الموضوع: هام بشأن الاتراج و من يريد شراءها

للعلم .. العربيه أتراج مش جديده في الأسواق العالميه و موتور ال3 سيلندر موجود من زمان .. للي يحب يشوف الموديلات القديمه يتفرج علیةفيديوهات ميتسوبيشي ميراج دي النسخه الهاتشباج بنفس الموتور و بتنتج من زمان.

المشاركة الأصلية كتبت بواسطة mohamed bakr

ال 1600 اكيد احسن و اقوى فى بعض العربيات و انا لو معايا 30 الف زيادة كنت اشتريت شارك

بس انا مختلف معاك تماما فى موضوع المبيعات لان من اسبوعين الاهرام طلع تقرير عن مبيعات العربيات و الاتراج البقالها 8 شهور و العربيات كانت بتيجى بالحجز و تستلمها بعد شهر واخدة 11% من مبيعات فئة اقل من 1300cc و طبعا البيكنتو متصدرة الترتيب ب 19% و البيكانتو بقالها سنين
الاتراج هتاخد فرصتها بعد مالجهل يتزاح شوية
و نفتكر ديما سنة 1998 لما نزلت عربية جددة اسمها كيا برايد "العصفورة" الناس قالت ايه و بعد كدا كانت مبيعاتها عاملة ازاى

+ 111111111

المشاركة الأصلية كتبت بواسطة ahmednaeem

مبروك عليك ان شاء الله وعندي شويه استفسارات
استهلاك البنزين اخباره ايه ؟
اخبار السحب ايه وفي اربع افراد ركبين العربية ؟ ويا سلام لو التكييف شغال كمان ؟
اعلي سرعة جبتها بيها كام ؟ وكان بسهولة ولا ايه الاخبار

1- استهلاك البنزين كويس جدا و موفرة جدا كل ملاك العربية بيقولوا كدة و كل واحد بيقارن بينها و بين القديمة واحد قال ان استهلاكها بالظبط نص استهلاك الفيرنا
2- السحب كويس جدا لو فى اربعة بس متتقارنش ب 1600 و التكييف مش بيفرق فى جميع الحالات و دى اضمنها 100% ..يعنى لو مش عاوز تجرى و تتمنظر مش هتحس بموضوع 1200 دة خالص
3- اعلى سرعة 175 كم
لحد 160 بسهولة جدا و بعد كدة بتزيد براحتها
و جبت اعلى سرعة مع التكييف لانى مش بفتح ازاز

المشاركة الأصلية كتبت بواسطة d.thomas

نفسي استفسر عن عمر موتور 1200 cc بعد 4 او 5 سنين من الاستهلاك والاعتماد علية داخل البلد وفي السفر , هل كل شوية هيحتاج عمرة ؟

-لحد دلوقتى مفيش شكاوى من الموتور و محدش يعرف عمرة الافتراضى اد ايه لان محدش عدى 25000 كم تقريبا و مفتكرش حد بيحسبها كدة لانك كدة هتستنى 4 او 5 سنين عشان تطلع احصائية سليمة بعمر الموتور

-النعرفة ان دى عربية من شركة يابانية عمرهم معملوا حاجة بتبوظ بسرعة او وحشة فمش هتفرق 1200 او 2500 او 4000 هى نفس الخامات و نفس المهندسين

-الناس كلها كانت بتقول 100 الف ليه دى غالية على 1200 و كدة ..اظن دا دليل انهم ماضحوش بجودة العربية و الموتور عشان ينزلوا السعر العربية سعرها معقول و يدل على جودة خاماتها

جزاك الله خيرا على التقرير، وبالتوفيق إن شاء الله.

ايه اخبار قطع الغيار ؟

المشاركة الأصلية كتبت بواسطة mo_portoo

ايه اخبار قطع الغيار ؟

متوفرة فى التوكيل و فى محلات كتير

منهم محل فى صقر قريش جمب همام بيجيب قطع غيار اصلية

طبعا ربنا يباركلك فيها ويديك خيرها ويكفيك شرها
بس انا متخيل انها مش معمولة بالمواصفات دي للسفر
معمولة للمدينة والتنقلات الخفيفة
اكيد جودة الصانع الياباني ١٠٠ ١٠٠
بس اكيد كل حاجة ليها استعمالها ...
بالمناسبة .. الكاتينة جنزير ولا عادي ؟؟