الموضوع: هام بشأن الاتراج و من يريد شراءها

طبعا ربنا يباركلك فيها ويديك خيرها ويكفيك شرها
بس انا متخيل انها مش معمولة بالمواصفات دي للسفر
معمولة للمدينة والتنقلات الخفيفة
اكيد جودة الصانع الياباني ١٠٠ ١٠٠
بس اكيد كل حاجة ليها استعمالها ...
بالمناسبة .. الكاتينة جنزير ولا عادي ؟؟

المشاركة الأصلية كتبت بواسطة drxman

طبعا ربنا يباركلك فيها ويديك خيرها ويكفيك شرها
بس انا متخيل انها مش معمولة بالمواصفات دي للسفر
معمولة للمدينة والتنقلات الخفيفة
اكيد جودة الصانع الياباني ١٠٠ ١٠٠
بس اكيد كل حاجة ليها استعمالها ...
بالمناسبة .. الكاتينة جنزير ولا عادي ؟؟

الكاتينة جنزير زى الشارك و الموتور مايفك يعنى تقريبا زى الشارك بس شايلين منه سليندير و مخليينة 1200

معلش يا معلم سؤال كمان
هى العفشة بتعتها ايه اخبرها و واطية ولا علية عشان حواجز الحدود اللى هى فى مصر اسمها المطباط عملا ايه معاها ؟

المشاركة الأصلية كتبت بواسطة mo_portoo

معلش يا معلم سؤال كمان
هى العفشة بتعتها ايه اخبرها و واطية ولا علية عشان حواجز الحدود اللى هى فى مصر اسمها المطباط عملا ايه معاها ؟

العفشة عالية زى الصنى تقريبا و الحمد لله عمرها محكت على مطب حتى لو محملة ...ما شاء الله طبعا

و فى نفس الوقت مش ماثرة على الثبات فى شئ

المشاركة الأصلية كتبت بواسطة mahmoud.fathy

انا ليا ملاحظة بس على الكلام ده كله .... اولا العربية 1200 مش حاجة عيب بس مينفعش نقول انها زي ال 1600 ... هي ال 1200 وقدراتها 1200 وادائها 1200 ... موضوع الموتور مش هيبوظ بعد 100 الف ده كلام مرسل ومش قاطع ومش مبني على تجربة او اثبات ومنقدرش نصدقه الا لما حد يعدي ال 100 الف فعلا .... ثانيا قطع الغيار ولاهي متوفرة ولا هي رخيصة وفيه كتير من الملاك واقفين على مرايات وفوانيس واكصدامات والتوكيل لسة مجبهاش ... بالنسبة للقطع المتوفرة هي القطع المماثلة لعربيات تانية زي تيل الفرامل مثلا بيركبلها تيل الشاريد 2007 ... وهكذا ... لكن اجمالا العربية محترمة جدا

انا شايف ان دة اى انتقاد و خلاص ... لان الكلام كان واضح و انا معايا العربية و عندى جروب فيه 300 واحد على الاقل معاهم العربية ..بالنسبة لانها زى ال1600 فانا باتكلم على الاداء لان العربية وزنها خفيف فمش بطيئة ولا هتحسسك بموضوع 1200 اطلاقا و بالنسبة لل 1600 فى عربيات 1600 بتبقى بطة زى الكارينز انا بتكلم عن اداء عام ..يعنى مش هتركب عربة تقول بطيئة و تقرف او مش قوية او مش راضية تطلع مطلع و انا مشغل التكييف

ثانيا موضوع قطع الغيار واضح قوى انك جايب كلام قديم من الفيس بوك لان الراجل الكان مش لاقى مراية و باب شمال اتحلت مشكلتة من شهور و المرايات و كفرات المرايات بتتباع عند محل اسمه الهدى فى صقر و هو عنده 85% من قطع العربية كل القطع مش تيل الشاريد و انا مغير فى التوكيل الاكصدام و كل حاجة متوفرة فبلاش كلام مرسل

ثالثا موضوع ال100 الف كيلو دا اكبر دليل على ان فى اى انتقاد و خلاص : لان انا بقول 10000 كيلو مش 100 الف راجع الرقم ..و حتى لو 100 الف فدى عربية يابانى و سعرها مش رخيص و معرف جدا ان عمر مواتير العربيات اليابانى عمره مش بيكون اقل من 300 الف او 350 الف من غير اى عمرات فمش هتيجى على العربية دى و حتى لو مش يابانى فمفيش عربية الموتور بتاعها بيبوظ قبل 100 الف حتى الصينى بيغشو المواتير و مواتيرهم بتستمر اضعاف ال 100 الف دى
انتقد بموضوعية

المشاركة الأصلية كتبت بواسطة mahmoud.fathy

انا ليا ملاحظة بس على الكلام ده كله .... اولا العربية 1200 مش حاجة عيب بس مينفعش نقول انها زي ال 1600 ... هي ال 1200 وقدراتها 1200 وادائها 1200 ... موضوع الموتور مش هيبوظ بعد 100 الف ده كلام مرسل ومش قاطع ومش مبني على تجربة او اثبات ومنقدرش نصدقه الا لما حد يعدي ال 100 الف فعلا .... ثانيا قطع الغيار ولاهي متوفرة ولا هي رخيصة وفيه كتير من الملاك واقفين على مرايات وفوانيس واكصدامات والتوكيل لسة مجبهاش ... بالنسبة للقطع المتوفرة هي القطع المماثلة لعربيات تانية زي تيل الفرامل مثلا بيركبلها تيل الشاريد 2007 ... وهكذا ... لكن اجمالا العربية محترمة جدا

و حتى انا مقولتش انها زى ال 1600 انا قلت عكس كدة فى اخر الكلام بس قولت هتحس انها 1600 ..بسبب انها وزنها خفيف جدا و بسبب الفتيس cvt لو تسمع عنه ..الفكرة انك مستحيل تحس ان العربية بطيئة او سحبها وحش او بتتاثر بالتكييف او مش عارف تطلع مطلع و انت معاك 5 فى العربية ...و بعدين انا بتكلم عن اداء عام للعربية و ياما عربيات 1600 عاملين زى البطة منهم الكارينز

بجد بحييك على التقرير المحترم دة كل التحية

الكلام دا كلام جميل جدا ومناقشات ممتازة
انا بس عايز افهم ليه كل ما أسأل حد في معرض أو شغال في مجال السيارات يقولي ابعد عنها دي مالهاش سوق
انا اول مرة هاجيب عربية وبصراحة كنت ناوي على اللوجان وبعدين بدأت اقلق منها فبافكر في الاتراج
عايز أسأل على حكاية قطع الغيار متوفرة ولا لأ واسعارها جوه التوكيل وبره يعني تيل الفرامل المرايات الزجاج مثلا أسعارها كام
تاني حاجة العربية عالية ولا واطية خصوصا في المطبات ومع حمولة في الشنطة والكنبة
تالت حاجه اني ماباشوفش العربية كتير في الطريق ودي حاجة مش مريحاني
وأخيرا ربنا يكرمنا جميعا بالأصلح لكل واحد