الانسجنيا بعد استخدام ٦ أشهر و ١٦٠٠٠ كم

**ahabhady** · 23-03-2015 01:22 PM

سؤال للاستاذ أحمد فهمي حضرتك مشرف قسم اوبل وبصراحة ردودك تقول انك شخص فاهم ومحترم بس انت دلوقتي قلقتني من العربية وانا كنت ناوي اشترى ومستني اشوف آخر المناقشات ايه فمن فضلك لو عندك اي معلومات قولهم بسرعة لأنك شوقتنا

**احمد فهمى** · 26-03-2015 10:08 AM

المشاركة الأصلية كتبت بواسطة ahabhady

سؤال للاستاذ أحمد فهمي حضرتك مشرف قسم اوبل وبصراحة ردودك تقول انك شخص فاهم ومحترم بس انت دلوقتي قلقتني من العربية وانا كنت ناوي اشترى ومستني اشوف آخر المناقشات ايه فمن فضلك لو عندك اي معلومات قولهم بسرعة لأنك شوقتنا

الموجود كتير والمشاكل اكتر بس انا بجهز موضوع موثق وداخل في جهات رسميه وتوثيقات ولجان وتواريخ

انا افضل اتكلم بدلائل موثقه فضلآ عن الكلام اللي يحتمل التشكيك والهدف هو حماية المستهلك من استهتار الوكلاء وارشاد الوكلاء لحفاظهم علي العميل اللى هو فاتح بيتهم اصلآ وصبرآ انا مش هكتب كلمه الا موثقه للأمانه ...

**zarkoor** · 29-04-2015 06:12 PM

المشاركة الأصلية كتبت بواسطة Abdo Taha

هما بيقولو انهم غيرو كود الموتور بالفعل بس انا معرفش من الموتور ده غير نسختين

النسخة اللي نزلت عندنا ال 170 ال a16xht

و النسخة الرياضية 200 حصان a16sht

اللي اعرفه مؤكد انهم غيرو البوجيهات تماما ب ngk

و عملو remap للموتور او قللو ضغط التربو بس مظنش ان في حاجة اتغيرت في الموتور من مكونات ميكانيكية

و ادينا هنشوف الايام الجاية ال 2015 هتعمر و لا لأ

اللي متأكد منه و ده مش من التوكيل ان كل الموديلات الجديدة اللي نازلة ب 1400 تربو مش هتواجه مشاكل لأن نسبة انضغاطة مش عالية 9.5:1 و للعلم الموتور ده متوافق انه يتحطله غاز طبيعي بس ساءل
زي الميريفيا و الموكا و ال gtc

الادم و الكورسا نازلين بموتور عادي 1400 يولد 100 حصان

الكسكادا هى اللي نازلة بموتور الانسجنيا

انا اسف اني بحشر مناخيري علشان انا من قسم ال BMW
حبيت بس اصلح حاجة صغيرة ... نسبة الانضغاط زي ما حضرتك ذكرت هى النسبة بين حجم الهواء ما بين نقطتي حركة البستم ... لكن مع وجود التربو بيظهر حاجة تانية اسمها ال boost
وده نسبة الانضغاط الفعلية وبتتقاس بوحدة ال PSI
درجة الboost بيحدده تصميم التربو وكذلك قطر البستم
بتظهر مشكلة تانيه ان الهواء بعد الانضغاط حرارته بترتفع لدرجة عاليه ممكن لوحدها تخلي البنزين يشتعل لوحده حتى لو الاوكتين مظبوط
طب ايه اللي يخلي عربيتين تربو ليهم نفس نسبة الانضغاط واحده منهم ممكن تشتغل ببنزين 92 زي bmw و التانيه لازم بنزين95 زي المرسيدس السبب هوه نسبة ال boost وكمان انهم بيركوبوا intercooler وده وظيفته ينزل درجة حرارة الهواء قبل ما يدخل السلندر
عشان كده تلاقى فى ال bmw راكب intercooler وبكدة ممكن تشتغل بنزين 92 علشان كدة بيكون المحرك ثمنه اغلي

