الموضوع: عايز اعرف رائيكم في حاجة مهمة بخصوص مستقبلي !

عندك ٢٠ سنه و عايز تخطب ؟
مينفعش تخش بيت الا و انت واقف علي ارض صلبه من حيث الشغل و الشقه
و بعدين انت لسه هتقابل بنات كتير فبلاش استعجال احسن
و برضه انت لسه مش فاهم الحياه العمليه عامله ازاي في البلد دي
بلاش تدبس نفسك في حاجه لأن ممكن يجيلك شغل بره مثلا و متعرفش تسافر بسبب انك مرتبط

المشاركة الأصلية كتبت بواسطة mohamedftw

أنا طالب في كلية ألسن في سنة 2 .. و الحمد لله الشقة بتاعتي موجودة هي علي الطوب دلوقتي و مش هدخل جيش .. عايز أعرف وجهة نظاركم .. أخطب زملتي و أنا في سنة 3 و اتجوز لما اخلص علي طول ... ولا اتجوز و أنا عندي 25 سنة مثلا أفضل ؟ بس في الحالة دي مش هقدر أعلق او اربط اي بنت بيا في فترة الجامعة .. مع اني بحب البنت دي .. مع العلم ان اهلي هيساعدوني في موضوع الجواز علشان أنا الولد الوحيد ؟

لو عندك امكانية انك تصرف على البيت اتجوز دلوقتى قبل بكرة لانه استقرار نفسى كبير
ان شاء الله ربنا يكرمك تعرف تشيل عيالك و يطول فى عمرك و تشوف احفادك ....دى نقطة
البشر مش سوق نعرف ننقى منه أقصى ما هنالك ننقى باللى ظاهر امامنا

لو قادر دوس لأن الحاجه الكويسة ما بتستناش و بعدين فى عصر الاندرويد و التابلت صعب تلاقى بنت مأنتمتش مع حد قبل كده و كان ليها تجارب عاطفيه مع موجه الانحلال الاخلاقى فى البيوت حاليا
خلاصه الموضوع الى انا فعلا بمر بيه دلوقتى فرصتك الوحيده انك تاخد زى ما انت بتتمناه هو و انت صغير كل ما بتكبر كل ما الموضوع بيبقى اصعب 25 لو ما خطبتش هيبقى الموضوع اصعب لأن هتلاقى الى فى سنك الكويس فيهم اتجوز و الى فى السن الاصغر 20..21 بيبقى مأنتم ومصاحب و مش هتعجبه لأن البنات دلوقتى بتصاحب من سن 18...19 بالكتير

المشكلة ان نظرتك دي هتتغير قدام
وهتقول ان تعجلت ولكن بردوا الله اعلم الخير فين

اخطب دلوقتى واتجوز اما تتخرج وادام شوية ابقى اتجوز تانى

بص ياكبير انت أدرى بنفسك !!
بمعنى إنه لو انت من النوع اللي بيرضى باللي معاه مش بيبص لغيره إتجوز بعد ما تخلص على طول وأهلك هيساعدوك كدة كدة وبعد الجواز هتبدأ تدور على شغل أو تفتح مشروع لنفسك وانت أنجزت إنجاز كبير اللي هو الجواز وده هيساعدك كتير ف انك توفر لأسرتك !!

بس الجواز ف سن صغير مبحبذوش للرجالة عامة