طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

**eslam atia** · 25-02-2015 08:28 PM

عدي من جمب عربية نقل ثقيل واتفرج علي كم المرايات اللي عنده
هتلاقي اشكال وانواع واحجام هههههههههههه
في بقي مراية مدورة محدبة وصغيرة نسبيا قياسا لعربيتنا الصغيرة ودايما تلاقيه حاطتها علشان يشوف امامة مش جانبة علشان هو قاعد فوق فمش شايف اللي تحت فدي بتبين اللي تحت بكل وضوح
فكر كدا فيها

**مصطفى-حسن** · 26-02-2015 05:06 PM

المشاركة الأصلية كتبت بواسطة Dr\Mohamed

المشكلة في المراية الشمال من ناحية الشكل والحل
1- نشيل المراية الشمال الأصلية من الكفر ونقيس عرضها مثلا 20 سم
2- ناخد 20 سم من المراية البانوراما بس هنقطع من الناحية الشمال
3- هنثبت القطعة دي داخل الكفر بتاع المراية الشمال هتكون النتيجة
أ - إن الطرف الشمال للقطعة دي هيغطي الحارة البعيدة لأن دي أكتر نقطة محدبة في المراية
ب- وكل ما نيجي يمين المراية هتغطي الحارات المتتالية انتهاءْ بالجنب الشمال لعربيتي
4- ممكن الحل ينتهي على كده أو لأ حسب أبعاد المراية الأم إللي قطعنا منها ولذلك أنصح بشراء مراية البانوراما قصيرة نسبيا "علشان يكون الجزء الشمال منها الأكثر تحدبا صغير والجزء اليمين منها شبه مستوى"
5- الاحتمال التاني إن تظهر مشكلة بس في الناحية اليمين للمراية "اللي بتظهر فيها عربيتي" وذلك لو استخدمنا مراية بانورما طويلة فتكون القطعة المستغلة منها كلها محدبة وساعتها يكون الحل مراية متوسطة فوق المراية الشمال مع استبدال الزجاجة المحدبة بتاعتها بزجاجة مستوية أو أقل تحدب "ممكن استخدام قطعة من المراية الشمال الأصلية" ودي هتغطي الناحية اللي فيها عربيتي

يظل الفضل أولا وأخيرا لله
ويظل الفكرة المبتكرة لصاحبها الأستاذ ZARIF
أتقبل آراء وتعديلات حضراتكم

عايز اقول لحضرتك انى فكرت فى الحل دة من فترة
وعشان يبقى الكلام عملى انا هرفع لك صورة للمساحة اللى هحصل عليها لما اقص من المراية البانورما على قد مراية العربية

اولا دة مش الوضع الكامل للمراية او الطبيعى بتاعها
لما بظبطها المساحة اللى هيا رقم 1 فى الصورة بتبقى مضافة للمساحة رقم 3

لانك لو خدت بالك كل المساحة بتاعة رقم 1 مش جايبة غير جسم العربية ومش مغطية حاجة من الطريق او الحارات الميتة

وعشان اوصل الفكرة لحضرتك انا هرفعلك الصورة الللى انا رافعها فى الموضوع بالمساحة المهدرة اللى هيا رقم1

وبعد كدة هرفعلك المساحة الحقيقة اللى بتغطيها المراية لما بظبطها وابعدها عن جسم العربية

ما معناة
وبشكل ابسط
ان كل الناس اللى بتبقى سايقة بتبقى شايفة المساحة اللى انا محددها بالاحمر
فى حين ان بالمرايتين البانوراما انا بكون شايف المساحة اللى باللون الازرق

ودة اللى مخلينى مش فارقة معايا قوى الشكل الجمالى

**مصطفى-حسن** · 26-02-2015 05:11 PM

المشاركة الأصلية كتبت بواسطة eslam atia

عدي من جمب عربية نقل ثقيل واتفرج علي كم المرايات اللي عنده
هتلاقي اشكال وانواع واحجام هههههههههههه
في بقي مراية مدورة محدبة وصغيرة نسبيا قياسا لعربيتنا الصغيرة ودايما تلاقيه حاطتها علشان يشوف امامة مش جانبة علشان هو قاعد فوق فمش شايف اللي تحت فدي بتبين اللي تحت بكل وضوح
فكر كدا فيها

مشكلة كل المرايات المحدبة انها بتخدعك جامد
يعنى تبقى شايف العربية اللى وراك بعيييييييييييدة
فى حين ان الواقع ان العربية وراك بمترين تلاتة
ومهما تحاول تحفظ نظامها بردو بتخدعك وبتعملك مشاكل

**مصطفى-حسن** · 28-02-2015 12:27 PM

المشاركة الأصلية كتبت بواسطة Dr\Mohamed

في الاقتراح السابق ليا كنت بقترح على حضرتك استخدام الجزء الأيسر من المراية البانورامة وليس الجزء الأوسط
ومع ثبات حجم المراية الفرق كبير جدا في مجال الرؤية

