناور بيها وانت مطمئن انها مش حاتحدف منك اما بالنسبة للبنزين الانجكشن موفر عن الكربراتير وبالنسبه لقطع الغيار متوفره بكذا نوع الماني وتشيكي وتركي وصيني والاستعمال برضو متوفر وصيانتها برضو طويسه ولو جبت قطعة غيار نضيفة بتعمر معاك وعفشتها سهلة جدا وحمالة اسية والعربيه مريحة من جوه وواسعه وبيبان عليها اي حاجة بتعملها فيها وربنا يوفقك للصالح

**EngAhmedSayed** · 03-01-2015 09:42 AM

المشاركة الأصلية كتبت بواسطة الاسد المهاجر

الصراحه. مش عارف اشكرك ازاي حضرتك جبت من الاخر ووفرت عليا كتير
انا مش بحب اجري دائما بس اوقات احب اخد غرزة اشد مع عربيه عشان اعدي منها بس فكانت الانوس عجباني في كده

الف شكر يا صديقى و الشكر لله
موضوع الشد لما العربية هتجيب معاك 100 كيلو بتيبقى كويسة
بس هى مشكلتها بسيطة شوية و هى تجميع الغيارات بتاخد وقت شوية عن العربيات الكورى و اليابانى
منا قولتالك الانوس هتفرق معاك

المشاركة الأصلية كتبت بواسطة الاسد المهاجر

طب بالنسبه للسخونيه
وهل في مشكله في الصيانة او الاعطال
موفرة في البنزين ولا
وقطع الغيار معمره ولا

بالنسبة لمشاكل السخونة الحمد لله العربية مش بتسخن زى ما الناس فاهمه
اى عربية فى الدنيا لو فى مشكلة فى دورة التبريد او الموتور هتسخن منك مش الفليشيا

بخصوص البنزين هى موفرة جداااااااااااااااا متقلقش
قطع الغيار معاك بكل الانواع صينى و تركى و المانى و تشيكى و معمرة جدااااا

الصيانة
انا بعتبر مشكلتها الوحيدة هى مش اى حد بيفهم فيها العربية كا مكانيكا سهله جدا و كا كهربا و كا عفشة بسيطة جداااااااااااااااااااا
بس مش اى حد بيشتغل فى العربية لانى ليها كدة حتة ظبطه فى الموتور
و الحمد لله قدرنا انى نوصل الناس هنا يعملو صيانات بنفسهم و يغيرو قطع غيار بنفسهم و ايه كمان بيغيرو جوان وش السليندر و الله قسم عسل
نصيحة لو ربنا كرمك بفليشيا
متفكش مسمار او تربط مسمار الا لما ترجع لقسم هنا هتاخد المعلومة الصح انتا معاك هنا خبراء فى الفليشيا و متقلقش القسم هنا نشيط
متروحش من نفسك عند حد و يشتغل فى العربية لازم تكون فاهم الاول
ربك المستعان

**EngAhmedSayed** · 03-01-2015 09:46 AM

المشاركة الأصلية كتبت بواسطة assem rostom

حضرتك رائع جداااااا جداااااا باشمهندس احمد السيد
تحياتي

و الله انتا اللى رائع يا صديقى
و شكرا على ردك الجميل

المشاركة الأصلية كتبت بواسطة ehab mobarak

الزميل العزيز راي المهندس احمد صح والمفاضلة بين الأنواع ترجع ليك انت بس لو نويت علي فليشيا يبقي هاتها انجكشن موديل 2000 بالتكيف وممكن تلاقيها بور علي حسب اما مشكله السخونيه فهي ليها حلول لكن الفليشيا سحبها مش زي العربيات التانيه لأن وزنها تقيل شوية بس ثبات ومتانه وقوة علي الطريق وتناور بيها وانت مطمئن انها مش حاتحدف منك اما بالنسبة للبنزين الانجكشن موفر عن الكربراتير وبالنسبه لقطع الغيار متوفره بكذا نوع الماني وتشيكي وتركي وصيني والاستعمال برضو متوفر وصيانتها برضو طويسه ولو جبت قطعة غيار نضيفة بتعمر معاك وعفشتها سهلة جدا وحمالة اسية والعربيه مريحة من جوه وواسعه وبيبان عليها اي حاجة بتعملها فيها وربنا يوفقك للصالح

ردك و رأيك يحترم فى كل كلمة انتا كتابتها
شكرا للاضافة الممتازة
بالتوفيق ان شاء الله

الموضوع: محتار في الفيليشيا

LinkBack

أدوات الموضوع

عرض

-

-

-

-

المواضيع المتشابهه

صوت ونة فى الفيليشيا

زيت الفيليشيا كام لتر

للخبراء فى الفيليشيا

عاجل و مهم لأصحاب الفيليشيا فقط حل مشكلة الفيليشيا نهائيا

هو بيع الفيليشيا صعب كدة لية؟؟

الكلمات الدلالية لهذا الموضوع

المفضلات

المفضلات

ضوابط المشاركة