إنخفاض أسعار السيارات قادم لا محالة سواء رفعوها دلوقتي أو خفضوها من خلال حملات ترويجية لفترات محددة
يعني أنا شايف بلاش استعمال الجمل " القوالب " اللي الناس بتستخدمها دي من عينة " هى البلد دي حاجة بترخص فيها " " احنا اقتصاد لوحدنا " .....
احنا اقتصاد يتأثر بقوة بالمتغيرات الخارجية حتى وإن قيل عكس ذلك..وعلشان مانخرجش بعيد عن الموضوع نتكلم عن العربيات..قرأت مقالة جميلة الكاتب وضح فيها إن السوق الأمريكية هى أكبر مستوعب للإنتاج العالمي من السيارات يليها السوق الأوربية..صح؟
- طبعاً صح:wacko:
- طيب دلوقتي نفس السوقين دول هما أكبر سوقين تأثروا بالأزمة المالية العالمية صح؟
- أكبر صح :wacko:
إذاً مصنعي السيارات مش هايقدرو يستمروا في ضخ إنتاجهم للأسواق الأمريكية والأوروبية لأن في أزمة ..صح؟
- أكيد صح:wacko:
طيب إيه الحل ؟
- لازم مصانع السيارات العالمية تبحث عن أسواق واعدة تستوعب إنتاجها..
وطبعاً مصر من الأسواق دي ..مع الأسواق الإفريقية والعربية وغيرها
يقوموا يجبروا وكلائهم في المناطق دي على أخذ حصص زيادة من الإنتاج (ماهو المصانع دي هاتودي إنتاجها فين)..
وهنا بقى النقطة المهمة .. الوكلاء المحترمين المفروض هايطالبوا بتخفيض الأسعار لزيادة البيع ..( دا التفكير السليم) إذاً الأسعار انخفضت في الحالة دي.. صح؟
- مش محتاجة كلام طبعاً:wacko:.
- وطبعاً معظم الوكلاء مش محترمين بل يتوفر فيهم الجشع والطمع ..يقوموا يقبلوا طلبات المصانع الموردة بهدف تحقيق مبيعات أكبر ..إيه بقى اللي يحصل؟؟
- ولا حاجة ..هايشربوا الستوكات اللي جابوها لأن الناس مش هاتشتري ليه؟
لأن على الناحية الأخرى هاتلاقي الاستيراد اتفتح على البحري ..كل واحد معاه بطاقة استيرادية هايبدأ يدخل العربيات عندنا وبأسعار أقل بكتير جداً من أسعار الوكلاء ..لأنهم هايشتروا تبعاً للمتغيرات اللي تم تطبيقها على الأسواق الأجنبية ..واللي بالتأكيد وكلائنا الجشعين سوف يقاتلوا في سبيل منعها عن السوق المصرية.
حد موافق على الكلام دا ؟