الموضوع: لكل الي مش عجبه مصر حل هيريحه ويريح

المشاركة الأصلية كتبت بواسطة إنسانة

مش كل دولة كتبت في دستورها إنها علمانية وديمقراطية تبقى علمانية وديمقراطية بجد ^^
لكن جميع الدول المتقدمة هي دولة علمانية و ديمقراطية
و السبب الحقيقي في تقدمها إن أنظمتها دي مش جامدة بتطور أنظمتها وفقا لتقدم الفكر الإنساني

ومين قال لحضرتك ان الدول العلمانية المتقدمة علمانية بجد
معظم الدول العلمانية المتقدمة دي دساتيرها بينص صراحة على أن المسيحية هي الديانة الرسمية للدولة وفي دول بتشترط إن الرئيس يكون مسيحي بل بعضهم بيشترط إنه يكون من طائفة معينة كمان ^^ زي القانون البريطاني اللي بينص على إن الملك أو الملكة لازم يكون بروتستاني وزي الدستور النرويجي اللي بينص على أن الإنجيلية اللوثرية ستظل الدين الرسمي للدولة ويلتزم السكان المعتنقون لها بتنشئة أولادهم بموجبها ...
الدول العلمانية المتقدمة دي بعضها بيحظر ارتداء الزي الإسلامي زي ما عملت فرنسا وبلجيكا وهولندا مثلا مع النقاب
العلمانية والديمقراطية ما هي إلا صنم عجوة العصر الحديث بيضحكوا بيه على عقول المغيبين بيطبقوه بمزاجهم لما يكون في صالحهم لكن لما يكون مش في صالحهم .. بياكلوه !
الإسلام لما كان بيتطبق صح ساد العالم كله وانتشر بأخلاق تجار المسلمين واتسعت رقعة الإسلام من أقصى الشرق لأقصى الغرب وظهرت العلوم الحديثة وقتها على يد علماء المسلمين اللي الدول المتقدمة دلوقتي عايشين على خيرهم في حين كانوا هما وقتها بيسموا العلم ده هرطقة وزندقة لكن المسلمين متخلفوش إلا لما تخلوا عن دينهم وبقوا بيلهثوا خلف الحضارة الأوربية المعاصرة فلا هم حصلوهم ولا حصلوا أجدادهم المسلمين الأوائل وصار همهم كله عايزين حرية ممارسة الشذوذ زي الدول المتقدمة ! عايزين حرية الدعارة والزنا زي الدول المتقدمة ! عايزين حرية الإلحاد زي الدول المتقدمة ! عايزين حرية اللبس والعري ولبس البكيني زي الدول المتقدمة ! هو ده مفهوم التقدم عند علمانيي وليبراليي بلاد الإسلام !

المشاركة الأصلية كتبت بواسطة إنسانة

فرنسا والنقاب سبق وتناقشت في القصة دي بالتفصيل : )
بريطانيا المنصب مجرد صوري والدولة علمانية
طيب أنا هقرأ عن النرويج وأبقى أقول رأيي بعد الإطلاع لإني معرفش حاجة عن النرويج

أنا عارف إن حضرتك هتقولي على بريطانيا المنصب صوري ^_^ عشان كده جبتلك النرويج
بس برده هل علم إنجلترا اللي عبارة عن صليب أحمر على خلفية بيضاء علم صوري واللي تم اعتماده منذ سنة 1188 منذ الحروب الصليبية حتى الآن على هيئة صليب القديس جرجس ؟! ليه لما هي دولة علمانية مغيرتوش ؟؟
وفنلندا وسويسرا والسويد وآيسلندا واستراليا والدنمارك ؟؟ هل صدفة إن كل الدول دي علمها على هيئة صليب ؟
وبرده قبل ما تبحثي عن النرويج بس ابحثي كمان بالمرة عن دستور الدنمارك اللي بيقول

"الكنيسة الإنجليكانية اللوثرية الدنماركية هي الكنيسة الرسمية في البلاد وبالتالي الدولة تؤيدها وتدعمها"
"الملك يجب أن ينتمي إلى الكنيسة الإنجيلية اللوثرية"

وبولندا اللي دستورها بينص على:

"The relations between the Republic of Poland and the Roman Catholic Church shall be determined by international treaty concluded with the Holy See, and by statute."

ولا آيرلندا ! اللي دستورها بيقول صراحة:

باسم الثالوث الأقدس المعظم، الذي منهم كل السلطة وإليهم -كنهايتنا- كل أعمال الرجال والدولة تقدم إليهم ،
ونحن، شعب أيرلندا ،
اذ نعترف بتواضع بجميع التزاماتنا لدينا للرب إلهنا، يسوع المسيح ، الذي أعان آباءنا عبر قرون من المحاكمة ،
تذكر بإمتنان نضالهم البطولي وحثيثهم لاستعادة الاستقلال الشرعي لأمتنا، وسعوا إلى تعزيز الصالح العام ......... الخ.
جميع سلطات الحكومة، التشريعية والتنفيذية والقضائية، تستمد قواها، تحت الرب ، من الشعب، الذي من حقه أن يعين حكام الدولة ........

وإسرائيل دولة علمانية برده عند حضرتك ملهاش دعوة بالدين وبتمارس حقوق العبادة وكده ؟

ها .. يا ترى الدول المتقدمة دي لسة علمانية والدول العلمانية المتخلفة لسة مش علمانية بحق وحقيق عشان كده لسة متقدمتش ؟!

