الموضوع: استاذنا احمد البرعى وزملائنا بالمنتدى

وظيفة الفلش أويل Flush Oil هي تنظيف الموتور وإزالة الرواسب الموجودة داخل الموتور... خصوصا إذا كان الموتور بدأ يكون رواسب تقيلة ولزجة sludge بتبقى عاملة زي ما تكون "طينة" جوه الموتور.

وبما إن حضرتك مواظب على استخدام الزيت التخليقي.. فالمفترض إن الرواسب تكون غير موجودة.. وبالتالي حضرتك مش محتاج تستخدمه.

ولو عايز تستخدمه كإجراء وقائي.. فأنصحك ما تستخدموش إلا مرة كل 5 سنوات أو 100 ألف كيلومتر.

ومن ناحية ضرورة استخدامه لما تغير نوع الزيت.. فده بردو مش شايف له لازمة ﻹن الزيتين تخليقيين.


...