لعنة abs

**IYousseff** · 05-01-2015 11:11 AM

بس تلفيات 3500 جنيه دا معناه انه كان ع الأقل ماشى ع الـ80 كم/س.

أنا معرفش حاجة عن الـ abs غير انه مثبت للسيارة ومنعها من الانزلاق لكنى مش هخسر حاجة لو اتعلم منكم.

**Shiref_mohamed** · 05-01-2015 12:27 PM

Abs على اسفلت نظيف بدون تراب ولا مياه ولا زيت بتكون مسافة التوقف بيها اطول من مسافة التوقف للعربية الى من غير abs

لو حضرتك ماشي على اسفلت عليه تراب ودوست فرامل abs هيشتغل عشان العجل ميقفلش بس لو السرعه عاليه جدا ولو دوست على الفرامل جامد جدا في النهايه العجل بيقفل برضه والعربيه بتزحف طالما السرعه عاليه

**eng_amg** · 05-01-2015 12:39 PM

طيب هو السؤال لصاحب الموضوع... حضرتك كنت ماشي علي سرعة كام وقت مدوست فرامل قبل الخبطة؟

**amr elsisi** · 05-01-2015 12:54 PM

قدر الله وماشاء فعل
انت غيرت زيت الفرامل اول لما جبتها ولا لا
هل كشف علي التيل الامامي والخلفي

**Hesham.H** · 06-01-2015 03:10 AM

قدر الله وما شاء فعل وربنا يعينك على اللى حصل عندك ويعين صاحب الفيرنا على اللى حصله
خبرتى المتواضعه عن جهاز الاى بى اس تتلخص فى انه جهاز ذكى جدا واللى مش فاهمه مش هايعرف ياخد منه نتيجه مرضيه
الاى بى اس بيحس بدرجه ضغطتك على بدال الفرامل وبيبدأ يحدد القوه اللى هايشتغل بيها عشان يقف ويمنع الانزلاق
وعن تجربه
دوس على الفرامل فى حته اسفلت على رمل مزحلقه خاالص بس تكون ضغطه مفاجئه او بيسموها ضغطه الخوف ... كبسه فرامل بمعنى اصح ... وشوف الاى بى اس هايشتغل ازاى وهاتحس بنفسك بدرجه الذبذبه بتاعته .. هتلاقى فرمله غير ما انت متوقع
تانى درجه وهى الدرجه الوسطى ... بتبقى ضاغط ضغطه فرامل وسط او بدأت الدوسه بالراحه ولاقتها مش هاتجيبك قمت ضاغط على الفرامل جامد ( وده غالبا اللى حصل معاك ) بياخد وقت شويه وبتحس بالذبذبه لكن الفرمله مش بتجيبك فى الوقت اللى انت عاوزه لانك ماقدرتش الضغطه اللى الجهاز محتاجها عشان يوقفك
التالته ودى زى قلتها بتدوس كانك بتهدى وبعدين يبقى فى رمل تحت العجل تلاقى الجهاز اشتغل والزنه بتاعته بانت بس انت مش محتاجها وكده كده انت مهدى

الطريقه دى جربتها فى عربيه تانيه غير الاوبل فيها اى بى اس وكانت نفس النتيجه
الخلاصه ان العربيات المجهزه باى بى اس اسلوب التعامل مع الفرامل فيها غير العربيات اللى مش موجود فيها الجهاز ده ( خاصه مع وجود رمال او اى شيئ بيعمل إنزلاق

**samaty** · 06-01-2015 07:28 AM

جزيل الشكر لكل من اهتم بالرد
لكن هناك نقاط لا بد من توضيحها
انا كنت على سرعة أقل من 40 كم
التاكسي كان بيني وبينه حوالي 10 متر
التاكسي اتفاجئ بالمطب لكن أنا حافظه
كان يميني سيارة أخرى وشمالي الرصيف فلا يوجد فرصة للمناورة
دوست فرامل لكن السيارة ظلت بسرعتها
زيت الفرامل بالتيل أمامي وخلفي بالعفشة كاملة متغيرين من أقل من شهر
المشكلة إني لما ادوس فرامل بالراحة العربية بتقف كويس
لما ادوس جامد الabs بيشتغل وبحس بيه في دواسة الفرامل لكن بالنسبة للعربية بتظل بسرعتها كأنك ما دوستش فرامل
سرعة ال200 دي بمشي عليها على الدولي وأنا رايح مطروح وعلى طريق الجيش وانا رايح الصعيد

**samaty** · 06-01-2015 07:30 AM

جزيل الشكر لكل من اهتم بالرد
لكن هناك نقاط لا بد من توضيحها
انا كنت على سرعة أقل من 40 كم
التاكسي كان بيني وبينه حوالي 10 متر
التاكسي اتفاجئ بالمطب لكن أنا حافظه
كان يميني سيارة أخرى وشمالي الرصيف فلا يوجد فرصة للمناورة
دوست فرامل لكن السيارة ظلت بسرعتها
زيت الفرامل بالتيل أمامي وخلفي بالعفشة كاملة متغيرين من أقل من شهر
المشكلة إني لما ادوس فرامل بالراحة العربية بتقف كويس
لما ادوس جامد الabs بيشتغل وبحس بيه في دواسة الفرامل لكن بالنسبة للعربية بتظل بسرعتها كأنك ما دوستش فرامل
دا معناه إن المشكلة بيعملها الabs
لمبة abs بتنور مع الكونتاك وبتطفي بعد ثواني
سرعة ال200 دي بمشي عليها على الدولي وأنا رايح مطروح وعلى طريق الجيش وانا رايح الصعيد
دا

**swimmer25** · 06-01-2015 08:05 AM

المفروض ال abs عشان يوقف العربية صح لازم تضغط على الدواسة ضغطة جامدة جدا..يعني تعصر الدواسة تحت رجلك
لأن ممكن اللي بيستخدم الفرامل لو حس بإرتدادات في الدواسة تحت رجله هيثبت رجله بنفس الضغطة أو يمكن يقلل كمان معتمد إن ال abs خلاص إشتغل..بالعكس ده بيحتاج ضغطة أقوى

عشان كدا إخترعوا ال BA عشان مع الفرامل المفاجئة لو حس بضغطة رجلك أقل من القوة اللازمة عشان توقف العربية يقوم ال BA مزود القوة على الفرامل من نفسه..أيا كان ال abs شغال أو لأ

ده ممكن يكون سبب والله أعلم

الموضوع: لعنة abs

LinkBack

أدوات الموضوع

عرض

-

-

شاكر جدا -

شاكر جدا -

-

المواضيع المتشابهه

لعنة ماركة تويوتا

لعنة أصابت كنترول الشيرى a11

لعنة الله على الدائرى..ربنا ستر

لعنة الاوكتافيا

الكلمات الدلالية لهذا الموضوع

المفضلات

المفضلات

ضوابط المشاركة