طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

**hamisa08** · 18-02-2015 10:12 AM

هى فكرة كويسة

بس فى شوية ملاحظات

1- الشكل النهائى غير مقبول ,, غير ان البروز بتاعها ممكن يكون جارح
2- اللى قاعد فى العربية مكشووف جدااا ,, مثلا معايا امى او مراتى او حتى انا و اصحابى اى حد ماشى ورانا شايفنا كلنا اكنة قاعد معانا
3- اى حد وراك ضرب النور العااالى او عربيه حجمها اكبر منك وراك مثلا( ميكروباص او نص نقل او جيب ) اللى سايق هيتعمى علشان النور مركز عليك وعاكس فى عينيك من كل الجوانب

**جيتزاوي55** · 18-02-2015 10:49 AM

مع أحترامي الكامل لحضرتك , الأزمة مش بالخطورة دي علشان الواحد يتخلي عن الشكل الجمالي لعربيتة ويركب مراية مش بيستخدمها الا سواقيين التاكسي وكمان الكبار في السن منهم :d :d
الفكرة عملية وحلوة بس مفيهاش أرتقاء بمستوي العربية , بالعكس بيوحش من شكلها وبتاخد مساحة كبيرة من محيط الرؤية للسواق واللي جنبة .
عموما تحياتي ليك علي مجهودك ولو هيا مريحة ليك أو للأعضاء فهو دة الهدف من أختلاف الأذواق , أن السلع لا تبور :)
صباحك بيضحك

**مصطفى-حسن** · 18-02-2015 11:04 AM

المشاركة الأصلية كتبت بواسطة mohamedragab14

فكرة رائعة جدا

شكرا ليك

**مصطفى-حسن** · 18-02-2015 11:07 AM

المشاركة الأصلية كتبت بواسطة amr011111

موضوع متميز ومجهود متميز

فكره المرايه الشمال عملياً حلوه بس شكلياً وحشه
بالنسبه للمرايه اللى فى النص انا جايبها من زمان بس لو حصل ووقعت بحس ان مرايه العربيه ابعادها مختلفه عنها تماماً

انا كنت بفكر ان اعمل جوه العربيه المرايا البانوراما اللى انت مثبتها على مرايه العربيه الشمال اعملها على الازاز الداخلى متوجهه ناحية الشمال بس تثبيتها لازم يبقى فى الازاز زى بعض مرايات العربيه اللى بتبقى متثبته فى الزجاج بس مش عارف اسعارها هتبقى عامله ايه

1 - جارى العمل على تحسين الشكل النهائى
2 - الفكرة اللى حضرتك بتقول عليها انا فكرت فيها برضوا بمراية اصغر شوية بس وهتكون محدبة برضو بس قابلتنى نفس مشكلة الابعاد

**مصطفى-حسن** · 18-02-2015 11:10 AM

المشاركة الأصلية كتبت بواسطة timtim

حلوة مراية الصالون وطبعا المراية الخارجية عيبها شكلها...
ليه مفكرتش تبدل المراية الخارجية .. البللورة او الزجاج نفسها وتقطع لها مراية جديدة من نفس نوعية المراية المتركبة فوقها..
مش يكون احسن؟

عملتها بس مكشفتش نفس المساحة اللى بتكشفها اللى فوق وخصوصا الحارة الميتة وجارى العمل على تجميل الشكل النهائى

**مصطفى-حسن** · 18-02-2015 11:12 AM

المشاركة الأصلية كتبت بواسطة omar mahmoud

فكرة كويسة لإن مفيش حاجة هتساعدك غيرها
حتي لو عملت المرايات للاخر مش هتبقي كويسة زي دي بردو