ده مجال الجزء الأوسط

وده مجال الجزء الشمال لنفس المراية علما بأنني حددت المجالات دي باستخدام أبعاد صحيحة لتعيين مركز التكور للمراية "معلش حضرتك أصل أنا مدمن هندسة"

وده حضرتك شكل نفس المراية بس قطعنا الجزء الشمال وتم تركيبه وظبطه في العربية

طبعا واضح إن مع بداية السهم المراية شبه مستوية أو قليلة التحدب "زي عربياتنا" ودي هتغطي الجنب الشمال للعربية ولكن مع اتجاه السهم تحدب المراية هيزداد بطريقة ملحوظة وهتغطي الحارات البعيدة

لو استخدمنا مراية بانوراما طويلة هيكون الجزء ده كله محدب علشان كده كنت بقترح في الحالة دي مراية متوسطة فوق المراية الشمال ويغير فيها الزجاجة بزجاجة أقل تحدب زي زجاجة المراية الأصلية

شكرا لحضرتك ومستني التعليقات من سيادتك

مبدئيا الحوار معاك ممتع بجد
نيجى بقة للاقتراحات

اولا دة الشكل العادى للمراية البانورما

ولو انا نفذت زى حضرتك ما بتقول يبقى انا هقص الجزء دة

وبعدين اركبة هنا

هيا فكرة تستحق التجربة بس انا معتقدش انها هتغطى نفس المساحة اللى مغطياها المراية اللى انا عاملها ودة عشان نسبة التقوس او الانحناء مش فى نفس النسبة اللى حضرتك راسمها او هكذا يخيل الى

وهستأذنك تراجع تانى الصور بتاعتك وصورة المراية الفعلية اللى انا رافعها ونسبة انحنائها

ورغم كدة اوعدك انى هجيب مراية بانوراما واقص منها الجزء الشمال على قد مراية العربية الاصلية والزقها حتى بدبل فيس واصورها وارفعها

**مصطفى-حسن** · 28-02-2015 12:37 PM

بالنسبة للناس اللى متابعة الموضوع
واللى كانت ابدت ملاحظات على الشكل الجمالى للمراية
انا عملت تعديل بسيط وغلاف للمراية ودهنتة بنفس لون العربية
وكنت عايز اخد الاراء فية
والاقتراحات علية او اى اقتراحات تانية

**مصطفى-حسن** · 28-02-2015 05:33 PM

المشاركة الأصلية كتبت بواسطة dr\mohamed

[/color][/size] ده دليل على كرم أخلاق حضرتك وسعة صدرك وقبولك للحوار والمناقشة بحيادية
وأنا أتمنى إن تكون أي مناقشة بين الأعضاء بأسلوب مهذب ومحترم زي أسلوب حضرتك ده كل واحد بيقول رأيه باحترام وبدون طعن في أحد
[/color][/size][size=5][color=blue]

تحية صادقة من القلب لحضرتك
[size=3][color=black]
حضرتك أنا رسمت شكل بيضاوي وأخدت نصفه بالظبط وحاولت أحدد مركز التكور والبعد البؤري بس طبعا بيبقى في أكتر من نقطة مركز تكور لأن الشكل بيضاوي مش دائرة منتظمة وبعدين بنيت الرسومات دي عليه
بس للأسف أنا معرفش المراية البانوراما دي أبعادها قد إيه؟ ومدى التحدب فيها قد إيه؟ وكمان هي مش عندي في العربية ومش قادر أحدد الحاجات دي من الصورة
نظريا إحنا متفقين إن الفكرة ناجحة ولكن يبقى التطبيق العملي زي ما حضرتك تكرمت وقلت قتنفذه

هستنى حضرتك ترفع الصور ونفكر سوا لو ممكن نعدل فيها حاجة للأحسن

تمام يبقى انا خلال ايام بأذن الله هجيب مراية واقص التلت الاخير منها وهعمل تجربة عملية وارفعها

**مصطفى-حسن** · 14-03-2015 11:49 AM

المشاركة الأصلية كتبت بواسطة طارق المحلاوى

حقيقى استاااااااذ.....
ربنا يبارك لك

االله يخليك

-

الموضوع: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

LinkBack

أدوات الموضوع

عرض

-

-

-

-

-

-

-

المواضيع المتشابهه

طريقة زيادة كفاءة التكييف فى سيارتك بتكلفة 25 جنية فقط.......بالشرح التفصيلى بالفيديو

طريقة تجميل سقف شقتك بتكلفة بسيطة.....بالشرح والصور والفيديو والاسعار

طريقة زيادة كفاءة تكييف دايو لانوس بتكلفة 25 جنية فقط....بالشرح التفصيلى بالفيديو

طريقة اصلاح غالبية مشاكل كلاكس دايو لانوس بتكلفة 75 قرش .....بالشرح التفصيلى بالفيديو

الكلمات الدلالية لهذا الموضوع

المفضلات

المفضلات

ضوابط المشاركة