الموضوع: تجربة سيئة لشراء سيارة نيون 97 للمتابعه

بسم الله الرحمن الرحيم
فى البدايه احب ان اسجل كامل تقديرى للمعلومات القيمه التى يجدها كل باحث عن مشكله او معلومه لنوع معين من السيارات ..
واليوم هو اول مشاركه لى فى هذا المنتدى وشجعنى على هذا الموضوع الخاص بنيون 97
الامانه فى البيع والشراء وعدم التدليس ليقع المشترى فى فخ شراء سياره مضروبه
منذ حوالى الشهر قرات اعلان على دوبيزل وفور سيدان عن بيع سياره كرايسلر نيون 2000 فى اكتوبر -صاحبها دايما بيقول كل اللى فيها مساعد خلفى شمال عايز يتغير - وللاسف الشدييييييييييييييييييد بعد الفصال وصلنا الى 40000 جنيه بدلا من 43000 ثم جاء يوم الكشف فى البنزينه فى توتال عند ميدان الحصرى وكانت المفاجاه؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
السياره عباره عن منظر ليس اكثر . الحوض ملحوم من كذا مكان - الدريكسيون جايب زيت من كل حته -المساعدين كلهم تقربيا نسبتهم 60 فى المائه - المقصات والبلى حدث ولا حرج - ضفيره الكهرباء متلصمه -
الفتيس ماشى بالعافيه وبيجيب زيت .
اما الموتور 65 فى المائه ............. ؟؟؟؟؟
كان يوم غريييييب . دفعت حوالى 500 جنيه فىه . البنزينه 250 كشف كامل وكمييوتر والمحامى اللى جبته معايا علشان نخلص كل حاجه وطبعا افطار ثم غداء .
والمصيبه ان صاحب العربيه لسه بيعمل اعلانات ليها مره على اساس انه فى وسط البلد ومره فى حلوان وكذا مره فى اكتوبر ..............
والله حرام ناس زى دول لازم يتكشفوا علشان ده نصب و غش .
حبيت انقل الموقف زى ما حصل لتحذيرمن يحاول شراء مثل هذه السياره

اقسم بالله العربية النظيقة مش محتاجة شرح :)

يا شباب محنا اولنا لو ركبت العربيه ومرتحتش حتي لو للدواسات سيبها علطول

انت كده خوفتني علي فكره .........
انا لسه مشتري عربيه امبارح من واحد في اكتوبر وكان عارضها ب 36 فعلا ....
بس دي لونها نبيتي وفبريكا بره وجوه !!! هيا دي الي حضرتك تقصدها ؟؟

المشاركة الأصلية كتبت بواسطة mmw100100

هى العربية الى بتقول عليهاالى لونها زيتى و الفوانيس الى ورا "بلاستيك احمر" اصل انا بشبة اصلا على العربية دى و تفريبا صاحبها رفيع كدة و بنظارة العموم انا شوفت العربية دى فى صقر قريش كنت عند الكهربائى و كان مش عارف حاجة فى اى حاجة و "لايص" على الاخر لانة دخل بالعربية فى كوم زبالة فى الشارع و كان فى وسط الزبالة "حجر" الكبير بتاع الرصيف و ساعتها الكهربائى قالو انت عاوز شورت بلوك. والعربية اصلا متهانة جدا جدا و ميندفعش فيها [gdwl]5000 جنية [/gdwl]

هى فعلا العربية بالوصف الى حضرتك قلت عليه بس الراجل الى بيبيعها تخين شويه واعتقد انك شفت الشاب المالك القديم للعربية وفعلا عربيتة دخلت فى حجر من تحت وعلى ما اذكر انى لما اتصلت بالمالك القديم قالى انه عمل عمره للموتور بس لحظه الكشف فى البنزينه العربية جايبه زيت من كل حته

المشاركة الأصلية كتبت بواسطة lion7777

بسم الله الرحمن الرحيم
فى البدايه احب ان اسجل كامل تقديرى للمعلومات القيمه التى يجدها كل باحث عن مشكله او معلومه لنوع معين من السيارات ..
واليوم هو اول مشاركه لى فى هذا المنتدى وشجعنى على هذا الموضوع الخاص بنيون 97
الامانه فى البيع والشراء وعدم التدليس ليقع المشترى فى فخ شراء سياره مضروبه
منذ حوالى الشهر قرات اعلان على دوبيزل وفور سيدان عن بيع سياره كرايسلر نيون 2000 فى اكتوبر -صاحبها دايما بيقول كل اللى فيها مساعد خلفى شمال عايز يتغير - وللاسف الشدييييييييييييييييييد بعد الفصال وصلنا الى 40000 جنيه بدلا من 43000 ثم جاء يوم الكشف فى البنزينه فى توتال عند ميدان الحصرى وكانت المفاجاه؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
السياره عباره عن منظر ليس اكثر . الحوض ملحوم من كذا مكان - الدريكسيون جايب زيت من كل حته -المساعدين كلهم تقربيا نسبتهم 60 فى المائه - المقصات والبلى حدث ولا حرج - ضفيره الكهرباء متلصمه -
الفتيس ماشى بالعافيه وبيجيب زيت .
اما الموتور 65 فى المائه ............. ؟؟؟؟؟
كان يوم غريييييب . دفعت حوالى 500 جنيه فىه . البنزينه 250 كشف كامل وكمييوتر والمحامى اللى جبته معايا علشان نخلص كل حاجه وطبعا افطار ثم غداء .
والمصيبه ان صاحب العربيه لسه بيعمل اعلانات ليها مره على اساس انه فى وسط البلد ومره فى حلوان وكذا مره فى اكتوبر ..............
والله حرام ناس زى دول لازم يتكشفوا علشان ده نصب و غش .
حبيت انقل الموقف زى ما حصل لتحذيرمن يحاول شراء مثل هذه السياره

جزاك الله خير على نقل التجربة

المشاركة الأصلية كتبت بواسطة mmw100100

اقسم بالله العربية النظيقة مش محتاجة شرح :)

دى حقيقه فعلا العربية الغير جيده بتبان ومش بترتاح لما تركبها او مش بترتاح للى بيبيع وسبحان الله تحس ان ربنا واقف معاك فى البيع والشراء

يلا ربنا يرزقنا جميعا الخير اللهم امين

المشاركة الأصلية كتبت بواسطة jackal

يا شباب محنا اولنا لو ركبت العربيه ومرتحتش حتي لو للدواسات سيبها علطول

طبعا كلامك زى الفل يا جاك باشا انت كبير الكرايسلر والخبير الى بنستشيرك دايما