الموضوع: تجربه 1000 كيلو للسوزوكي سياز ومقارنه ببعض السيارات

المشاركة الأصلية كتبت بواسطة simon659

في البدايه انا سعيد جدا بالعربيه دي جدا في ايام سعيده وكل عام وكل المصررين بخير بمناسبه المولد النبوي الشريف وعيد الميلاد المجيد وكل المصريين بخير .......
في البدايه ابن عمي نزل اشتري سياز زيرو تسليم فوري لون اسود ب129 الف وكلمني قلي وباركتله وهو من عادته انه يشتري عربيات غريبه وبصراحه هو بيطلع صح يعني العربيه الي فاتت معاه كانت عربيه شيفورليه سونك بجد عربيه رهيبه المهم كلمني علي السياز بعد ما اشتراها واحنا من الزقازيق ورحنا اسكندريه مسافه لا تقل عن 1000 كيلو رايح جاي ويومين هناك بصراحه العربيه جميله جدا بمقارنه بعربيات كتييييييييييييييييييييييي يير جدا وممتازه في التقفيل والماتور ناعم جدا والعفشه ممتازه وناعمه وبجد العربيه محترمه جدا وثابته جدا مع الاعتبار ماعدناش 110 بس جربتها علي دورنات وملفات علي كورنيش اسكندريه وكنت حاسس بالامان كل تعليقي عليها عربيه في فئه سعريه ضربه قاضيه للهيونداي اكسنت ولنيسان صني والبيجو 301 والكيا ريو والماتسوبيشي بوما عربيه ممتازه .....
ابن عمي ده عنده 25 سنه وبصراحه بحس انه ليه نظره وبيحس العربيه ومش بيجري ورا سوق الي وضع قوانينه ناس جهله كل همه وهدفه المكسب المادي وده الي انا متبعه في شرا سياره زي القرش 2008 كل الناس رفضتها وانا ركبتها ووقعت في غرمها ولما بعتها رجعت اشتاريتها 2014 تاني بس 1600 ولو رجع بيا الزمن هاجيبها تاني ...................
كلمه اخيره يا ريت يا جماعه الي معاه فلوس تعبان فيها يحطها في عربيه تستاهلها بجد انما مش حد يدحك عليه ويقله هيا سوقها كده الكلام ده بعيد عن العقل جدا واتمني الخير للجميع

هل فيه أخبار عن تجربتها؟

الموتور صيني على فكرة وبتعمله في الصين شركة شانجن بتوكنولوجيا سوزوكي من سنة 2005 وهو 107 حصان. ودي ميزة على عكس المتوقع مش عيب لأنها ساهمت في تخفيض تكاليف العربية بدون التنازل عن الجودة. انا ركبت العربية وهي واسعة بطريقة غير عادية وفخمة جدا بدون مبالغة بالنسبة للفئة السعرية وتوقعي انها حتزيد في السعر في حدود 10-15% في خلال وقت بسيط ولذلك تشكل استثمار كويس. اخيرا فصاجها رقيق بزيادة شويتين وده حيتلاحظ بمجرد انك تتعامل معاها بإيدك، او تفتح الباب وتقفله. الشنطة بحر ولو زيها تويوتا مش حتقل عن 150 الف.

المشاركة الأصلية كتبت بواسطة simon659

بصراحه يا جماعه هي ممتازه بالنسبه لسعرها جدا جدا وانا كا اجمالا انا جربت الريو كتير عربيه ممتازه بس استهلاك البنزين عالي مقارنه ب1400 يبقي السياز افضل وامكانيات اعلي
والبيجو فيها عيوب الفتيس والتكييف فتيس السياز انعم كتير بس بصراحه ماجربتش التكييف علشان الجو سقعه والعربيه كانت جديده وبرضو ماتورها انعم كتييييييييييير يا جماعه وعفشتها مش بتدب ولا بترزع
واعلي من الهيونداي وثابته عنها ببمراحل
بس بصراحه يا جماعه مقدرش اقيم الصاج الا لما تتحبط ويحصل حوادث لا قدر الله بس بصراحه انا جربت الفرامل علي فجئه كتييييييييييييير الabs ماتأخرش علي عكس الصني بجد زعلتني كتير علي فكره يا جماعه صفقه ربحانه جدا عربيه مريحه وجميله وشكلها تحفه من ورا وقدام والخلفيه بتاعتها تحفه تحفه تحفه مع ان ابن عمي جايبها لون اسود وانا بكرهه من عشاق اللون الابيض اتمني ان العربيه دي تاخد فرصتها ونبعد بقي شويه عن الكيا والهيونداي والاسعار المبالغ فيها دي الي يوصل الهيونداي النيو اكسنت اعلي فئه ل140 بجد حرام دا انا كنت جايب الشارك الي هي الصموله بيها كلها ب130 ودي فئه ودي فئه تانيه خالص

الف مبروك لابن عمك ربنا يكفيه شرها اانت بتقول البيجو انا مالك ل 301 وماعرفش ولا سمعت عن مشكلة الفتيس والتكييف محصلتش مع حد قولى انت سمعت اية ؟

انا متفق معاك جدا اتمنى العربية دى تحقق نجاح كويس ويبقى فيه منافسة وهى عربية كاملة من كل حاجة

المشاركة الأصلية كتبت بواسطة ahmedalian

الموتور صيني على فكرة وبتعمله في الصين شركة شانجن بتوكنولوجيا سوزوكي من سنة 2005 وهو 107 حصان. ودي ميزة على عكس المتوقع مش عيب لأنها ساهمت في تخفيض تكاليف العربية بدون التنازل عن الجودة. انا ركبت العربية وهي واسعة بطريقة غير عادية وفخمة جدا بدون مبالغة بالنسبة للفئة السعرية وتوقعي انها حتزيد في السعر في حدود 10-15% في خلال وقت بسيط ولذلك تشكل استثمار كويس. اخيرا فصاجها رقيق بزيادة شويتين وده حيتلاحظ بمجرد انك تتعامل معاها بإيدك، او تفتح الباب وتقفله. الشنطة بحر ولو زيها تويوتا مش حتقل عن 150 الف.

على فكره الموتور 92 حصان فقط ، وكلام الوكيل غلط