هتجنن خلاص ....عندي جراج خاص وموش عارف اركن فيه !!!!

**ZIMOFOX** · 03-11-2008 10:03 PM

المشاركة الأصلية كتبت بواسطة Hossam_Hassan

طب لو البوليس شافها او حد بلغ، يا ترى هيشوف مفعول السحر ولا المفعول به؟

مين جاب سيرة امن الدولة هه مين هه

**Chicco** · 03-11-2008 10:04 PM

بالتجربة ملهاش حل غير جانب اليافطة و البرميل تزعقلك مرتين تلاتة في الشارع لحد ما الناس كلها تعرف إن الجراج ده بتاع واحد بيعمل مشاكل .....غير كده أنسي ....الشارع المصري موديل ٢٠٠٨ ....للاسف الشديد

**MedaSam** · 03-11-2008 10:05 PM

كان في راجل ساكن في العماره اللي جنبي ........ اللي كان بيركن داخل أو أمام الجراج بتاعه ........ كان بيخرمله العجل لو شادد فرامل اليد ......... لو مش شاددها ...... كان بيزق العربيه و يسد بيها الشارع و طبعا الشارع بيقف تماما و الناس تسب و تلعن في صاحب السياره ........ تخيل انت بقه لما الناس تلاقي صاحب السياره جاي يمشي ....... بيتزبببببببط

**Noha.M** · 03-11-2008 10:08 PM

المشاركة الأصلية كتبت بواسطة Hossam_Hassan

طب لو البوليس شافها او حد بلغ، يا ترى هيشوف مفعول السحر ولا المفعول به؟

هههههه مش كدة برده:k48:

هيبقي المبتدأ و الخبر المرفووع و المجرووور و المكسووور بالشوومة :k37:قصدي الكسرة

لا بص والله خليك في البرميل التقيل دة بس معلش هتتعب معانا فى الشيل و الحط بس معلش ماهو كدة عطلة و كدة عطلة يبقي على الاق تضمن ان عربيتك فى الامان و بلاش ركنة الشارع عشان الناس اللى معندهاش ضمير و تجرح العربيات و ترسملك عليها و اللى يخبطهالك ..برده هتبقي مطمن برده و هي في الجراج

**ZOZ** · 03-11-2008 10:26 PM

انا لو بدالك اكتب على باب الجراج ممنوع الوقوف
وتحتها النعمة احساس ناس كتييييير شفتها عملت كده
اذا عوضك على الله انا رايي تغير مواعيد شغلك علشان يمكن هي السبب :k48:

**aif** · 03-11-2008 10:28 PM

انا شوفت واحد كان بيعمل الآتي
لما ييجي يركن في الجراج ولقى حد سادد المدخل يروح راكن هو قدامة صف تاني او تالت بحيث ان اللي راكن ده ما يعرفش يخرج ... ويشد الهاند بريك ويطلع ينام .... وصاحبنا يقعد يغني ظلموه تحت لغاية ما يحن علية وينزله ...
او لو ماعرفش يعمل كدة ... يروح يركن بعيد و هو اصلا مشتري حاجة زي المفك كدة بيفك بيها بلف الكاوتش ... زي بتاعت محلات الكاوتش ... وهوب .... الفردة بناخد 5 ثواني لا غير وتقول فسسسسسسسسسسسسسس يقوم الجيران كلهم يطلعو علي الصوت ... هو ومزاجة بقي ... لو حد من المنطقة وعارف ان ده مدخل الجراج ينيملو فردتين .... لو حد غريب ينيملوه فردة واحدة رأفة بحالة عشان اول مرة .... مع الوقت ... لما حد ييجي يركن يلاقي الف واحد بيقوله بلاش هنا ... الراجل دة رخم وح ينيملك الكاوتش .... وكله بقى يخاف يركن قدام الجراج بتاعه ....
وعاشو في تبات ونبات وخلفو صبيان وبنات :k48:

**MedaSam** · 03-11-2008 11:11 PM

المشاركة الأصلية كتبت بواسطة ZIMOFOX

ولما كان بينسى القلم وحد قافل عليه كان بيروح المكتبه يشتريه اقولة يا عم كبر دماغك يقولى ابدا لازم اعلم عليه

:k48::k48::k48:

**ArafatEHegazy** · 03-11-2008 11:37 PM

والله فعلا هو مفيش غير الزعيق والصوت العالي عندكم حق ...بس الواحد بيحب يعامل الناس باحترام...
أنا والله من غلبي اتفقت مع جاري اللي ساكن في الشقه اللي جنبي انه يركن قدام الجراج ...وسابلي نسخه من مفتاع عربيته ....فبقينا نظام فيد واستفيد ...وأهو معايا المفتاح بتاع العربيه وأطلع وادخل في 5 دقائق بدل ربع ساعه وتلت ساعه ... بس طبعا دا حل جزئي لأنه لما ما بيكونش هو راكن ..بلاقي الناس بتركن برضوا

اللي بقي يغيظ فعلا اني بلاقي ساعات ناس راكنه صف تاني قدام عربيه جاري وقافل عليه ...فببقي هتجنن :)

هشوف موضوع السلاسل تاني ...بس خايف ان الناس تيجي برضوا قدام السلاسل وتركن ...