اشكركم

**احمد فهمى** · 30-04-2015 01:43 PM

بعيدآ عن الفنيان هنعتبر نفسنا ملناش علاقه بالعربيات هل اوبل فيها عيوب ؟؟؟ نعم
هل فى مواتير باظت واتغيرت لعربيات مكملتش 20 الف كيلو ؟؟؟ نعم
هل فى مشاكل فى تسقيف وكاتمه للعربيه ؟؟؟ نعم
الوكيل مستهتر وبيعامل الملاك على انهم سواقين عندو ؟؟؟ نعم
اوبل بتعانى من مشاكل من اول الفيكترا سي واسترا اتش ؟؟؟ نعم
تجارب الاعضاء مع الانسيجنيا وبخاصة الموضوع ده سلبيه ؟؟ نعم

ايه المطلوب تانى عشان نعترف ان فى مشاكل؟؟؟

**Abdo Taha** · 30-04-2015 10:52 PM

المشاركة الأصلية كتبت بواسطة zarkoor

انا اسف اني بحشر مناخيري علشان انا من قسم ال BMW
حبيت بس اصلح حاجة صغيرة ... نسبة الانضغاط زي ما حضرتك ذكرت هى النسبة بين حجم الهواء ما بين نقطتي حركة البستم ... لكن مع وجود التربو بيظهر حاجة تانية اسمها ال boost
وده نسبة الانضغاط الفعلية وبتتقاس بوحدة ال PSI
درجة الboost بيحدده تصميم التربو وكذلك قطر البستم
بتظهر مشكلة تانيه ان الهواء بعد الانضغاط حرارته بترتفع لدرجة عاليه ممكن لوحدها تخلي البنزين يشتعل لوحده حتى لو الاوكتين مظبوط
طب ايه اللي يخلي عربيتين تربو ليهم نفس نسبة الانضغاط واحده منهم ممكن تشتغل ببنزين 92 زي bmw و التانيه لازم بنزين95 زي المرسيدس السبب هوه نسبة ال boost وكمان انهم بيركوبوا intercooler وده وظيفته ينزل درجة حرارة الهواء قبل ما يدخل السلندر
عشان كده تلاقى فى ال bmw راكب intercooler وبكدة ممكن تشتغل بنزين 92 علشان كدة بيكون المحرك ثمنه اغلي

اشكركم

اهلا بيك يا باشا

هو المفروض اي عربية تربو بيبقى راكب عليها intercooler اصلا لأن لو الهوا دخل سخن هيكتم الموتور و يسخن جدا و كثافة الاكسجين هتبقى تعتبر قليلة بالنسبة لهوا بارد كثافته اعلى و بالتالي كثافة اكسجين اعلى ، و الله اعلم

**Omar Sarray** · 01-05-2015 06:03 AM

معلش ربك سترها المره دى هيا بيجو والاوربى عامه بقى لازم بنزين 95 عشان نسبه قوه وضغط المحرك عالى فلازم بنزين محترم بعد كده حاول تقول 95 فى مكان قريب منك لو لقيت المهم انك بخير متزعلش نفسك بس معلش

**zarkoor** · 01-05-2015 10:17 AM

المشاركة الأصلية كتبت بواسطة Abdo Taha

اهلا بيك يا باشا

هو المفروض اي عربية تربو بيبقى راكب عليها intercooler اصلا لأن لو الهوا دخل سخن هيكتم الموتور و يسخن جدا و كثافة الاكسجين هتبقى تعتبر قليلة بالنسبة لهوا بارد كثافته اعلى و بالتالي كثافة اكسجين اعلى ، و الله اعلم

للاسف اغلب العربيات التربو اللى فى مصر ومنها المرسيدس c كلاس مفيهاش انتركولر
حضرتك ممكن تشوف ده بكل وضوح
حتمشى ورا خط سحب الهوا من اول فلتر الهوا ومنه الى التربو ومنه مباشره على المانفولد
الانتركولر ده حاجه زي سربنتينه التبريد وفى اغلب العربيات الصالون بيكون خلف الشبكة الاماميه
عشان كده سهل جدا تشوف خط الهوا رايح الاول ناحيته وبعدين يرجع على المانيفولد
الانسيجنيا اللي فى مصر مفيهاش

تحياتي

-

الموضوع: الانسجنيا بعد استخدام ٦ أشهر و ١٦٠٠٠ كم

LinkBack

أدوات الموضوع

عرض

-

-

-

المواضيع المتشابهه

استخدام الموتور فلاش قبل استخدام مرممات زادو ضرورى ؟؟

التكييف في الانسجنيا

ضغط الهواء كاوتش الانسجنيا

تجربة قياده الانسجنيا opc من الامارات

مساعده بخصوص الانسجنيا

الكلمات الدلالية لهذا الموضوع

المفضلات

المفضلات

ضوابط المشاركة