الموضوع: لو كنت رئيسا (01) : وقف توظيف الاناث بالمصالح الحكومية إلا إذا استدعت الوظيفة لذلك

يا جماعة انا بتكلم على الوظائف الحكومية ،، الوظيفة اللى ممكن يشغلها إما راجل او ست ... يبقى الراجل اولى بيها
و الاسباب مذكورة فى البوستات السابقة

كون ان فيه امرأة تعول ، مطلقة ... عندها ظروف من اى اتجاه ، دا بيرفعها فى قائمة الترشيح
الناس مش بتثق فى الدكاترة الاناث ،، بلاش دكاترة اناث ... خلوا شوية بس للنساء والتوليد علشان مطلوبين

طيب واحدة مالهاش وظيفة حكومية ، دخلت طب 7 سنين علشان تربى فراخ فوق السطح ؟؟
لأ يا جدعان ..... تفتح عيادة ،،، تفتح عيادة ،، تفتح عيادة .
مش عاوزة تفتح عيادة و عاوزة تفتح محل سجاد ، براحتها
لكن ماتسيبش دكتور زميلها طالع عينه و مش لاقى شغل ، لحد ما يشوفله كفيل يذل فيه فى الخليج !!

-خريجة تجارة و عاوز تفتح مكتب محاسبة و تبقى محاسبة قانونية ، اهلا وسهلا ،، تشتغل ادارية فى شركة خاصة برضه زى الفل ... تشتغل whatever أللى هى عاوزة تشتغله ، مايضرش
بدل ما هى عندنا فى الشغل ماسكة الحسابات بتتسلى فى دفترين ، و باقى الوقت مقضياه واتس !

-خريجة حقوق ، برضه محامية لو عاجبها المجال ( و لو انه مجال مايتحبش اساسا )
-خريجة تربية ، ماعدش فيه شغل مدرسين فى الحكومة اساسا ( مقضينها اشتغالات اليومين دول ) ، بس على العموم المدارس الخاصة موجودة ،، و فيه اللى شغال دورس من غير ما يبقى مدرس اساسا .. و اهو كله بالحب

-خريجة ايه تانى ؟؟ اى حاجة بقى ،، كدا كدا الخريجين كتييييير و الوظايف قليلة
و الوظايف الحكومية يعنى كام % من اجمالى الوظايف فى البلد ؟
^^ انا قصدى ان الـ كام % دول سيبوهم للرجالة ،، المتعسر يكون فتح بيت

لكن واحدة مش لازمها شغل ،، بتتصارع مع واحد جاب و بيجيب و هايجيب جاز علشان يبدأ حياة !

و برضه متابع معاكم علشان نستعرض كل وجهات النظر

المشاركة الأصلية كتبت بواسطة dede_dodo88

عزيزي صاحب الموضوع, انا مش متفق معاك..
انا مع المساواة بين الرجل و المرأة, ميفرقش ما بينهم غير الكفاءة و الاجتهاد...

كويس بس المساواه دى في القبض بس والصرف لا
لو الست هتصر زى الراجل,تتجند اجبارى,تدفع شبكه ومهر وشقه وتشطيب
اجازاتها زى الراجل "مفيش اجازه رعايه طفل وحمل وساعه رضاعه"
ساعتها هيكون كلامك fair جدا
انما حاليا بصراحه الحريم عبء جامد علينا في الشغل!
على طول اجازات.. واصل بنتى عيانه..اصلي حامل..انا عاوزه اشتغل part time..عاوزه 6 سنين إجازة رعايه طفل..سلامو عليكوا انا هستقيل عشان اقعد مع جوزى ف أمريكا
وحتى لما بييجوا الشغل لو في ضغط شغل احنا نسهر وهم يروحوا
مأموريات بره القاهره نتدبس فيها لوحدنا
انا مش شايف اى نوع من المساواه بصراحه احنا محطوط علينا بالقوى

الوظائف الحكومية أصلا مش أملة و مرتباتها قليلة عشان كدة الستات فيها أكتر من الرجالة. انما بصفة عامة يعني, الشباب المتكحرت و عايز شغل ده عنده فرص زيه زي الستات, لو هي لقت شغل و هو لأ ده رزق بتاع ربنا. يروح هو يشتغل الحاجات التانية اللي انت قلت عليها دي محدش مسكه.

المفروض الفيصل في الشغل الكفاءة و بس. العيب مش في ست و لا راجل العيب في المنظومة الادارية الفاشلة الي خلت عندنا موظفين هما فعليا عواطلية بيقبضوا مرتبات من غير شغل و لا حساب سواء ستات أو رجالة. انما بتصرف بقى مبتصرفش دي حاجة متخصش حد. انشالله تكون بتجيب لبان بمرتبها كله احنا مالنا!!!! بنفس منطقك ده بقى انا بطالب بعدم ترقيه أي عازب عشان المتجوز أبو العيال أولى, و لا تعيين المدخنين لأنهم بيصرفوا فلوسهم فيما يضرهم و يضر المجتمع, و لا توظيف اللي أبوه جابله شقة عشان غيره لسة بيكون نفسه........الخ. مفيش أي منطق في الكلام ده الحقيقة الا انه يلاقي هوى في نفوس البعض.

