الموضوع: حل للصداع النصفى ياجدعان

المشاركة الأصلية كتبت بواسطة طارق _عبد السلام

ربنا معاه ويشفيه انا متابع الموضوع كل شويه لان عندى حاله افظع من كده وربنا يشفى كل مريض

بس اسئل صديقك الاول عن معدته لان الباى بروفينيد صعب على المعده جدا هو مسكن 150... وبيبهدل المعده ... بس تاثيره حلو على الصداع ... بس مش الصداع المزمن او الشقيقه

وعلى فكره ممكن الضغط يعمل صداع قاتل ...... يعنى وقت الصداع يشوف اخبار الضغط ايه

موضوع المعدة له حل برضه. . . و الحل ده ممكن يفيد كل الناس اللى بتاخد ادوية كتير عموما و بالذات اللى عندهم امراض فى العظام اللى بيبقى معظم علاجها عبارة عن مسكنات اللى من اثارها الجانبية انها بتلهب المعدة. . . الحل هو اخذ مضاد للحموضة مع الادوية دى و خاصة المسكنات بس قبلها بساعتين عشان لا يؤثر على مفعولها. . . بكده هيحمى المعدة من اثر الادوية الاخرى عليها بزيادة السائل الحمضى. . . طبعا ده ممكن يبان انه صعب انه هياخد دوا عشان يحمى نفسه من الاثار الجانبية لادوية اخرى. . . بس احيانا الظروف بتحكم و بيبقى الانسان التعبان فى عرض اى حاجة تساعد ان حالته تخف. . . ربنا يشفى كل محتاج للشفاء ان شاء الله

المشاركة الأصلية كتبت بواسطة lonedoctor

بغض النظر عن الموضوع
هل مستوى الطب فى مصر انحدر الى هذا المستوى لدرجة انه الناس اصبحت بتسال عن علاج الامراض من غيرها غير المتخصصين ولا اطباء ؟والله فعلا ماساة
التوقيع
طبيب مغترب من 15 سنة

مش اوى كده يا دكتور
مازلنا فى مصر نحترم التخصص و بالذات الطب لانه مفيهوش هزار و حاجة بتمس حياة بنى ادم
و مستوى الطب لم ينحدر لهذه الدرجة لانه مازال يوجد اطباء اكفاء كثيرون لكن المشكلة هى فى العثور على احدهم
و يمكن بتشوف هنا موضوعات بتسأل عن افضل دكتور فى التخصص الفلانى فى المنطقة الفلانية و الناس بتدخل تشارك بخبرتها
لكن مؤكد برضه حضرتك عارف انه احيانا الطبيب بيستخدم كل ادواته لكن يفشل هو و غيره فى علاج الحالة
يعنى الاخ اللى بيعانى من الصداع النصفى اللى ممكن سببه يكون واحد من عشرات الاسباب لكن حظه العاثر انه لم يجد بعد الطبيب اللى يعثر عليه
مؤكد الاخ ده اتهرى MRI و كات سكان على المخ و هى دى اقصى الادوات فى الحالة دى اللى ممكن يستخدمها الدكتور للفحص بدقة اكبر- على حد علمى.
لكن غالبا الحاجات دى مظهرش فيها حاجة توضح للدكتور شئ غريب و بالتالى ظلت معاناته كما هى مع تعدد التشخيصات و العلاجات
لكن لو تلاحظ انا لم ابدأ الكلام الا بعد اوضح صاحب الموضوع ان صاحبه (داخ) على الدكاترة بلا فائدة . . . ساعتها فقط تكلمت عن تجربة شخصية مع دواء جربته و وجدت نتيجة جيدة . . . و هو دواء عادى مجرد مسكن قوى مش حاجة خطيرة او مخصصة لعلاج مرض خطير لان حاجة زى كده مينفعش تتوصف كده بسهولة بين الناس لانه ده بيبقى شئ غلط جدا. . . و غالبا اى حد بيشارك بخبرة فى موضوع طبى بيقول برضه لمن ينصحه انه ياريت يشوف دكتور اخر زى ما عمل احد الاخوة الاخرين المشاركين فى الموضوع . . . بس موضوع الصداع النصفى ده بالذات elusive لدرجة انه الراجل كانت النصيحة النهائية له انه صداع مزمن بلا سبب و يتعايش معه. . . من هنا انا قلت على الدواء اللى جربته من منطلق انها ممكن تيجى على اهون سبب و يريحه دواء عادى متداول جاب نتيجة فى حالة ان لم تكن مماثلة تماما لكنها قد تكون بذات الحدة فى وقتها
تحياتى