الموضوع: تقييم شامللــ النترا 2015 .

المشاركة الأصلية كتبت بواسطة soltanfriend

اولا احييك على الموضوع الجميل والعربية الاجمل
ثانيا انا معايا العربية استلام 17/10/2014 ثانى فئة فتحة سقف وماشية لغاية دلوقتى 3400 كيلو فقط وليا استفسارات
1- العفشة حاسسها بتدبدب فى النقر البسيطة
2- الماكينة من بعد صيانة ال1000 وصوتها بقى مسموع خصوصا مع التسخين الصبح وقبل تغيير الزيت فى الصيانة ماكنش فيه صوت تماما
3- استهلاك البنزين جيد ولكن مش زى الارقام اللى بسمعها تماما يعنى انا لغاية دلوقتى الاستهلاك على الشاشة عندى 10.7 لكل 100 كيلو
4- الفرامل لازم ارجلشها كل شوية غير كدا العربية بتزحف جامد جدا
5-فتحة السقف من بعد يومين الرمل اللى فاتو بقت بتطقطق خفيف وانا بفتحها لفوق ومش عارف اشحمها او اعملها صيانة عند مين
اخيرا الحمد لله العربية جميلة جدا وشيك جدا جدا جدا بس هو كل اللى مضايقنى صوت العفشة خصوصا انى ناوى اركب جنط وخايف ليعمل صوت اكتر من اللى موجود ثانيا الفرامل بتقلل ثقتى فى العربية خصوصا انها فى الجري مابتتوصاش ما شاء الله طيارة
فكنت عايز اعرف ايه الحاجات اللى هاتتغير بعد ال5000 كيلو وهاتتغير لواحدها ولا فى صيانة التوكيل
وكمان عايز اعرف صيانة ال5000 بتتكلف كام تقريبا واعملها فين خصوصا ان فرع العبور حاسسهم ناس كفته على الاخر
وجزاك الله كل خير

بداية الف مبروك علي العربية .. ربنا يحفظهالك و تستعملها في الخير دايما .
* بالنسبة للعفشة .. من المتفق عليه ان العفشة في الهيونداي بيكون فيها نقر او دبدبة علي الطرق المكسرة او غير المستوية .. لكن للتقليل من الوضوع ده حضرتك تتأكد من شوية حاجات ...أولها انك راجعت ضغط هواء الكاوتش بعد الاستلام لانه بيكون في التخزين مظبوط علي 45 .. ثانيها انك تطلب منهم تربيط العفشة في الصيانة القادمة و تقولهم علي موضوع النقر ده كملاحظة مستقلة عشان يهتموا بيها .. ثالثها .. علي 5000 - 6000 حتلاقي موضوع النقر و الدبدبة ده خف كتير عن الأول و حتكون العفشة انعم بفارق ملحوظ عن دلوقتي .
* استهلاك البنزين اللي حضرتك كاتبه تقريبا هو الطبيعي .. ممكن يزيد او ينقص شوية صغيرة .. متعتمدش في قياس الاستهلاك علي قياس العربية لانه بيتغير كل لحظة من إشارة لطريق مفتوح لمطلع لمنزل ..الخ .. لكن اعتمد علي القياس من ساعة ما تفول العربية .. اعرف حطيت كام ليتر و صفر العداد و اعرف مشيت بيهم كام كيلو .
فتحة السقف محتاجة بس شوية تنظيف و إعادة تشحيم و دي يعملوها في الصيانة اللي جاية ..
* بالنسبة للصيانة كنت باعملها في العربية القديمة في أبو رواش .. لكن الموضوع كان تقيل اوي علي قلبي لصعوبة المشوار و بعد المسافة .. العبور اقرب لمنطقة سكني دلوقتي و بتعامل معاهم بقالي اكتر من سنة " في العربية القديمة و حاليا في الجديدة " ..بالنسبة لي مش بطالين .. لكن لازم تركز معاهم كويس جدا و تتأكد من ان كل ملاحظاتك تم التعامل معها و اصلحها .. و خد و ادي معاهم و متعديش حاجة .. و للانصاف "معظم" الناس اللي هناك محترمين و بيستجيبوا لملاحظات العميل .
*صيانة الــ 5000 بالنسبة لي كلفت تقريبا 200 ج أكثر او اقل قليلا.. و هيا كلها عبارة عن تشييك علي العربية بالكامل و رجلشة الفرامل و التشييك علي الانوار و متابعة مستوي الزيوت و السوائل و تربيط العفشة و مراجعة ملاحظات العميل .. وبصراحة مش فاكر مبلغها بالظبط لاني مبفتكرش انا واكل ايه النهارده أساسا .. لكن حوالين الرقم ده لانها بدون تغيير زيت "" انا بغير زيت و فلتر كل 10000 " ..اذا كنت حتغير زيت 10000 ضيف حوالي 400ج
بالتوفيق :)