المشاركة الأصلية كتبت بواسطة hh

الوظائف الحكومية أصلا مش أملة و مرتباتها قليلة عشان كدة الستات فيها أكتر من الرجالة. انما بصفة عامة يعني, الشباب المتكحرت و عايز شغل ده عنده فرص زيه زي الستات, لو هي لقت شغل و هو لأ ده رزق بتاع ربنا. يروح هو يشتغل الحاجات التانية اللي انت قلت عليها دي محدش مسكه.

المفروض الفيصل في الشغل الكفاءة و بس. العيب مش في ست و لا راجل العيب في المنظومة الادارية الفاشلة الي خلت عندنا موظفين هما فعليا عواطلية بيقبضوا مرتبات من غير شغل و لا حساب سواء ستات أو رجالة. انما بتصرف بقى مبتصرفش دي حاجة متخصش حد. انشالله تكون بتجيب لبان بمرتبها كله احنا مالنا!!!! بنفس منطقك ده بقى انا بطالب بعدم ترقيه أي عازب عشان المتجوز أبو العيال أولى, و لا تعيين المدخنين لأنهم بيصرفوا فلوسهم فيما يضرهم و يضر المجتمع, و لا توظيف اللي أبوه جابله شقة عشان غيره لسة بيكون نفسه........الخ. مفيش أي منطق في الكلام ده الحقيقة الا انه يلاقي هوى في نفوس البعض.

انا بتكلم ع المساواه..تعالى نخلى في مساواه وادخلى الجيش 3 سنين ولا تاخديش اجازات كزياده عنى واطلعى مأموريات في طلخا وشبشير واسهرى في الشغل عشان يباه اسمها مساواه
وطالما طالبنا بمساواه يباه تدفعى زيك زييى
ولا هي المساواه على الدواق؟

المشاركة الأصلية كتبت بواسطة 4fun14

انا بتكلم ع المساواه..تعالى نخلى في مساواه وادخلى الجيش 3 سنين ولا تاخديش اجازات كزياده عنى واطلعى مأموريات في طلخا وشبشير واسهرى في الشغل عشان يباه اسمها مساواه
وطالما طالبنا بمساواه يباه تدفعى زيك زييى
ولا هي المساواه على الدواق؟

طيب ما تيجي انت تحمل 3 شهور بس مش 9 و تعالى قوللي رأيك ايه؟؟ و لا نتكلم عالتربية و الشيل و الخدمة و الطبيخ و الغسيل و البيت .....الخ؟؟ ما هو ده نفس منطق ادخلي الجيش و أصرفي زيي و الكلام ده, و بالمنطق ده و الله انتوا مش بتتعبوا ربع تعب الستات أساسا, انما ده كله ايه علاقته بالعدل في الشغل؟؟ و على فكرة اللي كتب على الراجل انه يصرف ربنا سبحانه و تعالى مش حد من البشر و انتوا بتورثوا ضعف الستات محدش أعترض. و بالمناسبة الراجل اللي مبيصرفش على مراته ملوش حق القوامة عليها أساسا و ده المفروض ينطبق على كتيييييييير من الرجالة في مصر :)

نرجع بقى لموضوع الشغل, لو انت بتشتغل أكتر المفروض يبقى لك أوفر تايم و مميزات زيادة و المفروض تكون أولى بالترقيات من اللي مش بيشتغل (سواء راجل أو ست) انما لو ده مش موجود يبقى السبب الفساد و الفشل الاداري في الحكومة اللي مخليها طابونة و ده ملوش دعوة بست و راجل. بدليل ان فيه رجالة بتبقى مقضياها برضه و مبلطجة, و لا ايه؟؟

بالمناسبة انا ما قلتش كلمة مساواه خالص :)

اوكاي انا مشاركتي كانت عن فكره المساواه وبس.. انا ضد المساواه عشان ري ما قلتي..
لا انا هحمل ولا انتي هتصرفي ع بيتك.. لكن قوانين العمل ف الحكومه ف منتهي الظلم للراجل ويتكتب ف الكلام ده مقالات لا تنتهي.. انما الخلاصه لو عاوزين اي قدر من العداله يباه سعر ساعه العمل للراجل زي الست.. الست اللي مقضياها اجازات مينفعش تقبض زي المتمرمط وبيسهر وطافح الدم.. لا وترجع محسوبالها مده خبره وتتمريس عليه
بلد ضايعه