الموضوع: مياه داخل غطاء الزيت ... ياريت الرد سريعا حتي لا تتفاقم الامور

المشاركة الأصلية كتبت بواسطة borio1704

ظاهرة تبخير المية دي موجودة في كل العربيات اللي حركتها قليلة بلا استثناء.

باختصار.. أي عربية مشاويرها قصيرة (أقل من 8 كيلو في المشوار الواحد) طبيعي جدا إنك تلاقي فيها موضوع التبخير ده.. والمشكلة بتزيد جدا لو حضرتك شايل ثرموستات الكوعة.

ليه يا عم كده؟؟؟

علشان لما الموتور بيبقى بارد.. جزء من العادم بيهرب من السلندر ويدخل البلوك.. والعادم فيه بخار مية.. ومع الحرارة البخار بيتكثف على الأجزاء الباردة (نسبيا).. اللي هي غطا التاكيهات وغطا الزيت.

بعد شوية شغل بالعربية بيكون الموتور سخن وكمية العادم اللي بتهرب من السلندر بتقل قوي ﻹن الشنابر تمددت وحكمت كويس.. وكمان غطا التاكيهات والزيت هما كمان سخنوا.. والبخار اللي اتكثف بيبدأ يخرج واحدة واحدة من بلف الpcv اللي في غطاء التاكيهات.

فالعربيات اللي مشاويرها طويلة لا يمكن تلاحظ المشكلة دي فيها.. ﻹن كل البخار طلع خلاص.

ده السبب الرئيسي اللي بيخلينا نعتبر إن التشغيل المتكرر لمشاوير قصيرة يعتبر من حالات الخدمة الشاقة اللي تستلزم تغيير الزيت بسرعة.. ﻹنه بيبوظ بسبب غازات العادم وبخار المية اللي بيترسبوا فيه.

فيه معلومات اكتر في الموضوع ده:
http://www.nilemotors.net/nile/418186-a.html


طيب حل المشكلة دي إيه؟؟؟

1- ركب ثرموستات الكوعة بأقصى سرعة وشغله مظبوط وظبط دايرة التبريد وحط مية ملونة.
2- ما تستخدمش العربية لمشاوير أقل من 8 كيلو أو 20 دقيقة بشكل متواصل.
3- لو مش بتستخدم العربية كتير.. بطل نظام التسخين عالواقف ده (اللي أغلب الناس بتعمله علشان البطارية ما تنامش).. وابقى شيل كابلات البطارية أحسن.


اوعى تفتكر إنك بركنة العربية تبقى كده بتحافظ عليها... استعملها واستمتع بيها لإن وقفتها دي عليك بخسارة.


...

كلامك مظبوط انا فعلا كل يوم من البيت للشغل والشغل للبيت وده بيعمل حوالي 18كيلو او 20كيلو اجمالي رايح جي وممكن بعض المشاوير القصيرة اللي اخرها 30كيلو ل 60كيلو بالكتير وبتعمل في الاسبوع حوالي 300كيلو اول عن اخر وانا تقريبا بغير الزيت علي 2000 وهو 3000 يبقا انا كدة العربية تمام بس اغير الزيت بدري شوية صح مع تركيب ثيرموستات الكوع

هي المشكلة في نقص الميه جات عليها فترة ودوختني وراجعت علي كل حاجة في دورة التبريد والمانفولد وفي الاخر بصيت علي وش السلندر لاقيته مبخبخ وفيه نقر هي اللي بتعمل كده مليت الوش بالمادتين وساويته كحل موقت لحد ما اغير الوش والميه والحرارة والمروحة اتظبطت والميه ما عادتش بتنقص بس ده كان حل مؤقت يقعد كام شهر المهم بعدها غيرت الوش بواحد استعمال والامور ماشية كويس الحمد لله

اوجز فأنجز كلام الباشمهندس مظبوط 100% عن تجربه وكان الفضل لموضوعه اشكره مرة اخري

المشاركة الأصلية كتبت بواسطة borio1704

http://www.nilemotors.net/nile/328708-a.html

فعلا.. المفروض كده تمام ومفيش مشاكل إن شاء الله

وزي ما حضرتك قلت.. تغير زيت بسرعة ( 5000 كيلو مش أكتر ).. وتركب ثرموستات الكوعة .

على فكرة .. تركيب ثرموستات الكوعة هيخليك تغير زيت على مسافات أطول.. ويوفرلك في استهلاك البنزين. ويحافظ على البيئة.. ويطولك عمر الموتور.

لو عايز معلومات أكتر عن فوايد ثرموستات الكوعة .. أنصحك تدخل على الموضوع ده
http://www.nilemotors.net/nile/328708-a.html


...

كلامك جميل جدا ومفيد وعلمي جدا جدا وعندي سؤال لما يتلف ثرموستات الكوعة والعربية تسخن انا المفرض اعمل ايه وخاصة لو اني علي طريق سريع او مكان مفيهوش قطع غيار (اعتقد انه سؤال واجب قبل التركيب)