المشاركة الأصلية كتبت بواسطة omaranes77

الف مبروك
ربنا يباركلك فيها
هي فيها ايمبوليزر

الله يبارك فيك
اينعم فيها في جميع الفئات من الاولي للهاي لاين

المشاركة الأصلية كتبت بواسطة hassan khalil

بداية الف مبروك علي العربية .. ربنا يحفظهالك و تستعملها في الخير دايما .
* بالنسبة للعفشة .. من المتفق عليه ان العفشة في الهيونداي بيكون فيها نقر او دبدبة علي الطرق المكسرة او غير المستوية .. لكن للتقليل من الوضوع ده حضرتك تتأكد من شوية حاجات ...أولها انك راجعت ضغط هواء الكاوتش بعد الاستلام لانه بيكون في التخزين مظبوط علي 45 .. ثانيها انك تطلب منهم تربيط العفشة في الصيانة القادمة و تقولهم علي موضوع النقر ده كملاحظة مستقلة عشان يهتموا بيها .. ثالثها .. علي 5000 - 6000 حتلاقي موضوع النقر و الدبدبة ده خف كتير عن الأول و حتكون العفشة انعم بفارق ملحوظ عن دلوقتي .
* استهلاك البنزين اللي حضرتك كاتبه تقريبا هو الطبيعي .. ممكن يزيد او ينقص شوية صغيرة .. متعتمدش في قياس الاستهلاك علي قياس العربية لانه بيتغير كل لحظة من إشارة لطريق مفتوح لمطلع لمنزل ..الخ .. لكن اعتمد علي القياس من ساعة ما تفول العربية .. اعرف حطيت كام ليتر و صفر العداد و اعرف مشيت بيهم كام كيلو .
فتحة السقف محتاجة بس شوية تنظيف و إعادة تشحيم و دي يعملوها في الصيانة اللي جاية ..
* بالنسبة للصيانة كنت باعملها في العربية القديمة في أبو رواش .. لكن الموضوع كان تقيل اوي علي قلبي لصعوبة المشوار و بعد المسافة .. العبور اقرب لمنطقة سكني دلوقتي و بتعامل معاهم بقالي اكتر من سنة " في العربية القديمة و حاليا في الجديدة " ..بالنسبة لي مش بطالين .. لكن لازم تركز معاهم كويس جدا و تتأكد من ان كل ملاحظاتك تم التعامل معها و اصلحها .. و خد و ادي معاهم و متعديش حاجة .. و للانصاف "معظم" الناس اللي هناك محترمين و بيستجيبوا لملاحظات العميل .
*صيانة الــ 5000 بالنسبة لي كلفت تقريبا 200 ج أكثر او اقل قليلا.. و هيا كلها عبارة عن تشييك علي العربية بالكامل و رجلشة الفرامل و التشييك علي الانوار و متابعة مستوي الزيوت و السوائل و تربيط العفشة و مراجعة ملاحظات العميل .. وبصراحة مش فاكر مبلغها بالظبط لاني مبفتكرش انا واكل ايه النهارده أساسا .. لكن حوالين الرقم ده لانها بدون تغيير زيت "" انا بغير زيت و فلتر كل 10000 " ..اذا كنت حتغير زيت 10000 ضيف حوالي 400ج
بالتوفيق :)

