الموضوع: استفسارين بخصوص نيسان سنترا ؟

المشاركة الأصلية كتبت بواسطة megodahab

انا سقتها امبارح لمسافة ربعمية كلم وانتوا عارفيين مزاياها بس العيوب اللي لاحظتها هي:
١- الجير غير متعاون بالمره او مره اشوف عربيه اضغط ليها بنزين علي الاخر علشان تقوم وتفز بس للاسف الاستجابه ضعيفه فعلا الجير استجابته ميته طبعا فيه زرار بالجير تضغط عليه تظهرلك علامة سبورت بالطبلون بتحسن استجابة الجير بس بتحس انك سايق طياره مش من السرعه لا دا من صوت الموتور عالي موت
٢- العزل مش كويس طول الطريق وصوت الهوا شديد كاني فاتح شباك
٣- غير ثابته علي الطريق خفيفه
بس دي العيوب اللي لاحظتها لكن غير كده شكلها الخارجي جميل اتمني اكون افدتكم

هوه الفيتيس ال cvt لما تتعود على سواقته حتعرف يعني هو مش اوتوماتيك عادي.دلوقتي بعد ٧٠٠ كيلو بقا سواقته بالنسبالي سهله واستجابته احسن من العادي كمان محتاج انك تتعود عليه.اما حته العزل دي معلش يمكن تكون سقت فئه تانيه.يا عم ده التبطين والاهتمام بالعزل شفتهم بعيني وجربتهم في عز الدوشه العزل صوتي حراري كمان خلي الناس تجرب بنفسها وتشوف.وحته انها مش ثابته دي ممكن تحسها خفيفه عشان اعلى عربيه حاليا عن الارض لكن بيختلف مفهومنا عن الثبات دايما.الثبات ان العربيه متكونش بتلعب على السرعات العاليه ولا بتنط.والعربيه دي ثباتها كويس جدا جدا كمان عشان الايرو ديناميك بتاعها رغم انها عاليه وتقيله.اما نعومه العربيه فحدث ولا حرج.ومتنساش الباور الكهربا بتاعها في السرعات بيبقى تقيل ويخف زياده ساعه الركن .

المشاركة الأصلية كتبت بواسطة megodahab

صراحة مش عارف اقولك ايه يمكن العيب في العربيه اللي سوقتها بس هيه موديل ٢٠١٤ اقل فئه بس طول الطريق علي سرعة ١٤٠ سامع صوت الهوا وتاني شي العربيه خفيفه علي الطريق ولو اي عربيه عدت جنبي بحسها هتطير السنترا من جنبها والعربيه مبتقومش زي معظم العربيات يعني معظم العربيات اللي ركبتها مجرد ما ادوس بنزين الاقيها تقوم دي لا خصوصا والمكيف شغال معرفش يمكن دي مشاكل بالعربيه اللي كنت سايقها انتوا اعلم مني بصفتكوا ملاكها

اكيد مشاكل خاصه بالعربيه او الطريق.تجميع العربيه بتاعتي بيزيد يوم بعد يوم النهارده داخل في ٧٠٠ كيلو بقت عربيه تانيه تجميع سريع واستجابه الفيتيس ممتازه كانه بيتعود على السواقه.العربيه كمان علوها ميزتها في شوارعنا العظيمه مش بتحك في مطبات زي عربيات جديده كتير والتكييف فعلا اداؤه ممتاز ولا كانك مشغله من الاساس في التاثير على الموتور وفعلا عزل العربيه رااائع بمعنى الكلمه والكلام اللي بقوله مطابق لريفيوهات عالميه وكمان اختبارات السلامه الامريكيه اللي مطلعه عربيات سمعتها ممتازه في السلامه والامان اقل من السنترا ٢٠١٥ كمان.العربيه عائليه وواسعه وناعمه الحقيقه الحمد لله

