الموضوع: إنخفاض أسعار السيارات قادم لا محالة !!

المشاركة الأصلية كتبت بواسطة وائل عطية

معلش هو في حاجة حضرتك ما أخدتش بالك منها:
أنا مش قصدي إن السوق المصري يستوعب الإنتاج الأمريكي لأ
وإنما سوق السيارات الأمريكي هو أكبر مستوعب للإنتاج العالمي من السيارت ..يعني مثلاً تويوتا بتبيع نسبة كبيرة جداً من إنتاجها لأمريكا ..طيب أمريكا دلوقتي مش قادرة تاخد ..يبقى إيه اللي يحصل ..تحاول تويوتا رفع مبيعاتها في أسواق أخرى بالآلية السابق ذكرها
دا المقصود

أنا فعلا ما خدتش بالي من قصد حضرتك .....عذرا و شكرا للتوضيح :)

بس برضه نفس الكلام .....يعني تويوتا مثلا أقل سعة محركات بتنزلها ياريس ١٥٠٠ سي سي و كورولا ١٨٠٠ سي سي و البريوس الهجين ١٥٠٠ سي سي

أول عربيه رخصت هي الفيات
كل موديلات الفيات نزلة 10 الاف جنية وانا اتصلت بالتوكيل قالولي السبب هو نزول اليورو

عذرا يا جماعة بس إللى بتقولوا عليه ده ممكن يحصل لو المصانع استمرت في الإنتاج ، الركود والأزمة الاقتصادية بدأت أصلا لأن ما فيش سيوله في البنوك علشان الشركات تاخد قروض أو خطابات ضمان علشان تشتري مواد خام وهي دي الأزمة ، يعني المصانع مش عارفة تشتغل فمنين هييجي الإنتاج الزيادة. بالعكس ده اللي هيحصل إن الإنتاج هيقل والناس دي ما بتلعبش يعني هو مش هينتج سيارة هو عارف إنها مش ههتباع ، ده الشركات الكبيرة دي والعربية لسه تصميم على الكمبيوتر بيبقى معروف هي راحة فين بالضبط ولأي سوق ولأي مستهلك ، يعني العربية إللي بتتصنع لأمريكا لا يمكن تنزل مصروالعربيات اللي بتتصنع لمصر لا يمكن تشم هوا أمريكا .
لكن ممكن نقول إن يجوز أسعار الفايدة تقل ويجوز الجمارك تنزل لتشجيع التجارة فالأسعار تنزل ، لكن مش ممكن العالم كله يبقى فيه أزمة ويبقى عندنا هنا رواج للسيارات ومع احترامي الشديد لكاتب المقال المذكور يبدو أنه متفائل زيادة عن اللزوم.

كل واحد من حقه يقول الكلام اللي هو عايزه لكن هناك معادلة ثبت صحتها على مر التاريخ :

ازمة اقتصادية = ركود = نقص في السيولة = انخفاض في الاسعار

وهذه المعادلة صالحة للتطبيق على ايه سلعة من ابرة الوابور (لو حد لسه بيستعملها) لحد الصاروخ

المشاركة الأصلية كتبت بواسطة sherif Anton

كل واحد من حقه يقول الكلام اللي هو عايزه لكن هناك معادلة ثبت صحتها على مر التاريخ :

ازمة اقتصادية = ركود = نقص في السيولة = انخفاض في الاسعار

وهذه المعادلة صالحة للتطبيق على ايه سلعة من ابرة الوابور (لو حد لسه بيستعملها) لحد الصاروخ

كلام حضرتك صحيح تماما بس لو كان السوق سوق حر ما فيهوش تدخلات من جهات مختلفة