اشكرك جدا يا استاذ حسن وان شاء الله ربنا يستر طريقنا

المشاركة الأصلية كتبت بواسطة soltanfriend

اولا احييك على الموضوع الجميل والعربية الاجمل
ثانيا انا معايا العربية استلام 17/10/2014 ثانى فئة فتحة سقف وماشية لغاية دلوقتى 3400 كيلو فقط وليا استفسارات
1- العفشة حاسسها بتدبدب فى النقر البسيطة
2- الماكينة من بعد صيانة ال1000 وصوتها بقى مسموع خصوصا مع التسخين الصبح وقبل تغيير الزيت فى الصيانة ماكنش فيه صوت تماما
3- استهلاك البنزين جيد ولكن مش زى الارقام اللى بسمعها تماما يعنى انا لغاية دلوقتى الاستهلاك على الشاشة عندى 10.7 لكل 100 كيلو
4- الفرامل لازم ارجلشها كل شوية غير كدا العربية بتزحف جامد جدا
5-فتحة السقف من بعد يومين الرمل اللى فاتو بقت بتطقطق خفيف وانا بفتحها لفوق ومش عارف اشحمها او اعملها صيانة عند مين
اخيرا الحمد لله العربية جميلة جدا وشيك جدا جدا جدا بس هو كل اللى مضايقنى صوت العفشة خصوصا انى ناوى اركب جنط وخايف ليعمل صوت اكتر من اللى موجود ثانيا الفرامل بتقلل ثقتى فى العربية خصوصا انها فى الجري مابتتوصاش ما شاء الله طيارة
فكنت عايز اعرف ايه الحاجات اللى هاتتغير بعد ال5000 كيلو وهاتتغير لواحدها ولا فى صيانة التوكيل
وكمان عايز اعرف صيانة ال5000 بتتكلف كام تقريبا واعملها فين خصوصا ان فرع العبور حاسسهم ناس كفته على الاخر
وجزاك الله كل خير

صديقي العزيز، بخصوص صوت الماتور هو بيبقي عالي أول ما تدور و لحد لما العربية تسخن.. الrpm بيقل لحد 700 و الصوت المفروض مابيقاش مسموع تماما..
بخصوص الاحساس بالنقر و بعد تجربة تغيير الكاوتش لبريدجستون.. الفرق رهيب بينه و بين الكاوتش الاصلي الهانكوك.. صوت الكاوتش بيختفي تماما و الاحساس بالنقر و فواصل الكباري بيقل جدا.. لكن المطبات و الحفر تظل مشكلة العفشة الناشفة شوية مشكلة....
بالنسبة للفرامل و بالرغم ان عندي ABS لكن أدائها جيد جدا (بدون ما الABS يشتغل) و مش طبيعي ترجلش كل شوية.. إعمل صيانة ال5000 في العبور في يوم نص الاأسبوع مايبقاش زحمة و بلغ المهندس يشيك علي كل المشاكل الي ذكرتها.. في حدود 200 جنيه.. إنت في الضمان و هتحتاج تروح التوكيل علي الأقل صيانات ال10000 عشان الضمان.. قدام شوية ممكن تعمل صيانات ال5000 في أي مركز خدمة بربع السعر.. العملية كلها تشييك و تربيط للعفشة لكنها بتفرق جدا في صوت و أداء العفشة..
بخصوص تغيير الجنط.. يا ريت تاخد رأي أهل الخبرة في المنتدي الكريم.. خاصة لو هتغيير مقاس الجنط.. الي راكب عندي 15 و اعتقد ال16 مقبول لكن ال17 بيددب و مش مريح علي حد علمي و الكاوتش الي هيكب عليه أغلي.. و إستشير كمان لو ينفع تعرض الكرتش شوية ( من غير مايحك فالرفارف) لأنه أكيد هيحسن أداء الفرامل... بالتوفيق..

