الموضوع: حد بيفهم فى الطيارات الحربية يفهمنا يعنى ايةطيارة رافال وسوخوى

كان بيتقال ان مصر اشترت الترماي بصفقة الرافال الفرنسية .. لانها طيارة فاشلة فشلت فرنسا بتسويقها .. الطيارة بين يوم و ليلة اصبحت طائرة مطلوبة من قطر .. طلبت شراء 36 طيارة من هذا النوع ! .. ما طالعته ان الطائرة متفوقة و تعتبر ذراع طويلة لعدم حاجتها للتزود بالوقود لمسافات طويلة .. يعيبها سعرها المرتفع و تكلفة تشغيلها .. طبعا السوخوي المقصودة هي السوخوي 35 و دي طائرة حديثة و متفوقة .

"سوخوي 35 اس" الروسية تفوق نظيرتها الأمريكية - مصر العربية

20 سنه في عمر الطائرات قليل جدا مش زي عمر السيارات كل سنتين موديل مختلف

بعد مصر.. قطر تشتري 36 طائرة رافال فرنسية

https://www.youtube.com/watch?v=pgBJ5IJw-RA

https://www.youtube.com/watch?v=b-VNSJMiNt0

شوف يا كبير ابدأ كلامى بالتبرأ الى الله من اى فعل او قول او شخص من الذين يحاربونه ليلا نهارا
الطياره الرافال طياره محترمه جدا و فيها مجموعة الكترونيه و راداريه متقدمه المشكله تكمن فى سعرها و ده سعر بكل تأكيد فرنسا مبالغه فيه جدا
بالنسبه للسو 30 فهى طياره محترمه هى الاخرى و لكنها تعتبر تكنولوجيا تقليديه الا ببعض النسخ المخصوصه منها
افضل طياره روسيه هى طائر الرخ الاسطوريه سو 35 طائرة السياده الجويه و هناك الباك فا 50 الشبحيه و لكنها لا زالت فى طور الاعداد
عامة الطياره المقاتله تقوم على شيئين رئيسين نوع التسليح و الرادار
على سبيل المثال الفرق بين اف 16 المصريه و اف 16 الصهيونيه ايه ؟
المصريه تعتمد على نظام رادارى ذو بصمه كبيره اما الصهيونيه تعتمد على رادار احدث ذو بصمه اكثر انخفاضا يعنى ايه ؟ يعنى المصريه تتشاف من بعيد على اى رادار لكن الصهيونيه تتشاف من مسافه اقرب طيب ده فايدته ايه ؟
لو طياره مصريه و صهيونيه داخلين على بعض كل واحده من ناحيه من مسافه كبيره الصهيونيه هتشوف المصريه و المصريه بالنسبه ليها الصهيونيه غير مرئيه مش موجوده
طيب ده فايدته ايه ؟ نخش بقى على انواع التسليح اف 16 الصهيونيه مزوده بصواريخ اسمها امرام ( تصويب و اطلاق من خارج حدود الرؤيه ) يعنى الطيار الصهيونى مش محتاج يقرب من الطياره المعاديه طالما دخلت الرادار عنده بيضرب عليها صاروخ امرام و يروح بيته يشوف عياله
الامرام لا يخطىء يعنى انت بقى طيار مصرى رادارك قالك ان فيه صاروخ امرام جاى عليك يبقى تاخدها من قاصرها و تضغط على كرسى الايجيكت تنزل بالبراشوت سليم معافى
طيب هل الصواريخ دى موجوده فى اف 16 المصريه ؟ لا امريكا حظراها علينا و حاظره الرادار المتقدم بتاعها
اللى هيا الحاجات الموجوده فى الصهيونيه
* هل الكلام اللى انا قولته ده اسرار ؟ لا طبعا و الا مكنتش عرفته الكلام على المنتديات العسكريه لمن يحب الاستزداه