الموضوع: إنخفاض أسعار السيارات قادم لا محالة !!

طبعا كلام فوق الراس
وده كمان بياكده اعلان شركتي فورد وجنرال موتورز لخسائرهم التي تعدت 2.5 مليار دولار لكلا منهما

وده غير ان شركة جنرال موتورز اعلنت انها هتحاول ان تسيطر علي الوضع منعا للاعلان الافلاس

اذا الموضوع مش هزار
في خساره اه في خساره
هيبقي في ركود اه هيبقي في ركود

في اسعار هتنزل طبعا وغصب عن الجميع الجشعين منهم والمفتريين

أنا فعلاً قرأت المقاله دي كمان ومقتنع لحد كبير بمحتواها بس مع الأسف عندنا موضوع البيع والشرا في حاجات كتير يخضع لقانون (الفهلوه) مش قانون العرض والطلب، والعبد لله بحث في مواقع اجنبية كثيرة (عشان يعني بعرف شوية إنجليشي على قدي كده) ووجدت ان السيارات المستعملة بالذات لها رقم مرجعي ممكن أي حد يدخل على إدارة المرور التابع ليها السيارة دي ويدخل الرقم الخاص بها ويعرف تاريخ السيارة إجمالاً يعني ممكن يعرف سنة الصنع وعدد الملاك وعدد الحوادث ومدى الأضرار التي أصابت السيارة وما الى ذلك من المعلومات ومفيش فهلوة، ده بالإضافة الى أن كل موديل وماركة مستعمل لها قيمة سوقية مفبولة ومعلنه ومحدش يستطيع رفع القيمة دي على المشتري إلا اذا كان عامل تعديلات في السيارة وعايز فيها قيمة إضافية والغاوي يشتري.

لكن تعالى شوف عندنا العمليه لا يقال عنها غير (هيصة) يعني ممكن تلاقي عربية معروضة بخمسين ألف واخرى نفس الموديل معروضة بـ58 مثلا وده فرق يعتبر كبير للي بيشتري في هذه الفئة وبعدين من الفهلوة عندنا مداراة عيوب السيارة والمبالغة في وصف محاسنها كأنها أحسن من الزيرو، ونادراً لما الواحد يقع على بائع يعترف بعيوب السيارة ويبيعها على عيبها وده طبعاً لانه متوقع ان المشتري يخسف تمنها الأرض لما يعرف عيبها.

طيب ححكيلكم على حكاية يمكن قديمة شوية لاكن حقيقية وهي ان واحد أعرفه كان بيبيع عربية 131 وكانت الأرضيات فيها بايشة ومحتاجة سمكرة جامده من أسفلها فراح لواحد (فهلوي) وعمله الأرضيه من تحت (بالجبس والمشمع) ورشها (أنتركت) وتشوف العربية من تحت كأنها زيرو ((دي حادثة حقيقية والعهدة على الراوي)) وبعد كده باعها بلا أدنى ضمير ولا مراعاة للمشتري الغلبان.

ومع الأسف معظم من يشتري أو يبيع بيكون متوقع خيانه من الطرف الثاني وتكون نتيجة الشد والجذب رفع السعر والمغالاة في السعر واللي باع خلاص باع واللي اشترى شرحه.

أما الزيرو فلا أقول إلا (حسبي الله ونعم الوكيل) بسبب المغالاة الغير معقوله في الأسعار والتي لا تتناسب لا مع ظروف ولا هي أسعار نفس الموديل برا، ومفيش جهة ضبط ولا ربط وتيجي تتكلم يطلعلك واحد يقولك أصل الدولار طلع والين نزل والبترول عمل ايه وأمريكا بتفلس والصين بتصدرنا جوافه بصره واليونان بطلوا يعملو زتون (كلاطاطا) وكلام إفتاءات غريب واحنا احسن ناس في الدنيا تعمل إفتاءات.

لكن ما يمنعش انه في أصوات وناس عاقلة بتنادي بالاعتدال بس دول قدامهم ميت سنة على ماحد يسمعلهم.

لازم فعلاً أسعار السيارات في مصر تأخذ وقفه تكون لصالح البائع والمشتري ويكون في معادلة سعرية مقبولة للطرفين وكلاهما يكون مستفيد..

آسف على الإطالة وربنا يصلح حال كل بائع وكل مشتري.....

يسمع منك ربنا و حوار جنرال موتورز دا هياثر اكييييييييييييييد على السوق فى مصر والعالم كلو و شركه فورد برضو بتقول خسائرها 3 مليار دولار و دى طبعا عشان مسنوده من الحكومه الامريكيه فا مش هتعلن افلاسها طبعا
بس يا رب يكون فيه رقابه على الاسعار خلال الشهور القادمه لاننا هنشوف مهازل !!!!

تحليل منطقى فعلا و الكساد و الازمات دايما هما اللى بيرجعوا اى حاجة لقيمتها الفعلية

يا ريت ....يسمع من بقك ربنا يا باشا:) ....... بس فيه نقطتين مهمين :

- انتاج الشركات الأمريكية أغلبه ما ينفعش ينزل في مصر .....لأسباب كتيرة يمكن أهمها حجم المحركات

- السوق المصري مهما كان مش حيقدر يستوعب كمية كبيرة من الأنتاج العالمي .....السوق اللي فعلا ممكن يفرق مع اللعيبة الكبار هو السوق الصيني و ده برضه لوغاريتم لوحده ;)