شكرا لصاحب الموضوع علي التقرير..
ملاحظة.. التحذير بعد ال120 شغال عندي في موديل 2013.. صوته واطي بس شغال وبينور لمبة صفراء في التابلوه.. يا ريت تتأكد من وجود اللمبة دي بوضع المفتاح في الكونتاكت مع عدم تشغييل الموتور.. لمبات التحذير كلها هتنور مع بعض و تقدر تتأكد من وجود لمبة تحذير ال120 أو عدم وجودها..

المشاركة الأصلية كتبت بواسطة dadapharma

بخصوص الاحساس بالنقر و بعد تجربة تغيير الكاوتش لبريدجستون.. الفرق رهيب بينه و بين الكاوتش الاصلي الهانكوك.. صوت الكاوتش بيختفي تماما و الاحساس بالنقر و فواصل الكباري بيقل جدا.. لكن المطبات و الحفر تظل مشكلة العفشة الناشفة شوية مشكلة....

بخصوص تغيير الجنط.. يا ريت تاخد رأي أهل الخبرة في المنتدي الكريم.. خاصة لو هتغيير مقاس الجنط.. الي راكب عندي 15 و اعتقد ال16 مقبول لكن ال17 بيددب و مش مريح علي حد علمي و الكاوتش الي هيكب عليه أغلي.. و إستشير كمان لو ينفع تعرض الكرتش شوية ( من غير مايحك فالرفارف) لأنه أكيد هيحسن أداء الفرامل... بالتوفيق..

موضوع تغيير الكاوتش بيراودني عن نفسي من ساعة ما جبت العربية لمجرد محاولة تخفيض الصوت .. بس قلت استعمل ده شوية و بعدين اغيره .. يا ريت حضرتك تذكر اا كنت جبت نفس المقاس بالظبط و اللا غيرت و كلفك كام !!
تغيير مقاس الجنط لــ 16 مفيهوش مشكلة اذا تم الاتزام بنفس مقاسات الصانع اللي موجودة في الفئ الاعلي من العربية "" بتنزل أساسا بجنط 16 "" ... الجنط الــ 17 مرفووووض تماما للعربية .. حيقطم عمر العفشة و يعذبك و حتحس بكل نقرة و دبة و طوبة و زلطة في الأرض .

المشاركة الأصلية كتبت بواسطة dadapharma

شكرا لصاحب الموضوع علي التقرير..
ملاحظة.. التحذير بعد ال120 شغال عندي في موديل 2013.. صوته واطي بس شغال وبينور لمبة صفراء في التابلوه.. يا ريت تتأكد من وجود اللمبة دي بوضع المفتاح في الكونتاكت مع عدم تشغييل الموتور.. لمبات التحذير كلها هتنور مع بعض و تقدر تتأكد من وجود لمبة تحذير ال120 أو عدم وجودها..

شكرا لحضرتك ..ربنا يبارك لك في عربيتك و يرزقك خيرها .. لمبة التحذير بالفعل مش موجودة و كنت سمعت من قبل ما اجيب العربية انها مش موجوة علشان كده مدققتش اوي وراها .. المفاجأة اني عرفت انها مش موجودة برده في 2012 الوكيل .. لكنها موجودة في 2012 الخليجي!!! اذن كلمة السر عند غبور نفسه ..
عموما حعمل زي ما قلت و اراجع عليها تاني ...يمكن :)
تحياتي

انا معايا النترا 2015 هاي لاين اللمبة موجودة عادي جدا وبتبقا في عداد السرعه من تحت

المشاركة الأصلية كتبت بواسطة wessam 14

انا معايا النترا 2015 هاي لاين اللمبة موجودة عادي جدا وبتبقا في عداد السرعه من تحت

اللمبة الحمراء و اللا الصفرا ا.وسام .. و هل فيه صوت تحذيري بعد الــ120 كم؟