هام بشأن الاتراج و من يريد شراءها

**ahmed_adly** · 26-05-2015 01:31 PM

الله ينور تمام كدا يا باشا

**tarek_gamal** · 27-05-2015 10:51 PM

بتعمل معاك كام فى الصفيحه ..و عملت كام كيلو فى 8 شهور و ثبات لعايه كام 120 مثلا ..شكرا على التقرير و ربنا يبارك لك فيها

**tarek zedan** · 29-05-2015 06:32 AM

؟؟؟؟

**Amr_MO** · 30-05-2015 11:05 PM

تقرير محترم

عندي سؤال عن التكييف بأمانة

اداء تكييفها اخباره ايه خصوصا في يومين الحر الي فاتو، يعني مثلا عارفين ان تكييف الفيرنا تلاجة حتى للي قاعد ورا، فأخبار تكييفها ايه مقارنة بالفيرنا لأن النقطة دي مهمة جدا، يعني لما الصيف يشد حيله ويدخل بتقله وتشغل التكييف العربية هتسقع فعلا خصوصا للي قاعد ورا؟ عشان ميبقاش الي قاعد قدام بس هو الي مستمتع بالبرودة والي ورا يتسلق

وشكرا لك

**mohammad isdf** · 31-05-2015 02:08 PM

كلام محترم

انا متحير بينها وبين اللوجان

حاسس ان اللوجان فيها كماليات كتير جدا عن الأتراج

لكن ماركة الأتراج وتوفير البنزين دى مهمة عندى

الحاجه اللى مخوفانى منها

الحجم سمعت ان الكنبه اللى ورا ضيقة .. يعنى اتنين يبقو مسترحيين ولكن تلاته يبقى مش عارفين يقعدو ، هل ده صح ؟

كمان سمعت ان الشنطة ضيقه أو شبه منحرف فمهدره مساحات فيها ؟

مسألة الموتور مش مخوفانى .. كان معايا ابيزا موتور 1300 .. والحصان بتاعه كان اقل من الاتراج والنيوتن بتاعه كذلك .. لكن سؤالى فى المطالع ولو محملها كتير والشنطه مليانه .. العربية بتثبت على سرعتها ولا بتقل ولا تقدر كمان تزود سرعه وانت على مطلع ؟

سمعت انها للمدينة فقط !! يعنى مسافرش بيها مثلا ولا ايه .؟ عايز اروح بيها مطروح او اسكندرية ؟ هل فى خطورة ؟

أرجو الرد عشان الاجابات مهمة جدا بالنسبالى لتحديد مصيرى

**unl0veable** · 31-05-2015 04:25 PM

شكرا على التقرير

**M_HaFeZ** · 02-06-2015 09:38 AM

المشاركة الأصلية كتبت بواسطة Mohamed bakr

2- ليه مش هتحس بانك راكب 1200؟؟؟لان العربية خفيفة 900 كيلو و كمان عشان الفتيس CVT و دا هيحسسك انك راكب عربية 1600

متفق معاك فى موضوع ان كفائة القدرة الحصانية الناتجة عن الموتور مرتبطه بالوزن بشده
لكن جزئية ال CVT اعذرنى بس اعتقادى انها نقطه ضد مصلحة المحرك لان ال CVT عادة هينقل على rpm منخفض فمش هيقدم العزم الافضل اللى عادة بيبقى على لفات عالية
صححنى لو انا غلطان

**acs** · 02-06-2015 02:08 PM

جميل جدا
بس اية اخبار الوسع الداخلى . لو واحد طويل ورجعت الكرسى اللى ورا هيقعد كويس

**kokololososo** · 05-06-2015 04:56 PM

فعلا تقرير محترم وخير الكلام ما قل ودل

**Delli7** · 05-06-2015 05:19 PM

السلام عليكم,

كنت باتفرج علي العربية امبارح عند السعودي في طريق مصر اسماعيلية الصحراوي,

الناس اللي بتسأل علي:

1. وسع الكنبة اللي ورا, وهل تكفي لـ 3 اشخاص مرتاحين ولا لأ؟
للأسف, لأن مش هيبقو الـ 3 مراتحين, انما لو فردين فقط هتبقي تمام.

2. الكرسي لو رجعته لورا و واحد طويل قاعد, هيسببله مشكلة؟
لأ مافيش اي مشكلة وتمت التجربة عادي جداً.

3. الشنطة شكلها منحدر ومضيع جزء من مساحتها؟
لأ الشنطة واسعة جدا بعكس ما يبان عليها من شكلها الخارجي.

* اخيراً
نصيحتي لكل واحد بيفكر يشتري عربية سواء جديدة او مستعملة,
انزل بنفسك لف ع المعارض و التوكيلات و هنا وهنا, واتفرج علي دي و اركب دي و شوف ايه هيناسبك اكتر
ماتعتمدش علي الصور فقط من علي الانترنت, وتأكد ان لازم يكون شكل العربية مريح نفسيا ليك علشان دي هتقعد معاك فترة كبيرة

* بعد معاينتي للأتراج, للأسف مش هاشتريها بسبب صغر الكنبة اللي ورا ومش هتقضي العيلة عندي :d

تحياتي للجميع