الموضوع: لو كنت رئيسا (01) : وقف توظيف الاناث بالمصالح الحكومية إلا إذا استدعت الوظيفة لذلك

اتفق معك في هذا الفكرة عالاقل الشباب اللي مش لاقي شغل يشتغل ويقدر يفتح بيت

انتوا بتتكلموا بجد

ياجماعة الخير العيب مش موظف راجل ولا موظفة انثى

العيب فى منظومة الروتين واللامبلاة وعدم وجود نظام قوى يحاسب الموظف على ادائه

العيب على عدم وجود مؤشرات اداء تقيس نجاح الجهات والمؤسسات الحكومية فى تحقيق الاهداف والغايات المطلوب تحقيقها

لكن التفكير بمنطق ان الموظفات بتعطل الشغل والموظفين الرجاله بيمشوا الشغل

ده كلام غير صحيح وغير منطقى وملهوش اساس علمى

خلوا بالكم يا جماعة ان المؤسسات الحكومية مؤسسات خدمية ،، مش انتاجية
يعنى تقديم خدمات ، تسيير امور ... مش هاتصنع ولا تنتج شىء

فموضوع الكفاءة و الكلام دا بعيد عن الحسابات ،،

دا غير ان التطوير فى مؤسسة خدمات اصعب من مصانع الانتاج ،، فى الانتاج ببساطة هاتغير آلة أو تزود خامة بتشوف نتيجتها .
و "نص العمى ولا العمى كله" ،، أو فى الحالة المصرية : اعطوله عصاية بدل ما يمشى يتخـبـّـط فى الشوارع :)

لكن التفكير بمنطق ان الموظفات بتعطل الشغل والموظفين الرجاله بيمشوا الشغل

ده كلام غير صحيح وغير منطقى وملهوش اساس علمى

انا بحسه و بعيشه كل يوم ... و عملى :)

المشاركة الأصلية كتبت بواسطة forever.leo

طرح الاقتراح من باب التوفير و تحسين الآداء .. يستوجب ابتداءا .. قصر التعليم على الذكور فقط .. فتقل كثافة الفصول .. و يزيد الاستيعاب .. و يكون الاقتصاد في المصاريف ! .. و اقول فيما اعلم .. بأن الكائن (الزومبي) الحكومي .. فيه من الموظفين الذكور المبدعين .. بتعطيل المصالح .. و شرب الشاي و تدخين السيجارة و قبض الرشا .. كما فيه من الموظفات .. العجيب بأنك لو تقصيت حال بعض ممن تحمس للاقتراح .. تراه ينفق الغالي و النفيس على تعليم بناته .. و يلتمس كل سبيل لتوظيفهن بوظائف حكومية مرموقة !

بتبص لقدام (y)

هو مبدأيا من ناحية التعليم فمنض ضمن افكار ( لو كنت رئيسا ) اننا نلغى مجانية التعليم تدريجيا ( ماعدا التعليم الاساسى )

بس حاليا الوظيفة الحكومية مش هى الدافع لتعليم البنات
و زيادة الاستيعاب مش هو الحافز للقبول فى الوظيفة الحكومية :)

استوقفتنى الجملة دى :

يلتمس كل سبيل لتوظيفهن بوظائف حكومية مرموقة !

هو فيه وظائف حكومية مرموقة ؟

السلام عليكم
تحياتي لصاحب البوست و لمن سبقني من المشاركين
اتفق مع بعض ما قيل و اختلف مع بعضه
فالاداء المذكور لموظفات في الحكومة لن تجده في كل القطاعات
ما قيل عن الوظائف المناسبة للمراة (كالطبيبات) فانا اختلف تماما في هذه الجزئية...فلم اصادف من يثق في طبيبة
حتى لو اتفقت معك من حيث المبدأ في عمل المراة ....ماذا تفعل المراة المعيلة ....المطلقة....الارملة...التي لا يتيسر لها سيبل العمل في القطاع الخاص...كيف تنفق على نفسها