الموضوع: أنا محتاج نصيحة في التعامل مع هذه الإستشارية

المشاركة الأصلية كتبت بواسطة exelence

ابنى قعد فى المستشفى شهر كامل عملتله كل التحاليل اللى ممكن تيجى فى دماغك وو صل الأمر انى عملتله مسح ذرى و الحمد لله الشفاء من عند ربنا و بييجى على اهون سبب

نصيحتى ليك احمد ربنا ان بنتك بخير و انسى الموضوع

ربنا يحفظ إبنك وتشوفه دائمًا في أفضل حال ويرزقك بره
والله أنا بقول في نفسي أهم حاجة البنت خرجت كويسة ومضرتهاش
الحمدلله أي حاجة بعد كدا تهون
بس أنا صعب عليا أوي اللي عملته في زوجتي لو كانت تعاملت معاها بشكل أفضل كنت هقدر أنسى بسهولة

المشاركة الأصلية كتبت بواسطة amr011111

ألف سلامه لبنتك
بس لو الاستشاريه شغاله فى المكان اللى هتقابل فيه المدير يبقى المدير نفسه وصاحب المكان هوه اللى مخلى الدكاتره تعمل كده فالأفضل تعمل شكوى فى نقابة الأطباء.

الله يسلمك جزاك الله خيرًا
مش كلهم كدا دي كانت حالة شاذة والموضوع بيصعب طالما فيه ناس محترمة
لو كلهم كدا يمكن موقفي كان إختلف لكن للأسف دي بتشوه سمعة المستشفى
خاينة للأمانة

المشاركة الأصلية كتبت بواسطة moustafa_saad

قدم شكوى فى الاداره الصحيه
اللى عملته ده بزنس حتلاقيها متفقه مع مدير المستشفى بنفسه
ابعت الشكوى بالايميل

أجيب إيميل الإدرة الصحية منين ؟ وممكن تعمل معاها إيه ؟
جزاك الله خيرًا

اخى الكريم حياك الله
معك د.شريف استشارى باطنة ومقيم بالسعودية من 15 سنة
ممكن تعرفنى فين هذا المستشفى اللى فيها دكتور فلسطينى ودكتورة لبنانية؟ فى مصر ولا فين؟
للامانة فيه نقطة اذا انخفض نسبة الاكسجين والاشعة الصدرية فيها علامات التهاب رئوى فهذا امر يجب اخده بجدية ونظرا لانتشار مرض الكورونا هذه الايام والسعودية من اكثر الدول انتشارا فتوضع مثل هذه الحالات مبدايا فى العزل الى ان تظهر نتائج التحاليل ويكون التعامل معها بحرص
الخطا الرئيسي فى تواصل الطبيبة واسلوب كلامها الذى يفتقد للمهنية حتى تفهمك ماذا يجب عمله ومدة الاشتباه وعدم التاكيد على التشخيص بدون دليل واذا كنت فى السعودية الاطباء اللبنانيين من النادر وجودهم الا ربما فى الخاص الله اعلم فانا لم اعمل بمستشفى خاص ابدا لكن للاسف الاماكن الخاصة يغلب عليها الطابع التجارى وعدم المصداقية
شفاها الله وعافاها
تقبل تحياتى

المشاركة الأصلية كتبت بواسطة eso101

أجيب إيميل الإدرة الصحية منين ؟ وممكن تعمل معاها إيه ؟
جزاك الله خيرًا

انا معايا ايميل جده بس طبعا مش حينفعك
روح الاداره الصحيه واسال هناك

المشاركة الأصلية كتبت بواسطة onedge

ياعزيزى انت فى مصر حيث لا امن و لا مستقبل ولا رعاية صحية و لا اسعار مخفضة
بس نفسى اعرف جايبيين لبنانية ليه مايجيبوا مصرية والمصريين اولى
ولا جايبينها فاكرين انها قنعرة؟

