الموضوع: عايز تهاجر من مصر و لا بتحب العيشه في مصر ؟

المشاركة الأصلية كتبت بواسطة mecha

انا اشتغلت مع اجانب في مصر قاعدين فيها من السبعينات وكانوا بيتحايلوا عليهم يروحو فرع في هانوفر وفرع في كنساس وهما ابدا.
لما سالتهم قالولي الضرايب وعاجبهم الشمس ورخص الحياة وعاجبهم الاكل المصري ومنهم اجوز عراقيه ومصرية

لو اجنبى حب يعيش فى مصر حيعيش زى الملوك
هل ممكن ان امن الدوله يجي يعتقله لاى سبب
هل ممكن حد يدايقه او يستغفله
فلوسه القليله فى بلده هنا تلاقيها تجيبله احسن شقه فى احسن مكان
الاجنبى هنا ليه هيبه لما بيدخل اى مكان
المصرى بقى لما بيهاجر اى بلد بياخد على دماغه هناك - زى بالظبط السودانيين فى مصر (زمان)
فالاجنبى ليه حق يقعد فى مصر لأنه برضه مش بيعيش زى المصريين و بيبقى فى وضع افضل بكتير منهم

المشاركة الأصلية كتبت بواسطة khaled_sabry

لو اجنبى حب يعيش فى مصر حيعيش زى الملوك
هل ممكن ان امن الدوله يجي يعتقله لاى سبب
هل ممكن حد يدايقه او يستغفله
فلوسه القليله فى بلده هنا تلاقيها تجيبله احسن شقه فى احسن مكان
الاجنبى هنا ليه هيبه لما بيدخل اى مكان
المصرى بقى لما بيهاجر اى بلد بياخد على دماغه هناك - زى بالظبط السودانيين فى مصر (زمان)
فالاجنبى ليه حق يقعد فى مصر لأنه برضه مش بيعيش زى المصريين و بيبقى فى وضع افضل بكتير منهم

لأ ده كان زمان دلوقت الأجنبي بيتهان عادي جدا

ولو رحت سينا اي باص في اجانب بيقف ويتفتش كله انما لو كله مصريين (وشكلهم نضيف يعني) بيعدي من غير تفتيش

ده غير ان في اجانب كتير منهم فرنسيين وأمريكان ماتوا من التعذيب في اقسام الشرطة :)

النعمة اللي مش حاسين بيها

أنا نفسي أعيش في مصر

هعرف أسوق العربية بنفسي ^^
و هروح السينما كل أسبوع
وهروح كل شهر مدينة سياحية
ومطاعم
ونوادي
ومولات
ومجالات تعليم واسعة وخيارات كتير
ومش مشكلة النور يقطع وماله الشمع

المشاركة الأصلية كتبت بواسطة أبو آسر

مش مشكلة النور يقطع .. ما الشمع موجود
مش مشكلة حد يتحرش بيا .. ما هم اخواتي برده وعندهم كبت عايزين يطلعوه
مش مشكلة الأكل مسرطن .. ما لازم ننفع مستشفيات بلدنا والدكاترة يشتغلوا
مش مشكلة حد يعتقلني لأتفه سبب وممكن بدون سبب .. أهم حاجة بيحاربوا الإرهاب وأنا روحي وحريتي فدا الوطن
مش مشكلة مفيش أخلاق .. ده شعب برده متدين وعلى فطرته ومش كام مليون واحد بيمثلوا الشعب كله
مش مشكلة حد يثبتني بالعربية .. ناس غلابة ومش لاقية تاكل وظروفهم وحشة لازم نساعدهم
ربنا يديمها نعمة يارب .. على الله عايزها وحاببها

يعني الواحد يتجنب اماكن و اوقات المضايقات و افتكر دا بيحصل في الاعياد وفي اماكن محددة مش كل يوم
كمان يعني إيه اكل مسرطن ؟ أفتكر الخيارات كتير و كمان المصريين معدل أعمارهم أرتفع
واحنا مالنا بالناس ؟ اذا حد في حاله مش هيتعرض لأخلاق الناس وانا طول عمري عايشة في حالي لاعرف جيراني ولا حد يعرف تليفوني الا جوزي واخواتي وحضانة بنتي .. صعب دا يطبق في مصر ؟
والعنصرية في التعامل موجودة في السعودية

أنا بجد حاسة انكم بتبالغوا جدا كل الناس عندها مشاكل واعتقد ان المصريين شعب مرفه بالنسبة لباقي شعوب المنطقة
بس مش عايزين اي سلبية ما كل الدنيا فيها سلبيات والناس بتتعايش مع مشاكلها

المشاركة الأصلية كتبت بواسطة أبو آسر

حضرتك شرفينا لمدة سنة واحدة بس وإن شاء الله هتتأكدي ان اللي بنقوله ده أقل من الواقع الفعلي
بس أنا بعذر حضرتك لأنك عايشة برة مصر واللي إيده في المية مش زي اللي إيده في النار

الاخت بتتكلم على السعودية و السعودية عمرها ما كانت بلد مهجر الا للفلسطينيين
العيشة فى السعودية ممله للرجاله الى رايحه تشتغل فبمالك بالستات انا عشت فى قطر و دلوقتى عايش فى السعودية و احب اقولك السعودية اسوء بكتير من قطر كمان تعيش فيه مع اسره سواء فى التعليم او فى الخدمات او فى الترفيه محدش بيروح الخليج علشان يتفسح او يبقى خليجى ههه الى بيروح بيروح يعمل قرشين و يرجع مصر او يهاجر بيهم او يفتح بيهم بزنس
مافيش حد بيسافر سياحه ترفيهيه للخليج غير لدبى
الجو فى الخليج لا يطاق اغلب السنه ما تعرفش تمشى فى الشارع على رجلك
الى عايز يهاجر و يستقر يروح استراليا ولا شيلى و لا امريكا دول جوها كويس و شعبها متحضر
و بعدين الى سأل السؤال سأله غلط انا ههاجر بلد تانيه و افضل على نفس مستوايا الاجتماعى و المادى ولا هنزل عنه كتير
يعنى اناشغال فى الخليج او مصر مهندس هروح اوروبا اشيل زباله ؟ ولا هشتغل مهندس برضه لو هروح على نفس المكانه الاجتماعيه و الماديه يبقى هناك احسن لو هروح و ابقى متسول و عايش على الاعانات خلينى هنا احسن
الى الناس ناسياه ان الهجرة عايزة فلوس ولو معاك الفلوس بيبقى فيه حسابات تانيه هل تقدر تتأقلم هناك ولا لأ و الموضوع مش سهل الخلايجه مفتوح ليهم اوروبا بدون تأشيرة و ما شوفناش حد كسر تأشيرة و استقر هناك ؟انا ممكن اكون شغال فى الخليج او صاحب بيزنس و راتبى او دخلى يكفينى اروح اوربا او امريكا فسحه 3..4 مرات فى السنه ولا اشتغل فى امريكا شغلاتنين علشان اعرف اكل و اشرب و اعلم اطفالى ......
الفلوس هى الى تخليك تقرر و تفتحلك اختيارات اكتر ولو معاك فلوس لحد معين هتلاقى الدول الاوروبيه بتدور عليك علشان تستثمر فيها و عاملهلك تسهيلات و اقامه ليك ولأولادك ......