اول ميعاد فى صيانة التوكيل بعد شهر ونص!!!!

**أبو عبدالله** · 13-11-2008 10:06 PM

أستاذ احمد انت حضرتك مردتشي عليا في سؤالي

موديل عربيتك ايه ؟؟؟
وماشيه اد ايه ؟؟؟
وميعاد صيانتك امتى ان شاء الله ؟؟

لو مفيهاش ثقل على حضرتك يعني

**معاذ الشرباصى** · 17-11-2008 02:30 AM

المشاركة الأصلية كتبت بواسطة AhmedElsayed

ردك يا استاذ معاذ بيتلخص فى نقطة واحدة (مدام انا كويس ومشاكلى محلولة يبقى مليش دعوة بالباقى) وده مع احترامى ليك انا مختلف معاك فيه وللاسف هو ده سبب لجزء كبير من مشاكلنا فى الحياة عامة ان خلاص مدام انا تمام يبقى مليش دعوة

ومش عايز بصراحة اكمل فى مناقشات حولين نقطة "التمس لتوكيلك عذرا"
اللى شايف "انه ليس فى الامكان افضل مما كان" ده رايه ومقدرش محترمش رايك واقدره لان مفيش حد عميل للتوكيل ولا بيقبض منه ولا الكلام الفارغ بتاع نظرية المؤامرة

واللى شايف ان اللى بيعمله التوكيل نوع من التهريج والاستهتار برده ده راى لازم نحترمه

وفى النهاية انا حكمل فى موضوع حماية المستهلك- اللى الناس مش فاهمه سبب اصرارى عليه ايه- لان الجهاز ده معمول ليه لو الناس مش حتستخدمه فى حالات زى دى، ولو مكنوش حيعملوا حاجة مكنوش اهتموا، او حتى لو مجرد ضغط يبقى مارسنا حقنا فى الشكوى

وبعدين انا قلت حماية المستهلك مرحلة اولى

المرحلة التانية حتبقى ضغط بصورة اكبر من خلال الجرايد واظن دى حتأثر اكتر من اى حاجة لانها حتبقى سمعة التوكيل

فى النهاية مش حقدر اقولك غير ارجو انكم برده تكونوا بتتقبلوا راى بصدر رحب

استاذ احمد

"الاختلاف فى الرأى لا يفسد للود القضية"

احنا الى حد ما متفقين على حقائق و حاجات ثابتة, لكن لكل منا طريقته الخاصة فى التعامل معاها

انا فعلا نفسى موضوع حماية المستهلك يؤتى بنتائج ايجابية, لأنه فى الاول و الاخر هيفيد الناس كلها, و ان كنت مختلف معاك فى توقيت استخدامه

اتمنى من حضرتك انك تطلعنا اول بأول على التطورات فى الموضوع

و لى رجاء خاص: فعلا اتمنى نشوفك فى المقابلة القادمة.

على فكرة انا متابع لحضرتك من ايام كونتاكت, و تاريخك مع العربية من اول شرائها تقريبا :)

بس محصلش اننا اتكلمنا فى موضوع مع بعض (غير موضوع مطار الجونة لو تفتكر :) )

اتمنى حضرتك تلبى طلبى بحضورك المقابلة