مشكلة غلبتني فى دوارة كورسا 1200 رجاء المساعدة

**neou** · 25-02-2015 01:56 PM

المشكلة غلبتني لدرجة اني غيرت كاربريتور كامل بحساساته و بوجيهات و مازالت المشكلة موجودة..
المشكلة تتلخص في ان العربية لو سبتها يومين مدورش إلا بطلوع الروح لازم ادوسلها بنزين على الآخر و افضل معلق المارش لحد الموتور مايلقط وبمجرد ما اسيب المارش الموتور يفصل بفضل على الحال دة حوالي ربع ساعة ....لدرجة اني مرة فضيت البطارية
و بعد عدة محاولات بتدور والموتور بيفضل متبرجل وبطلع دخة سودا في الاول بس ولازم اريح رجلى على دواسة البنزين عشان متبطلش لو سبت دواسة البنزين وبفضل على كدة لحد المروحة تشتغل عشان اتأكد انها مش هتبطل مني وانا ماشي في السكة عشان عملت الحركة دي قبل كدة
بصراحة انا مش عارف ومحتار ...الميكانيكي هو اللي قالي غير الكاربرتير العربية اتحسنت كتير عشان الرشاش القديم كان بيرش كتير و الايدل مكنش شغال و tps برضو مكنش شغال فالحمد لله اني غيرته

لاكن العيب لسة موجود مع العلم انها لما بتكون سخنة بدور من اول لفة للمارش ارجوكم مش فاضل اني اغير موبينه ومشط وطلمبة بنزين و اوتوماتيك المارش العربية بقالها ممعايا 5 سنوات عمرها ما عملت الحركة دي قبل كدة
بقالي شهر على الحال دة والمشكلة اني لازم اسبها يومين او اكثر عشان المشكلة دي تحصل .......انا احترت اية اللي ممكن يسبب العطل دة هل الطلمبة تعمل كدة بتركن مثلا ولا الموبينة ولا اية انا هتجنن ....

**shake** · 25-02-2015 02:00 PM

متا بع

**Abo_Mazen** · 25-02-2015 02:14 PM

موبينه..هي الموبينه..كان عندي المشكله دي بالضبط ..اللي هي تأخير الدواره .لكن مكانش عندي دخنه سودا الصراحه.

**neou** · 25-02-2015 02:20 PM

الدخنة السودا دي لما الموتور يلقط وساعتها بكون كابس بنزين على الاخر

**bluemail** · 25-02-2015 02:46 PM

الموبينه عندك فيها مشكله
الدخانه السودا دي لو بتروح بعد ما بتدور وتمشي تبقي علشان انت بتفضل تغذي بنزين كتتير زياده عن اللازم لانك خايف انها تبطل

**ayman hamdy** · 25-02-2015 05:02 PM

طلمبة بنزين ضعيفة وعايزة تتغير
يا اما موبينة ضعيفة وعايزة تتغير
تحياتى

**ayman hamdy** · 25-02-2015 05:44 PM

المشاركة الأصلية كتبت بواسطة neou

شكرا لكل الاعضاء اللي بتحاول تساعد
طيب اتاكد منين ؟؟؟ طلمبة ولا موبينه ولا اغير الاتنين

اولا اختبر البوبينة بأنك تفك بوجيه بوجيه وتلمسه لجسم العربية وحد يدور مرة وحدة مارش وشوف الشرارة بتاعته لو لونها احمر تبقى ضعيفة لو زرقاء تبقى سليمة الكلام دا على كل البواجى مش وحاد بس ولو واحد او اتنين شرارتهم حمرا تبقى البوبينة ضعيفة
اختبار طلمبة البنزين بقياس ضغطها بالبار وميقلش عن ٣،٨ بار ودا بجهاز ضغط الكاوتش او جهاز ضغط الفريون
تحياتى

**ayman hamdy** · 25-02-2015 09:32 PM

المشاركة الأصلية كتبت بواسطة m_m_sh_a

مع إحترامي لخبرة حضرتك وتقديري لرأيك طبعا ..طريقة الإختبار دي فكسانه جدا ..أنا الموبينه عندي كذا ميكانيكي يختبرها ويقولي لالالالالالالالالالا..دي الموبينه عندك مفيهاش كلمة ..وأقعد أنا أغير في بوجيهات وأغير في فلتر بنزين وفلتر هوا وأنضف بوابة لما كنت خلاص ..كرهت دوارة العربيه وكرهت الخروج بيها ..لغاية ما جت الموبينة بصراحه جابتها من قصيرها في مره وأنا ماشي لقيتها قطعت مره واحده ..أدور تدور أمشي بتاع مترين أو أكتر شوية وألاقيها قامت مبطله ..كلمت الميكانيكي قالي دي موبينه ..الميكانيكي اللي كلمته ده كان آخر واحد إختبرها وقالي لالالالالالالالالالالالال الالالالا الموبينه مفيهاش كلمة ..طبعا دورت ومشيت ..تمشي شويه وتفصل شوية وتنتش شوية لغاية ما وصلت بيها شارع صلاح الدين عندنا في إسكندرية وجبت واحده جديده وركبتها وأنا واقف ..ومن وقتها والعربيه بسم الله ما شاء الله ..إنسى موضوع القرف بتاع الدوارة

بلاش الطريقة الفكسانة دى ولو اننى قلتها له علشان هى اسهل طريقة للى معندوش خبرة( المبتدئين) يعنى
شوف يا سيدى طريق اختبار البوبينة للناس المتخصصين :
عربيتك من بروفيلك كورسا97 موتور1200سي سي يعنى تقريبا كود موتورك x12xe
عندك مدخل البوبينة اللى بيركب فيه الفيشة عبارة عن( 6 بنة) ومترقمة من 1 الى 6 على البوبينة البنة 1هى الارضى ودى ملاكش دعوة بيها البنة 2 وهى الموجب او الكهربا ودى بتوصل بيها طرف افو ميتر وتضبطة على قياس المقاومة بالاوم وطرفه التانى مرة بالبنة رقم 5ودى خاصة بالسلندر الاول ومرة بالبنة 4ودى خاصة بالسلندر التانى و3خاصة بالسلندر التالت و 6خاصة بالسلندر الرابع وشوف المقاومة كام لو لقيتها مابين 4,و7,اوم فى كل سليندر يبقى تمام لو اكبر من كدة يبقى البوبينة دى تعيش انت وغيرها فورا
واى استفسار انا مستعد
تحياتى