اقتراحتكم في نوع العربية المناسبة و جنسية السائق

**أحمد كمال** · 24-01-2015 05:41 PM

المشاركة الأصلية كتبت بواسطة إنسانة

مش كدا بجد بس اصل دي زي المهنة اللي داخلة في طبيعة البيئة اللي نشأ فيها السواق وطبيعة البيئة اللي فيها الأسرة المضيفة مش اي جنسية تنفع يكون سائق لأسرة في السعودية

يعني مش هينفع مثلا يبقى مصري او سوري مش لعيب فيهم بس لإنهم عرب فيه اسباب كتير تخلي الأسر تتحفظ على الجنسيات دي وغالبا الزوج نفسه مش بس هيرفض الفكرة دا ممكن يلغيها خالص لو جبتله سيرة الجنسيات دي

ايوة ....... احنا نركب لوحدنا مع غير عرب ....... بس نركب مع عرب زينا عيب .......

لول

**إنسانة** · 24-01-2015 05:51 PM

المشاركة الأصلية كتبت بواسطة أحمد كمال

ايوة ....... احنا نركب لوحدنا مع غير عرب ....... بس نركب مع عرب زينا عيب .......

لول

دا الواقع بجد

**إنسانة** · 24-01-2015 05:52 PM

ونسوق احنا من غير سواق مش عربي برضو عيب !

**أبو آسر** · 24-01-2015 05:56 PM

معرفش بخصوص السواقين
لكن بخصوص العربيات أنصحك بحاجة تكون شائعة هناك علشان تقدري تصلحيها في أي مكان بدون ما حد يعك فيها وكمان سعر إعادة البيع يكون كويس وأنا أعرف إن الخلايجة عموما والسعوديين خصوصا بيحبوا تويوتا فأنصحك بتويوتا وأعتقد الكامري كويسة لكن معرفش كميزانية تناسب معاكي ولا لأ

**إنسانة** · 25-01-2015 07:21 PM

المشاركة الأصلية كتبت بواسطة أبو آسر

معرفش بخصوص السواقين
لكن بخصوص العربيات أنصحك بحاجة تكون شائعة هناك علشان تقدري تصلحيها في أي مكان بدون ما حد يعك فيها وكمان سعر إعادة البيع يكون كويس وأنا أعرف إن الخلايجة عموما والسعوديين خصوصا بيحبوا تويوتا فأنصحك بتويوتا وأعتقد الكامري كويسة لكن معرفش كميزانية تناسب معاكي ولا لأ

طيب مفيش عربية فيها الصفات دي بس شكلها قريب من فيات 500 ؟ او رياضي

**إنسانة** · 25-01-2015 07:22 PM

المشاركة الأصلية كتبت بواسطة حسام الغرباوي

من خبرتي في المملكة

هاتي حاجة صغيرة ممكن هينوداي 10..وسهلة الصيانة وقطع غيار ..وسعرها كاش حوالي 30 الف ريال

السواق ..هندي

طيب الهندي مرتبه كام تقريبا وايه حقوقه وازاي اضمن انه هيحافظ على العربية

**حسام الغرباوي** · 25-01-2015 07:27 PM

المشاركة الأصلية كتبت بواسطة إنسانة

طيب الهندي مرتبه كام تقريبا وايه حقوقه وازاي اضمن انه هيحافظ على العربية

اولا حقوقة زي اي سواق ..يعني لو هيكون دوام كامل يروح اي مكان في اي وقت ...غرفة ليه كسكن + راتبه حوالي 1500 تقل او تزيد ...

ازاي تضمني الحفاظ علي العربية ..اكيد انك تعملي تأمين شامل ..ضدك وضد الغير ...يعني لو لقدر الله حصل حادث التأمين بتاعك بيغطي الحادث حتى لو الغلط من السائق عندك ..

ازاي تضمني السواق ..بيتأخرله راتب شهر ..

يعني لو راتبه 1500

اول شهر ياخد 750 ...وتاني شهر 750 ..ويبقي كدا في راتب محجوز عندك ..وراتبه يمشي عادي

**حسام الغرباوي** · 25-01-2015 07:33 PM

علي فكرة في حل تاني افضل بكتير وناس كتير بتعمله

لو انتي زي ما بتقولي المشكلة في مشوار الشغل بتاعك ومشوار حضانة بنتك ...بتتفقي مع تكسي علي المشوارين دول وتريحي دماغك من العربية والترخيص والسواقة والهروب والحوارات دي ...وهيكون اوفر بمراحل

انتي لو قلتي لسواق تكسي هديلك مثلا 1000 ريال في الشهر علي المشوارين دول ...هيوافق فورا