شكرا لحضرتك وعايز اقولك ان السواقة بالمرايتين دول حكاية لوحدها

**مصطفى-حسن** · 18-02-2015 11:17 AM

المشاركة الأصلية كتبت بواسطة hamisa08

هى فكرة كويسة

بس فى شوية ملاحظات

1- الشكل النهائى غير مقبول ,, غير ان البروز بتاعها ممكن يكون جارح
2- اللى قاعد فى العربية مكشووف جدااا ,, مثلا معايا امى او مراتى او حتى انا و اصحابى اى حد ماشى ورانا شايفنا كلنا اكنة قاعد معانا
3- اى حد وراك ضرب النور العااالى او عربيه حجمها اكبر منك وراك مثلا( ميكروباص او نص نقل او جيب ) اللى سايق هيتعمى علشان النور مركز عليك وعاكس فى عينيك من كل الجوانب

1 - جار العمل على تحسين وتجميل الشكل النهائى
2 - على فكرة العكس صحيح انا كاشف كل حاجة ومحدش كاشفنى لان المراية فى تثبيتها مفتوحة لبرة مش مضمومة لجوة
3 - المراية بتاعة العربية بييجى منها النور العالى بتاع اللى جاى من ورايا اكتر من اللى فوق لان اللى فوق بتبعثر النور والكلام عملى وعن تجربة

**مصطفى-حسن** · 18-02-2015 11:21 AM

المشاركة الأصلية كتبت بواسطة جيتزاوي55

مع أحترامي الكامل لحضرتك , الأزمة مش بالخطورة دي علشان الواحد يتخلي عن الشكل الجمالي لعربيتة ويركب مراية مش بيستخدمها الا سواقيين التاكسي وكمان الكبار في السن منهم :d :d
الفكرة عملية وحلوة بس مفيهاش أرتقاء بمستوي العربية , بالعكس بيوحش من شكلها وبتاخد مساحة كبيرة من محيط الرؤية للسواق واللي جنبة .
عموما تحياتي ليك علي مجهودك ولو هيا مريحة ليك أو للأعضاء فهو دة الهدف من أختلاف الأذواق , أن السلع لا تبور :)
صباحك بيضحك

انا عارف انى مهتميش بالشكل الجمالى النهائى وطبعا الكلام على المراية اللى جنب السواق

لكن صدقنى لو حضرتك جربت تسوق بالمرايتين دول هتكتشف انك كنت شايف الطريق من وراك من خرم ابرة

وكونك تكشف الحارة الميتة والحارة اللى بعد الحارة الميتة انا شخصيا شايفها مهمة جدا ليا ولناس كتير

وانتقاداتك وانتقادات باقى الناس باخدها بصدر رحب وبمنتهى المرونة

تحياتى ليك

**aif** · 18-02-2015 12:05 PM

شكرا لمجهودك يا استاذ مصطفي انا من ربع قرن من الزمان وانا باستعمل المراية البانوراما دي فوق المراية الاصلية بتاعت الصالون
وهي عملية جدا وبتخليك كاشف كل الطريق حتي بون مرايات الجنب
واتعودت عليها وباركبها في كل العربيات اللي باشتريها
لكن ......
السيارة الحالية المراية الاصلية بتاعتها مراية تعتيم وفيها شاشة للكاميرا الخلفية
يعني مش ح ينفع استغني عنها واحط البانوراما فوقها
هل عندك طريقة ممكن اركب البانوراما جوة الصالون من غير ما اداري المراية الاصلية ؟

الموضوع: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

LinkBack

أدوات الموضوع

عرض

-

-

-

-

-

-

-

المواضيع المتشابهه

طريقة زيادة كفاءة التكييف فى سيارتك بتكلفة 25 جنية فقط.......بالشرح التفصيلى بالفيديو

طريقة تجميل سقف شقتك بتكلفة بسيطة.....بالشرح والصور والفيديو والاسعار

طريقة زيادة كفاءة تكييف دايو لانوس بتكلفة 25 جنية فقط....بالشرح التفصيلى بالفيديو

طريقة اصلاح غالبية مشاكل كلاكس دايو لانوس بتكلفة 75 قرش .....بالشرح التفصيلى بالفيديو

الكلمات الدلالية لهذا الموضوع

المفضلات

المفضلات

ضوابط المشاركة