والله الواحد بقى عايش فى اوسخ بلد فى العالم
أنا فى الاول ماكنتش بدفع بقشيش خالص غير لما ييجى الراجل يمسحلى الأزاز بديله
بعدين فى الفترة الأخيرة لاحظت الموضوع ده لما مدفعش بقشيش الراجل ياخد الفلوس ويبصلى بأستغراب
بعدين انا اصلا مش بشيل فكة ,فبقيت لما امون أقوله مثلا بـ 99 بدل مية وأديله المية
أنا مش مشكلتى تعاقده ايه مع محطة البنزين أو المحطة ظالماه , واللى بقاله 15 سنة مش بياخد مرتب ومعتمد على البقشيش دى مشكلته هو انا مليش دعوة بيها
يجمعوا بعضهم ويطلهوا يتظاهروا عند باب الوزارة
اللى أكثر من كدا ان اى مكان الواحد بيقف فيه دلوقتى بيطلعلوا سايس عايز فلوس , حتى لو مش بيركن مجرد واقف
والراجل ممكن متشوفهوش غير وانت طالع بالعربية يقولك أيوة يا أستاذ ؟ , بلطجة رسمى
ده انا مرة واحد جالى الساعة 5 الفجر وانا راكن تحت البيت يقولى أيوة
وحتى لما تقوله آسف معيش فكة يقولك هات عايز تفك كام ؟
فى واحد عند زهران فى سموحة الراجل ده بيعمل مش أقل من 700 جنيه فى اليوم , مرة أديتله جنيه قاللى فاضل كمان جنيه , وهو اساسا شغال بلطجى
المشاكل دى كلها مشاكل الدولة , والحكومات الفاشلة وفى الآخر بتصدرها للشعب
الناس بقت على آخرها , كل واحد مستنى حد يقوله "انت" عشان يمسك فى خناقه
الله غالب
المفضلات