الموضوع: حل للصداع النصفى ياجدعان

المشاركة الأصلية كتبت بواسطة imhotep

عن تجربة. . . خليه يجرب biprofenid. . . قرص واحد لو الصداع حدته معقولة او فى بدايته . . . قرصين لو شديد اوى. . . بس ما يزودش عن قرصين كل 24 ساعة. . . و ماياخدوش على معدة فاضية

تسلم ياكبير بس باى بروفنيد دة هايكون اقوى من الميجرانيل يعنى معلش انا ماعنديش خبرة فى الادوية وكلامك بناء على حد عندى صداع نصفى وارتاح مع الباى بروفنيد ربنا يعافينا كلنا ان شاء اللة

المشاركة الأصلية كتبت بواسطة imhotep

انا مش دكتور لكن الحاجة اللى بستخدمها بدرسها كويس. . . الميجرانيل بقى جدول و اعتقد جدول اول كمان يعنى زيه زى المخدرات. . . باىبروفنيد مسكن قوى جدا من فئة اسمها nsaid و هى اقوى فئة مسكنات غير افيونية يعنى غير مخدرة. . . فى النشرة بتاعته هتلاقى انه مكتوب انه من ضمن الحاجات اللى بيعالجها هى الصداع النصفى و ده اللى خلانى اجربه مرة و لاقيته فعلا جاب نتيجة كويسة. . . خليه يجرب و مش هيخسر حاجة لو ماجابش نتيجة . . . لكن لو جاب نتيجة كويسة يبقى وفر على نفسه تعب كتير مع الدكاترة لانها ممكن تيجى على اهون سبب. . .

جزالك اللة كل خير بصراحة هوة داخ مع دكاترة الباطنة والمخ والاعصاب وبردة ماوصلش لحل انا قولت اسال الرجالة هنا
وان شاء اللة هاجرب الباى يروفنيد ياترى لازم استشارة دكتور وهل لية اى اعراض ولا هوة حاجة كدة زى البنادول والكيتوفان يعنى مش محتاج دكتور يوصفة

المشاركة الأصلية كتبت بواسطة samyyousef

انصحه بالا ييأس من البحث عن العلاج المناسب من طبيب متخصص
و ليجرب الحجامة على يد طبيب متخصص ايضا
و الله الشافي

واللة الدكاترة خليتة يلف حوالين نفسة مابين قصور فى الدورة الدموية ومابين ادوية مش موجودة فى السوق ومابين نقص حديد للاسف مافيش نتيجة وعلى العموم هاقولة على موضوع الحجامة ممكن
اللة المستعان وشكرااا

المشاركة الأصلية كتبت بواسطة imhotep

لأ مش محتاج استشارة دكتور و لا حاجة و الباى بروفينيد مسكن عادى بس قوى و من مادة اسمها كيتوبروفين . . . كل الحكاية بس انه ما ياخدوش على معدة فاضية عشان المسكنات من الفئة دى بتزود حموضة المعدة و ممكن كثرتها و استخدامها على معدة فاضية يسبب قرحة. . . عشان كده يستخدمه عند اللزوم فقط و الجرعة زى ما قلتلك و دة اللى مكتوب فى النشرة. . . و مين عارف جايز كيمياء جسمه تيجى عليه و يجيب معاه نتيجة كويسة. . . و خليه يخلى باله من نقطة تانية مهمة. . . ان علاج الصداع النصفى فى اوله و قبل ما يتفاقم افضل حاجة لانه لو سابه يوصل لغاية انه يخلى دماغه هتتفرتك ده بيخليه يروح بصعوبة و بيعمل بقى الترجيع و بقية الحالة الصعبة اللى بيبقى فيها مع العلم ان المسكن بياخد حوالى 20-30 دقيقة عشان يبدأ يحس بمفعوله

ياباشا تسلم ربنا يعزك
المشكلة انة بقى الصداع عندة عادى وبيقولى خدت علية خلاص بس ساعات بتوصل انة دماغة هاتتفرتك من الام والترجيع بيكون النتيجة ربنا يشفية ويشفى كل مريض وان شاء اللة هاشوف موضوع الباى يروفنيد وهاقولة علية ان شاء اللة لعل وعسى يكون سبب قى تخفيف الامة ان شاء اللة