الموضوع: Business Insider: مصر سابع أرخص دولة في العالم من حيث تكاليف المعيشة

المشاركة الأصلية كتبت بواسطة أبو آسر

أيوة تمام آسف أنا اللي فهمت غلط إن مصر رقم 24 في متوسط دخل الفرد مش في الدخل القومي
لكن فعلا رقم 92 متدني جدا في متوسط دخل الفرد ومفيش دولة معتبرة تحتنا مع إننا مصر أم الدنيا حضارة 7000 سنة :)

باستثناء الهند بعدنا والصين في نفس المستوى تقريبا

أنا معاك في دي

بس برضو لو كان عدد سكاننا فضل ثابت زي ماحنا سنة ١٩٨٠... كنا هنبقى في نفس متوسط دخل أسبانيا أو البرتغال :))

المشاركة الأصلية كتبت بواسطة ainshouka

دا كان يعتبر ميزة كبيرة جدا لأى مستثمر خارجى انه ييجى يستثمر فيها لقله التكاليف
بس طبعا الفساد اللى مالى البلد ضيع علينا الميزة دى

سعر الاراضى فى القاهرة الجديدة .. المتر بـ 4 آلاف جنيه للمصريين و بـ 300 جنيه للإماراتيين
امال انتو هتاخدوا الملابس المستعمله مجاناً !!!

علي فرض ان العيشه في مصر رخيصه مع انها مش رخيصه و في ناس بتاكل من الزباله بس همشي مع الفرضيه دي

احنا بناخد خدمات قذره في مقابل العيشه الرخيصه الوهميه دي

احنا بنمشي علي مدقات مش اسفلت بتاع بني ادمين بس العيشه رخيصه

ده مجرد مثال

نيجي بقه للواقع المرير

شقه في مكان قابل للسكن مش هتقل عن 400 الف جنيه يعني اكتر من 50 الف دولار

عربيه خامات تعبانه تقفيل مصري هتخش في ال 90 الف جنيه دلوقتي يعني اكتر من 12 الف دولار

قال العيشه رخيصه :))))

المشاركة الأصلية كتبت بواسطة باسم يوسف

علي فرض ان العيشه في مصر رخيصه مع انها مش رخيصه و في ناس بتاكل من الزباله بس همشي مع الفرضيه دي

في ناس بتاكل من الزبالة في العالم كله وفي أوروبا وفي أمريكا زي هنا بالظبط

المشاركة الأصلية كتبت بواسطة باسم يوسف

احنا بناخد خدمات قذره في مقابل العيشه الرخيصه الوهميه دي

أنا معاك في دي... الخدمات العامة سيئة

بس برضو أحيانا بعض الخدمات الأخرى هنا بتبقى كويسة وزي برة لكن أرخص بكتير

عشان كده ممكن تلاقي واحد جاي مصر مخصوص يعمل ليزك مثلا

المشاركة الأصلية كتبت بواسطة باسم يوسف

احنا بنمشي علي مدقات مش اسفلت بتاع بني ادمين بس العيشه رخيصه

معاك في دي مفيش كلام.... بس برضو خلي بالك ان بره في بعض الدول بيدفع ضرايب قد تصل لـ ٦٠٪ من مرتبه عشان يحصل على خدمة نضيفة أو طريق متسفلت.... لكن ده برضو لا يبرر سوء بعض الخدمات

المشاركة الأصلية كتبت بواسطة باسم يوسف

شقه في مكان قابل للسكن مش هتقل عن 400 الف جنيه يعني اكتر من 50 الف دولار

رخيصة جدا جدا جدا جدا بالنسبة لأي دولة تاني في العالم

كمثال في لندن على أطراف المدينة الشقة المتر بـ ٥ آلاف جنيه استرليني وفي وسط المدينة الضعف

http://www.numbeo.com/cost-of-living...om&city=London

يعني الشقة الـ ١٠٠ متر في لندن تقف عليك بحوالي ٦ مليون جنيه في العبور و الضعف يعني ١٢ مليون جنيه في مدينة نصر :)))

عشان كده مفيش حد هناك بيشتري شقق أصلا كله ايجار.... تخيل لو الشاب البريطاني مطلوب منه يحوش ويشتري شقة بـ ٦ مليون عشان يتجوز... عشان كده كمان مفيش حد بيتجوز بره أصلا :))

في الكويت ايجار الستوديو ١٥٠ دينار أقل حاجة يعني ٣٨٠٠ جنيه

في دبي ايجار السرير (مش الأوضة وأحيانا سرير علوي) ١٠٠٠ درهم

المشاركة الأصلية كتبت بواسطة باسم يوسف

عربيه خامات تعبانه تقفيل مصري هتخش في ال 90 الف جنيه دلوقتي يعني اكتر من 12 الف دولار

دي معاك حق.... هي مصر رخيصة في كل حاجة ماعدا العربيات وبعض الالكترونيات (مش كلها) زي الموبايلات

لكن في المقابل الدول اللي فيها زحام مروري زي مصر بتعمل بعض القيود... زي مثلا في المكسيك بعض الألوان أو النمر مسموح لها تمشي في العاصمة بعض ٣ أيام في الأسبوع والألوان الباقية باقي أيام الأسبوع

وفي ماليزيا أو اندونيسيا أظن في عدد محدد من السيارات مسموح بشرائه سنويا داخل كل مدينة

في مصر القيود دي مش موجودة لكن في جمارك لأنه لو قللها هيبقى في اقبال أكبر على السيارات

عموما كده كده الجمارك هتتلغي عالأوروبي في خلال ٥ سنين

المشاركة الأصلية كتبت بواسطة amrelsha3er

العربيات غاليه نظرا لموضوع الجمارك البائس
الرجل صاحب الموضوع يجماعه قصدو حاجه تانيه
طبعا خدمات البلد منيله واسفلت منيل وده يتعاب عليه من الاداره او الحكومه
انما الرجل بيقول من ارخص الدول اللى تعرف تعيش فيها وده ملموس لاى حد سافر بره
حتى الشقه اللى انت بتقول عليها حضرتك ب 400الف بره فى دوله زى المانيا ب 200الف يورو و 150الف يورو
ربنا يصلح حال بلدنا رغم الادراه الفاشله اللى ماسكاها

الهدف من الموضوع ببساطة ان في ناس عاوزة تهاجر برة وخلاص

الهجرة نفسها مش غلط ولا يقلل من من وطنية أي حد في شيء

لكن مش هجرة في أي حتة ولآي حاجة وخلاص

يعني لازم يكون في هدف أو في فرصة حلوة متترفضش أو مرتب عالي ويكون مخطط هيعمل ايه هناك

أنا اتكلمت مع ناس كتير أجانب والدنيا يعني عندهم مش الجنة زي ماحنا متخيلين.... ولا هما مبسوطين... ولا بيمشوا في الشارع يغنوا الحياة لونها بمبي

وفي كتير في أمريكا أو أوروبا لو سألتهم حلم حياتهم انهم يشتغلوا في دبي.... وفي دول زي أوكرانيا مثلا نفسهم يعيشوا حتى لو في مصر

تاني مبدأ الهجرة مش غلط ومش عيب.... لكن العيب في اللي عاوز يهاجر ويشتم في البلد وفي أهلها ويقولك "ربنا أخرجنا من هذه القرية الظالم أهلها" على أساس يعني انه مهاجر من مكة للمدينة.... وهو أصلا بنسبة ٩٩٪ مهاجر لدنيا يصيبها أو امرأة ينكحها