انا بكلم بصفة عامة تماما ............ رغم انى جيت الموضوع متأخر
بدون مقدمات ........... فيه حاجة او حجات غلط حصلت فى تفسير الدين الأسلامى السنى على مدار الزمن خصوصا فى العصور الوسطى و المتأخرة
انا مش شيخ ........ بس النتيجة النهائية المرئية العقلية اللى قدامى بتقول كده ببساطة
اتباع الدين الأسلامى السنى ......... هما الوحيدين على مستوى العالم اللى بتظهر فيهم مجموعة مسلمين سنيين ...... يكفروا مجموعة مسلمين سنيين تانيين و يستبيحوا دمهم و ارواحهم و اموالهم و ممتلكاتهم
الدين الأسلامى السنى هو الدين و المذهب الوحيد اللى فيه بعض اتباعه بيكفروا اتباع نفس الدين و المذهب و بيقتلوهم
فى المسيحية مثلا .......... الكاثوليك كانوا بيحاربوا البروتستنت و يموتوا بعض ......... بس ده مذهب او طائفة و ده مذهب او طائفة تانية ......... فى الهند مثلا لما الهندوس كانوا بيحاربوا المسلمين
تفضل تدور ماتلاقيش حد تانى كان بيعمل كده غيرنا فى الدنيا
و لما تتكلم مع حد من الناس ديه .......... يرصلك ادلة و احكام و فيديوهات لمشايخ كبار بيحللوا القتل و الأرهاب و استباحة الدماء و الممتلكات ........ و لو اتنقشت معاه اكتر يوصلك لمرحلة انك مش حتكون مؤمن بدينك و عقيدتك مش سليمة لو ما صدقتش كلامه و ادلته و اخدت نفس مواقفه
فيه خطأ ما فى تفسير القرأن او يمكن فى نقل السنة او فى استنباط الأحكام هو اللى وصلنا للى احنا شايفينه دلوقتى ........... ازاى رسول الله سيدنا محمد اشرف الخلق و الرحمة المهداة صل الله عليه و سلم ........... كان يحمل هذه الأفكار الدمويةالوحشية ؟؟؟!!!! انا مش مصدق الكلام ده ابدا
فيه حاجة غلط ........ فيه جزء من فكر الخوارج زى التكفير بالمعصية و تطبيق ايات من القرأن الكريم نزلت فى كفار قريش على المسلمين والأستهانة بأرواح الناس فى سبيل القضية الكبرى ....... الجزء ده تسرب بشكل او بأخر الى كتب الفقه و التفسير و الأحكام و الفكر الأسلامى السنى بشكل عام
و ده نتيجته اللى احنا شايفينه دلوقتى .......... داعش و جبهة النصرة و قبليهم القاعدة و التكفير و الهجرة و الرافد المتجدد الأخوان المسلمين
ديه مش دعوة للنقد و لا النقض .......... ديه دعوة للتفكير .......... على ماذا يستند الناس اللى بتكفر و تقتل المسلمين السنيين اللى زيها و هى بتقول "هى لله"
فيه حاجة غلط !!!!!!
المفضلات