المشاركة الأصلية كتبت بواسطة dreslam

اي عربيه بعد خمس سنين حتبيعها بسعر واقع عادي يعني....وقطع الغيار متوفره في التوكيل وحتتوفر اكتر بعد ما تتجمع العربيه في مصر قريبا ان شاء الله وقطع غيارها ارخص من الجوك والقاشقاي على فكره..اما عن الكلام اللي رايح وجاي على الاوبشنز في عربيه سعرها 165 الف جنيه فهو فقط الكلام على التكييف البكر...رايح جاي ناس بتتكلم في تكييف بكر بينما تكييفات تتش متسواش تلاته صاغ والكمبرسور بتاعها بيبوظ بعد سنه ولا اتنين..اللي بيقيم عربيه يتكلم عن ثبات-- اعتماديه- موتور- فيتيس -- وبعدين يتكلم على الباقي..انما اللي بيقيم اوبشنات بقا..تلات ارباع العربيات القديمه المتهالكه بقت بتركب اوبشنز زي العربيات الهايلاين برضه
اما عن الاوبشنز الفاضيه فيه عربيات بقد كده مافيهاش جراب نضاره...فيه عربيات بقد كده مافيهاش فتحات تكييف خلفي..اما اذا كنت بتعتبر الفوانيس الليدات والبصمه وال keyless entry والماتي فنكشن والباركينج سنسور..كماليات فقيره ...عادي برضه
السوبارو مشكلتها قطع غيار غاليه..وتكنولوجيا عاليه وده سر عدم انتشارها
نقيم العربيه ماشي...لكن ده احنا بقينا "كاننا" بنحذر" ان حد يشتريها عشان تكييفها البكر اللي بيعتبر اقوى تكييف في فئته ..لا تعليق بجد

الموضوع مش تكيف بكر و بس
الكورولا الي ب 190 تتفوق علي السنترا الي ب 175 (الهاي لاين) في الاتي
اوتو بارك (العربية بتركن لوحدها)
esp أو vsc و ده عامل أمان مهم جدا و في الكورولا بقه vsc+ كمان و دي لوحدها تساوي أكتر من ال 15 ألف الفرق
مريات بتضم كهرب
تكيف ديجيتال
تكيف ديوال زون
و حاجات تانية كتير
السنترا مش و حشة بس غاليه أوي ـوي اوي أوي أوي علي امكانياتها
و طبعا الكورولا اكثر إعتمادية من النيسان
يبقي ليه ادفع فلوسي في عربية قرعة في الاوبشنز
و في الاخر كل واحد حر يجيب الي عايزه و متعصب ليه

المشاركة الأصلية كتبت بواسطة hom1969

الموضوع مش تكيف بكر و بس
الكورولا الي ب 190 تتفوق علي السنترا الي ب 175 (الهاي لاين) في الاتي
اوتو بارك (العربية بتركن لوحدها)
esp أو vsc و ده عامل أمان مهم جدا و في الكورولا بقه vsc+ كمان و دي لوحدها تساوي أكتر من ال 15 ألف الفرق
مريات بتضم كهرب
تكيف ديجيتال
تكيف ديوال زون
و حاجات تانية كتير
السنترا مش و حشة بس غاليه أوي ـوي اوي أوي أوي علي امكانياتها
و طبعا الكورولا اكثر إعتمادية من النيسان
يبقي ليه ادفع فلوسي في عربية قرعة في الاوبشنز
و في الاخر كل واحد حر يجيب الي عايزه و متعصب ليه

ولا تعصب ولا حاجه.الكورولا ب ١٩٥ تركي والسنترا ب ١٦٥ تايلندي.فرق ٣٠ الف جنيه.الكورولا بعد كل اللي انتا قلته وتكييفها تتش مافيهوش فتحه خلفيه وموديل الكيليس انتري ستارت ستوب ب ٢٠٠ الف وموجود في السنترا ام ١٦٥ الف وفي عربيات اقل كمان.كل واحد حر طبعا ومافيش عربيه كامله ابدا.السنترا من تاني بقولها عربيه ناعمه عائليه عالميا ناجحه وريفيوهاتها عاليه وهي عاليه عن الارض مانزلهاش تعديل عشان متحكش في كل المطبات بتاعتنا ولا حاجه هي تصميمها كده من الاول مش زي عربيات تانيه اغلى منها :).ولا تعصب ولا حاجه بقيم العربيه بس على بعضها ولو حنقيم الاوبشنز ندخل بقا عربيات ب ٢٠٠ و ٢٢٠ وهكذا وب ١٢٠ كمان وهكذا.لولا اختلاف الاذواق لبارت السلع لكن برضه مش حقيم التكييف عشان بكر رغم انه ميزه عشان العيال واللي بيعملوه.قيم التكييف نفسه اللي بفتحات خلفيه ومالوش تاثير يذكر على الموتور.بس كده حاجه بسيطه خالص