المشاركة الأصلية كتبت بواسطة إنسانة

ولحد ما أفهم قصة النرويج وهل هي دولة دينية مسيحية أو دولة علمانية
من فضلك بس عايزة أعرف أسماء العلماء المسلمين وفي أي فترة ظهروا

أما باقي الكلام فأعذرني مش هدخل نقاش بشأنه من الأساس

بخصوص علماء المسلمين فسهل جدا بضغطة زرار تعرفي كل حاجة عنهم لو لسة حضرتك مش واخدة بالك يعني إن المسلمين كان منهم علماء وكده مكنوش كلهم بيرعوا الغنم في البادية !
بس على كل حال ده لينك كبداية وشوفي حضرتك بتعرفي تعدي لحد كام
ملحق:قائمة العلماء المسلمين - ويكيبيديا، الموسوعة الحرة

أما باقي الكلام اللي حضرتك مش عايزة تردي عليه فيكفيكي نظرة سريعة في ملتقى من ملتقيات الليبراليين والعلمانيين العرب لتتأكدي أن غاية طموحهم ومنتهاه هو اللي بقولك عليه ده لو حضرتك مش مصدقاني يعني
وللحديث بقية بس لما تقتنعي إن الليبرالية والعلمانية مش هي السبب في تقدم الدول المتقدمة حاليا لأن هذه الدول في الحقيقة دول دينية بشكل أو بآخر نصوا على ذلك أم لم ينصوا وأن مسألة فصل الدين عن الدولة تماما دي أكبر خديعة في العصر الحديث المقصود منها عزل الإسلام فقط عن الدول والأفراد لكن محدش هيقدر يعزل لا المسيحية ولا اليهودية عن الدولة والأفراد واللي بيدعي ذلك فهو كاذب ومضلل

المشاركة الأصلية كتبت بواسطة mecha

حضرتك جايب الاراء دي منين ,انت عشت هناك
كل اوروبا وامريكا وكندا واستراليا ونيوزلندا علمانيه ,يعني فصل تام بين الدين والحكم ,اي حد في منصب ديني ملهوش اي سلطة كانت في حياة الناس .الكنائس هناك بتتهجر وتتباع وتتفتح خمارات وناس بيشتروها ويقلبوها مسجد او مشروع وشفت الكنايس بيتحايلوا ع الناس تحضر العبادات .ومين الرئيس يبا مسيحي دا كلو بالاسم زي ثقافه .تراث كمان الملك مبيحكمش حاجة كدا. السلطات مع رئيس الوزرا المنتخب.الدستور الامريكي من القرن 18 فصل الدين من السلطة تماما.وكل اللي بتشوفه مظاهر وقبول شخصي .البابا بعد ما كان عنده جيوش ويتوج الملوك .آخره ميدان بيسموه مدينة الفاتيكان وسلطه روحيه غير ملزمه.واهه العلمانيين دول بيقبلوا مسلمين عندهم ويمارسوا شعائرهم بمنتهي الحريه .العلمانيه فيها اعبد كما تشاء ودع الاخرين

حضرتك أنا مجبتش كلام من عندي أنا ناقل النصوص من دساتيرهم وممكن حضرتك تراجعها بنفسك
موضوع الكنايس بتتهجر وبتتحول مساجد ده موضوع تاني متعلق بمدى شعبية المسيحية مقابل شعبية الإسلام في المدينة اللي الكنيسة بتتهجر فيها وفي إحصائيات ممكن أي حد يراجعها برده بانحسار المسيحية شيئا فشيئا في أوروبا مقابل زيادة في عدد المسلمين
لكن احنا بنتكلم دلوقتي عن مسألة هل الدول المتقدمة دي علمانية فعلا زي ما بيتقال ولا قوانينهم ودساتيرهم بتنص على خلاف ذلك لأن في ناس معينة عايزة توصلنا الفكرة دي علشان يسلخونا احنا عن ديننا وهويتنا بزعم إن الدول المتقدمة متقدمتش إلا بالعلمانية ! وأن ده السبيل الوحيد للتقدم ! على أساس أن أجدادنا الأوائل اللي سادوا العالم كانوا علمانيين !

المشاركة الأصلية كتبت بواسطة Mecha

كل دساتير العالم المتقدم دا علمانيييييييه بحته ,فصل كامل للدين عن الدوله,واهو شفنا يهود بيترشحوا لرئاسة امريكا ونصوص الدين شكليات وتراث . عشان كدا سالت حضرتك عشت هناك ,عشان هتشوف الفصل دا بعينك في الحياه اليوميه.العلمانيه لاتعني الغاء العبادات او الانسلاخ من الدين بل العكس تنص علي حرية الناس في ممارسة شعائرهم ايا كانت.
ولكن فصل الدين عن الدولة.
محدش قال ان اجدادنا او الحضارة الاسلامية كانت علمانيه .خطأ شنيع.الحضارةالاسلاميه اساسها عقيدة الاسلام كما هو مؤكد وسادت لحوالي تسع قرون -ارجو التصويب.واضمحلت وانتهت
الحضاره العلمانيه الحاليه اللي بزغت في القرن 15 وتبلورت في القرن 18 فلسفتها فصل الدين وتحرير العقل واهي بتاخد يومينها.
الحضارات زي الموضه كل واحده بتصميم واسس مختلفة ولازم ييجي يوم وتضمحل وتنتهي وتبزغ اخري .ودي دورة التاريخ وطبعا كلام فوكوياما وهنتنجتون ثبت خطآه بشهادة الغربيين ومفيش شئ دائم غير الخالق

متفق مع حضرتك في معظم الكلام
لكن بخصوص فصل الدين عن الدولة فدساتير بعض الدول دي بتكذب الموضوع ده والدين عامل أساسي عندهم زي ما قلت لحضرتك قبل كده وممكن تقرأ المشاركة دي
http://www.nilemotors.net/Nile/3875867638-post124.html