الموضوع: ايرباج الفوكس

مافيش رد من حد ليه يا جماعة ؟؟؟؟؟

المشاركة الأصلية كتبت بواسطة دكتور أحمد

سلام عليكم ... انا كنت بسأل على الفوكس الجيا 2009 . حدود سعرها كام لو حالاتها كويسة ..ويا ريت عايز اعرف موضوع الايرباج بتاع الفوكس ........... ليه كل ما اسأل على عربية فوكس القاها فاتحة ايرباج ؟؟؟ مش عارف ليه الحقيقة وهل الفوكس بتفتح الايرباج بسهولة حتى لو خبطة بسيطة ؟ اصحابها بيقولوا ان الخبطة بسيطة . شئ محير .. شكرا لكم

لا طبعا الفوكس زيها زي اي عربية لازم تكون عاملة حادثة و مخبوطة من قدام علشان تفتح الايرباج
الموضوع ببساطة ان العربيات اللي حضرتك شفتها دي كلها شمال و عاملة حوادث و كلها مخبوطة و مشكلة الفوكس ان علشان تصلح طقم الايرباج شغلانة لانك حتجيب الاتنين ايرباج اللي قدام + الاحزمة+دراعات الاحزمة+قشرة التابلوه( ودي لوحدها مصيبة لانها جديدة غالية جدا و مافيش منها استيراد لان كل الشغل اللي في مصر بيجي من اليابان فكله دريكسيون يمين فقشرة التابلوه معكوسة) دا كمان من غير مصنعية التركيب و التكويد بتاع طقم الايرباج الجديد بالكمبيوترو القصة دي بتخش في 9-11 الف جنية فا مابيصلحاش و يقولك دي فتحت ايرباج من خبطة بسيطة

حضرتك ايرباج الفوكاس حساس جداً فعلشان كده هتلاقي فوكاس كتير فاتحة ايرباج .
اي خبطه في العفشه ممكن تفتح ايرباج وده مش هتلاقيه في اي عربيه .
هدي حضرتك مثال . واحد كان راكب جيتا وكان قدامه بير مرتفع عن الارض فقال هياخده في نص العربيه زي اي عربيه فالجيتا واطيه جداً فخبطت في البير من تحت ففتحت ايرباج . لو حضرتك شفت العربيه مش هتصدق لانها واقفه مفهاش خدش وتشوفها تلاقيها فاتحه ايرباج

اكشف علي العربيه في التوكيل ولو لقيتها الخبطة بسيطه توكل علي الله