المستشفى في السعودية مش في مصر

المشاركة الأصلية كتبت بواسطة lonedoctor

اخى الكريم حياك الله
معك د.شريف استشارى باطنة ومقيم بالسعودية من 15 سنة
ممكن تعرفنى فين هذا المستشفى اللى فيها دكتور فلسطينى ودكتورة لبنانية؟ فى مصر ولا فين؟
للامانة فيه نقطة اذا انخفض نسبة الاكسجين والاشعة الصدرية فيها علامات التهاب رئوى فهذا امر يجب اخده بجدية ونظرا لانتشار مرض الكورونا هذه الايام والسعودية من اكثر الدول انتشارا فتوضع مثل هذه الحالات مبدايا فى العزل الى ان تظهر نتائج التحاليل ويكون التعامل معها بحرص
الخطا الرئيسي فى تواصل الطبيبة واسلوب كلامها الذى يفتقد للمهنية حتى تفهمك ماذا يجب عمله ومدة الاشتباه وعدم التاكيد على التشخيص بدون دليل واذا كنت فى السعودية الاطباء اللبنانيين من النادر وجودهم الا ربما فى الخاص الله اعلم فانا لم اعمل بمستشفى خاص ابدا لكن للاسف الاماكن الخاصة يغلب عليها الطابع التجارى وعدم المصداقية
شفاها الله وعافاها
تقبل تحياتى

أهلًا بحضرتك يادكتور ... جزاك الله خير
المستشفى في السعودية وفيها من جميع الجنسيات مش بس لبنان حتى أمريكان
بخصوص إنخفاض الأوكسوجين البنت كانت على سرير الطوارئ بدون أي أجهزة
( بعد شفط جزء من البلغم ) كانت بتتنفس كويس ونسبة الأوكسوجين إرتفعت ومحتاجتش أي جلسة أوكسوجين تاني خالص
على فكرة مكنش عندها إلتهاب رئوي أو أي إرتفاع في الحرارة
كان عندي كام سؤال لحضرتك لو تكرمت أنا محتاج إجابتهم جدًا ربنا يحفظك
هل الأشعة السينية ( x ) ممكن تضر الرضيع اللي في سن بنتي ؟
وهل ممكن تُظهر نسبة البلغم أو لاء ؟
هل نسبة الأوكسوجين لما تبقى 91 إلى 93 تبقى مقبولة ولا محتاجة تدخل طبي ؟
أنا عملت تحاليل إمبارح ليا ولزوجتي و للبنتين عشان أعرف مصدر الفيروس لقيته موجود عندنا كلنا
وطلبت من أولياء الأمور اللي ولادهم في النيرسري عند البنت الكبيرة يعملوا التحليل لولادهم وتبين وجوده في كل الأطفال اللي حللوا
وطبعًا عرفت مصدره من البنت نقلته من النيرسري للبيت فإنتقل لأختها وهيا كان عندها إلتهاب في القصبات الهوئية ومامتها حامل
وكنا متابعين حالتها لحد ما الكحة راحت خالص وأخدت كل العلاج اللي كتبه الدكتور
لكن إتضح من التحليل إنه مارحش بس مكناش نعرف إنه بسبب الفيروس دا
فدلوقتي إيه الحل مع الفيروس ؟ فيه دكتور قالي بيموت طبيعي في الجسم وفيه دكتور قالي الفيروس اللي بيدخل الجسم بيفضل فيه طول العمر
أنا عايز أطمئن من ناحية الفيروس دا إيه ظروفه
هل بقاءه مضر ؟ هل كل شوية هيتعبنا معاه ؟ هل فيه أي علاج ليه ؟ هل محتاج أعمل فحص دوري للبيت عندي بسببه ؟
ولا إيه ؟ أنا خايف لحد دلوقتي من كلام الإستشارية لإنها قالت خطورة الفيروس إنه ممكن يوصل للدم ويستقر في المخ بس هيا مكنتش بتتكلم عن الفيروس دا تحديدًا
فلو تكرمت يا دكتور جزاك الله خيرًا لو ممكن تجاوبني ربنا يبارك فيك وبعتذر لو أثقلت عليك بالأسئلة