اصرار بيجو على الذهاب لحماية المستهلك مش مطمننى
عرض للطباعة
اصرار بيجو على الذهاب لحماية المستهلك مش مطمننى
فيه إحتمال من 3 إحتمالات و مش هاينفع نذكرهم صراحة لكن معروفين, على العموم علينا الأخد بالإسباب و النتيجة من عند ربنا, و أنا متقبل النتيجة أياً كانت و الحمد لله مغيرتش كلامى زي ما هما بيعملوا, و لو حصل إنى خسرت فلوس, فالفلوس بتتعوض, لكن اللى يخسر أمانته فى عمله و يكدب و يغير شهادته و يسعى بكل جهده إنه لا يتحمل نتائج خطئة ده خسر حاجات مابتتعوضش.
كنت دائماً بقول نصيحة خصوصاً للشباب الجديد فى مجال عملنا "لو إنت ذكى بما يكفى إنك تخدع الناس عشان تاخد اللى إنت عايزه, يبقى إنت ذكى بما يكفى إنك تقدم خدمة للناس و تاخد اللى إنت عايزه".
صراحه مش عارف اقولك ايه ... بس انا معجب بيك وباصرارك جدا وان شاء الله هتاخد حقك وحق ناس كتير انت بتتكلم باسمهم عشان كل التوكيلات تحترم نفسها وتعرف ان العميل يقدر ياخد حقه ويقدر يوصل للوكيل الاصلي ويارب بلدنا تنصفنا
لو في حاجة اقدر اقدمهالك انا عنيا ليك مش هتاخر و هحاول اشوف الموضوع ده مع شركة بيجو فرنسا ..... انا اعرف مدير التدريب هناك شخصية
انا عاوز اقولك اني متابع المشكله من اول يوم و عملت اكونت جديد بسببك :)
بص يا كبير . انا واحد من الناس بعد ما كنت هحجز العربيه لغيت الفكره دلوقتي لحد ما اشوف موضوعك هيوصل لفين . و مخبيش عليك نوعا ما بحمد ربنا بعد ما شوفت النيو لوجان اوتو الجديده و شوفت اسعارها و خصوصا الهاي لاين بفكر جديا اني اجيب الرينو . انا معاك ان التوكيلين زفت . لكن متوصلش اني اقولك ان عندي مشكله و ترفض تكتبهالي في شيت العربيه بتاع الصيانه كله كوم و دي تحديدا كوم تاني وخصوصا مع الناس اللي هتصين في القاهره و هي من الاقاليم
زي حالاتي . خليك ورا حقك و متسكتش زي الراجل بتاع النيو صني و ربنا معاك
أستاذ أشرف ،
أشكرك على موقفك الايجابى ، والحمد لله قدر ولطف ... ربنا يوفقك وينصر الحق.
ربنا يبارك فيكم جميعاً و على مساندتكم, وقفتكم جنبى فرقت كتير فى إستمرارى فى الدفاع عن حقى, و أتمنى إن باقى الناس اللى واجهتها مشكلة إنها تاخد موقف لإن ده الوقت المناسب و لإن ماعدش ينفع نسكت بعد كدا او نوجد مبررات و اعذار, خصوصاً لما يحصل تقصير فى شكوى من فرامل او فتيس. بإذن الله بكرا هايكون أحسن بتضامنا.
ربنا يبارك فيك يا دكتور و فى مساندتك, انا فى الموضوع هنا و فى الردود ذكرت مجريات الأمور من أول ماقابلتنى مشكلة مع الفرامل و عدم إهتمام التوكيل بحلها وصولاً لحدوث الحادثة و موقف التوكيل بعد الحادثة و تغيير كلامهم, فمساعدتك بتوصيل صوتى للمسؤلين بالشركة الأم أكيد هايفرق كتير و بإذن الله يعجل بالوصول لحقى. و لو فيه عندك أى إستفسار بخصوص اى جزئية انا جاهز للرد عليها بإذن الله.
ربنا يوفقك لحسن الإختيار و يباركلك فيها مقدماً, و إضافة عن سمع من ملاك سابقين لعربيات رينو, توكيل رينو من التوكيلات المحترمة فى مصر, و مش عشان الموقف اللى حصل من توكيل بيجو فى حقى, لكن دلوقتى باقى التوكيلات بدأت تنزل موديلات كويسة جداً و منها رينو, و نصيحة من أخوك, دور على التوكيل أولاً, مافيش عربية مابيظهرش فيها مشكلة مع الإستخدام, فلازم تتعامل مع توكيل بيحافظ على العملاء بتوعه و بيتابع معاهم مشاكلهم و يسعى لحلها مش لتقديم تبريرات و تعريض حياة عملائه للخطر.