الموضوع: هام جداً (تجربتى الشخصية)

أستاذ hanen15 الله يسلمك و احب اعرفك ان من قبل ما اشترى الصب ودنى تعبانة هو زود الوجع بس لكن اللى تعبها 4 سماعات بايونير تايلاندى 400 وات ماكس 80 rms راكبين على كاسيت بايونير DEH-4050ub و جى ام سيمفونى 500 وات 4 مخارج بس انا كنت بعلى الصوت جامد لدرجة ان كتير من صحابى مكانوش بيتحملوة 4 ولا حاجة اللى بيتحملو يقعدو جنبى وانا معلى و ركبت الصب السونى 400 rms و 2000 max على مخرجين بريدج من نفس الجى ام يعنى ماكنش واخد ربع طاقتة و خليت الاربع سماعات على مخرجين عشان صوتهم يوطى لكن ودنى تعبت اكتر من البيز بتاع الصب و العبرة فى الموضوع ان اللى بيزيد عن حدة بينقلب ضدة وانا مش عاوز حاجة زى كدة تحصل لحد تانى لان فية ناس بتعلى فاكرة ان عادى ودنك تتحمل اى حاجة و افتكر مرة زمان واحد صاحبى راكب معاة كان مركب 4 بايونير تايلاندى على جى ام سيمفونى 640 و سماعة زى الصب بس صوت ماركة صينى كدة وبازوكا jbl 1000watt على جى ام تانى 640 فى عربية لانسر بطة و كنت راكب معاة قعد يعلى لحد ما لقينا صوت كل حاجة وطى كاننا وطينا الكاسيت على 1 فبصينا لبعض و قفلنا الكاسيت و بنتكلم مش سامعين بعض و ودانا بتصفر قعدنا نزعق عشان نسمع بعض و افتكرنا اننا هنتطرش بس الحمد لله جت سليمة الصوت رجع حوالينا تدريجى و الصفارة راحت خلال ايام و اهى رجعت و مش بتروح لما انا عليت بعد كام سنة يعنى مش كل مرة تسلم الجرة يا استاذ hanen15... خلاصة الموضوع اطقم الصوت دى مش لعبة و مش عشان تتمنظر على الناس تبوظ ودانك لازم تراعى ان دى نعمة من ربنا و هتتسأل عنها يوم القيامة و اسمع على قدك عشان تحافظ على ودانك و متضايقش حد و يستحسن تسمع قرأن احسنلك و انا بكلمك والله و الصفارة لسة فى ودانى مش نافع فيها علاج و سعات ودنى التانية الصفارة فيها تعلى و ترجع تهدى مع انى ساكن فى منطقة مش هادية جنب كوبرى بس الدوشة مش مغطية عليها وصوت الصفارة دا شعور سىء جدا و بيفقدك تركيزك و بينرفزك جامد فياريت الناس تخلى بالها قبل فوات الأوان و ربنا يعافيكم

و على فكرة فية تحذير فى الكتالوج بتاع الصب اللى عندى مكتوب بالنص:
تحذير:
إن مكبرات الصوت ذات التردد المنخفض الفرعية لسلسلة النطاق المعزول تكون قادرة على اعادة انتاج موسيقى فى مستويات ذات اصوات عالية جدا. يجب التمرس على الاحتراس لتجنب فقدان السمع نهائياً. علاوة على، القيادة مع تشغيل النظام بمستويات عالية للصوت قد يعوق قدرتك على سماع طوارىء السيارات.

الف سلامة عليك يا باشا