استفسار عاجل بخصوص البنك

**Ahmed abdkarim** · 18-01-2015 09:31 AM

السلام عليكم ورحمه الله

والدى توفى و عنده مبلغ فى البنك و بينزل له ارباح فى حسابه الجارى .

اعلام الوراثة بيطلع بعد حوالى شهرين او تلاته .

الحمد لله انا و اخواتى و والدتى متفقين جدا جدا مع بعض فهل ممكن استمر بسحب الارباح كل شهر بالكارت بعد الوفاة ولا لازم اوقف الحساب . وهل لو حصل سحب بعد الوفاة برضاء الوثه ولم يعترض احد منهم يبقى عادى ولا الحساب بيكون حاجه شخصية . الرجاء الرد فى اسرع وقت

**amr011111** · 18-01-2015 09:49 AM

أولاً البقاء لله
ثانياً انت تقدر تسحب عادى جداً طالما متفقين كلكم وضامن ان محدش هيشتكى
والأفضل انك تسحب المبلغ كله ( لو تقدر تسحبه على كذا يوم او لو معاك توكيل ) وتوزعوه على حسب شرع الله

**medo_31** · 18-01-2015 10:03 AM

مكن تسحب عادي بس لازم تاخد منهم ورقة موقعة بخطهم تفيد استلامهم لنصيبهم من الارباح ( ضروري جدا) حتى ولو كنتم متفقين وكويسين مع بعض دي حاجة مش عيب وللضمان مش أكتر - النفوس بتتغير في ثانية -

**dedi** · 18-01-2015 02:35 PM

واضح من كلامك انة شهادات وطبعا لو كسرتهم هاتخسر كتير ممكن تسيبهم زى ماهم والارباح تقسم حتى تاريخ الاستحقاق
ياريت تكتب كل شئ للزمن وللتذكرة

**dede_dodo88** · 19-01-2015 02:46 AM

الموضوع ده محتاج فيه أستشارة قانونية..
أوعى تتصرف في الفلوس قبل ما تعرف التصرف القانوني, الحاجات دي مبتمشيش ودي حتى لو الورثة متفقين..
على حد علمي, بس متاخدش بكلامي لأني مش واثق 100%,, أن التوكيل كده سقط بوفاة الموكِل, و الحساب المفروض يتجمد و محدش يقدر يتصرف في الفلوس غير بأعلام الوراثة, أظن برضه لو الفلوس مربوطة في وديعة أو شهادة فهتتكسر عشان يتم توزيعها على الورثة..