الموضوع: صوت الفرامل (التيل) في فلوانس الجديدة

المشاركة الأصلية كتبت بواسطة m. Hassan

سلام عليكم

عربيتي فلوانس 2015 e3 هاي لاين
من أول يوم استلمتها لاحظت أن الفرامل بتصفر (بتعمل صوت)

سألت التوكيل وكام واحد أعرفهم، قوليلي متقلقش..يمكن رمل ماسك بين التيل والطنابير وهيروح مع الوقت. أنا كنت قلقان شوية لأن الطنابير كانت صفرا كأنها مصدية. بس برده الناس طمنوني وقالوا أن دا عادي من الركنة في المصنع أو المينا أو غيرهم.

المهم..بعد 1000 كيلو الصوت برده موجود (صفارة عند الضغط على الفرامل)، وكأن التيل قديم وعايز يتصنفر أو يتغير. كلمت التوكيل تاني (وكلمت بتاع المبيعات اللي باعلي العربية). التوكيل قاللي لو عاوز تجيبها دلوقتي هاتها أو تستنى لأول صيانة (5000 كيلو). بتاع المبيعات قاللي متقلقش، لما توصل 3000 أو 4000 الصوت هيروح.

المشكلة إن الصوت بيزيد وبيعلى (والعربية عاملة تقريباً 2800 كيلو). ودوسة الفرامل أصبحت عقدة بالنسبة لي، لأن صوتها عالي جداً.

حد عنده فكرة يقدر يفيدني بيها؟

شكراً

روح على التوكيل فى أقرب فرصة يكشفوا عليها و لو لازم التيل يتغير يبقى يغيروه.....متستناش لصيانة ال ٥ الاف..
ان شاء الله بسيطة

تحياتى