لعنة abs

**Mecha** · 06-01-2015 10:04 AM

المشاركة الأصلية كتبت بواسطة samaty

جزيل الشكر لكل من اهتم بالرد
لكن هناك نقاط لا بد من توضيحها
انا كنت على سرعة أقل من 40 كم
التاكسي كان بيني وبينه حوالي 10 متر
التاكسي اتفاجئ بالمطب لكن أنا حافظه
كان يميني سيارة أخرى وشمالي الرصيف فلا يوجد فرصة للمناورة
دوست فرامل لكن السيارة ظلت بسرعتها
زيت الفرامل بالتيل أمامي وخلفي بالعفشة كاملة متغيرين من أقل من شهر
المشكلة إني لما ادوس فرامل بالراحة العربية بتقف كويس
لما ادوس جامد الabs بيشتغل وبحس بيه في دواسة الفرامل لكن بالنسبة للعربية بتظل بسرعتها كأنك ما دوستش فرامل
دا معناه إن المشكلة بيعملها الabs
لمبة abs بتنور مع الكونتاك وبتطفي بعد ثواني
سرعة ال200 دي بمشي عليها على الدولي وأنا رايح مطروح وعلى طريق الجيش وانا رايح الصعيد
دا

اذا كان ذلك كذلك ,يبا الماستر العمومي بيهرب ,10m كافيه توقفك

**Ahmed abdkarim** · 06-01-2015 12:40 PM

المشاركة الأصلية كتبت بواسطة john55

وظيفته الاساسيه منع انزلاق العربيه وانت بتدوس فرامل يعني العربيه متزحف علي الاسفلت لكن ملوش علاقه بتقصير فتره ايقاف العربيه يعني حضرتك ماشي 200 عايز علي الاقل 10 متر علشان العربيه تقف مكانها انت حسبتها غلط مابين قوه السرعه وسرعه رد الفرامل للايقاف والحمد لله ان حضرتك سليم وبخير وشكرا

توضيح لحضرتك مسافة التوقف على سرعة 200 اكبر بكتير جدا جدا من 10 متر .

سرعة التوقف على سرعة 100 ك/ س هى 100 متر

**MACATHIUS** · 06-01-2015 12:53 PM

العربية اللى فيها ايه بى اس لو ضغط فرامل جامد و انزلقت ... الحساسات بتعمل على تشغيل الايه بى اس لاعتقادها كمنظومة انه هناك انزلاق نتيجة و جود زيت مثلا او رمل و بالتالى بتعمل غلق و فتح لنظام الفرامل فى صورة نبضات سريعة جدا لتضمن فرملة اكيدة رغم وجود الزيت او المزلق المفترض
فى حالتك دى انت دوست فرامل بقوة مفاجئة و طبعا الايه بى اس اشتغل و ضمن لك فرملة مؤكدة لكن مع مسافة اطول و ثبات .. بس النظام حتما شعر انه فيه انزلاق (جايز كان فيه رمل تحت العربية او الكاوتش انزلق لاى سبب)
للاسف دا عيب الايه بى اس
لو عربيتك مافيهاش النظام دا بالتأكيد كانت العربية هتكلبش فى الارض فى لحظتها
انا الموضوع دا حصل معايا بالظبط ... كنت مرة فرملت فجأة عشان ميكروباص وقف فجأة قدامى و دوست فرامل بسرعة العربية كان تحتها رمل و زحفت .. الغريب ان انا دوست بكامل قوتى لنهاية دواسة الفرامل و العربية مازالت تمشى ... شىء مرعب
المهم وقفت قبل الارتطام بملليمتر بالظبط سبحان الله
اللى كان جانبى قالى انا قولت احنا هنلبس اكيد
ربنا يعوض عليك

**فادى محمد** · 06-01-2015 01:48 PM

ربنا يخلف عليك يا شيخ..
امبارح كنت راجع من عندك من المنصوره بالليل علي طريق جمصه وهطلع ع الدولي واخدت مطب ارتفاعه 60سم . منهم لله اللي عاملينه..سرعتي قبل المطب ب15 متر تقريبا كانت 100 كم .اخدت المطب , دوست ع الفرامل لاخرها والاي بي اس اشتغل , لكن اضطريت اشيل رجلي من ع الفرامل اخر 2 متر علشان وش العربيه يترفع وماتتبهدلش من تحت. العربيه طارت في الهوا بشكل مرعب . وقولت العربيه دي اتقسمت نصين !!
الحمد لله ماحصلش حاجه .
الفايده ..
في الوضع ده لو مفيش اي بي اس وضغطت ع الفرامل ع الاخر, مع شويه تراب او رمل ممكن ظهر العربيه يلف وهي بتزحف وتطلع ع المطب بسرعتك بالجنب ! طبعا هتقلب في الحال. انما الاي بي اس بيحدد مسار العربيه حسب تحريكك للدركسيون او الحفاظ علي الاستقامه. وربنا الحافظ

**samaty** · 08-01-2015 09:33 AM

ربنا يستر طريقك يا فادي
ألف حمد لله على السلامة
جبت الاكصدام اللي قلت عليه
الراجل اصر على 1400 أخدته منه بالفوانيس بالبخاخات اللي بترش ميا على فوانيس النور
هجيب قربة فيات بموتور واركبها واحاول أشوفلها زرار في التابلوه أو أوصلها علي كهرباء موتور القربة بتاع الزجاج الامامي

**فادى محمد** · 08-01-2015 10:42 AM

ع البركه..
السعر كويس جداا
هتجيب اربه بتاعه الفيكترا بس الكبيره بتبقي ب2 موتور . المفروض واحد للزجاج الامامي والتاني للخلفي.بس انت هتوصل من موتور واحد اللي هو بروحين خرطوم هيروح للزجاج الامامي والخرطوم التاني هيروح للفوانيس . ولازم يكون عندك دراع المساحات اللي 2 اتجاه . تشده عليك يرش ع الازاز وتزقه للامام يرش ع الفوانيس .مش هنشغل الموتور التاني اللي في القربه لانه محتاج زرار لتشغيله ومحش عارف مكانه فين؟!
الموضوع ده عمله اخونا هشام في عربيته ربنا يبارك له ود خلاصه القول في تجربته..