سيتروين سي 5 ولا باسات موديلات 2015

**ALshahba** · 31-03-2015 01:00 AM

اولا انا راي c5 افضل لاعتماديتها وقلة استهلاك البنزبن مع موتوﻻ توربو مميز
اما الباسات فهي فعلا سياره لها احترامها وموتورها قوي وصالونها جميل وكماليلتها قليله بالمف
قارنه بالسيتروين......ولكن الفتيس مشاكله كتيره فعلا

ثتنيا توكيل سيتوين "عز العرب" اقلكفائه من وكيل vw ......ولكن الفتره الاخيره سمعت انه حسن اسلوبه والصيانات اصبحت افضل وقطع الغيار اصبحت متوافره افضل من الاول

بالتوفيق ان شاء الله

**Abo fatima** · 31-03-2015 11:43 AM

المشاركة الأصلية كتبت بواسطة mohab.nabil

الباسات مش اعتمادية اكتر من السى 5 خصوصا مع الفتيس الـ dsg ، عربية الفتيس بتاعها عليه كلام كتير جدا و ضرب من ناس كتير تبقى اعتمادية ازاى ؟

الـ 508 تقريبا هى هى الـ c5 مع بعض الاختلافات الفنية البسيطة لصالح السى 5

و كده كده اظن حضرتك هتجيب عربية بربع مليون هتعلمها صيانة فى التوكيل و عموما موتور السى 5 مشترك مع عربيات كتير جدا يعنى هى مش عربية عجيبة

طب ممكن تقولنا ايه هي العربيات الكتير اللي مشتركه معاها في نفس الموتور

**Mohab.Nabil** · 31-03-2015 12:46 PM

المشاركة الأصلية كتبت بواسطة Abo fatima

طب ممكن تقولنا ايه هي العربيات الكتير اللي مشتركه معاها في نفس الموتور

الموتور اساسه شركة بي تم دبليو و كان بيتحط في الميني كوبر

و بعدين مجموعة بيجو ستروين خدته و طوروه و حطوه في عرببات كتير جدا من المجموعة

منها فى مصر ببجو 508 ، بيجو 308 الجدبدة ، بيجو 3008 ، بيجو 5008 ، ستروين ds4

**ALshahba** · 03-04-2015 09:42 PM

حد عنده فكره يا جماعه عن تشغيل الموتور بمفتاح عادي ولا زرار تشغيل اوتو (push button)
بتكلم بالنسبة لسيتروين C5

**Abo fatima** · 04-04-2015 11:08 AM

المشاركة الأصلية كتبت بواسطة alshahba

حد عنده فكره يا جماعه عن تشغيل الموتور بمفتاح عادي ولا زرار تشغيل اوتو (push button)
بتكلم بالنسبة لسيتروين c5

معلش ممكن توضح اكتر. و السؤال ده معناه ان حضرتك بتمتلك الستروين بالفعل ولا هو مجردؤسؤال. ولو حضرتك تمتلك السياره بالفعل ممكن تكلمنا شويه عليها. وشكراً

**ENG\AHMED** · 04-04-2015 11:30 AM

المشاركة الأصلية كتبت بواسطة alshahba

حد عنده فكره يا جماعه عن تشغيل الموتور بمفتاح عادي ولا زرار تشغيل اوتو (push button)
بتكلم بالنسبة لسيتروين c5

مفتاح عادى .. مفهاش سمارت كى

**Abo fatima** · 05-04-2015 02:06 AM

بصراحه الأمر أصبح في غايه الصعوبة مع كل الإمكانيات ده و مفيهاش سمارت كي و مع ذلك الستروين انا شايف ان شكلها احلى و ألوانها جميله و فيها اوبشنز كتيره. الباسات كفايه انها ألماني بس موتور الستروين اقوي و فتيس مفيهوش مشاكل. القصه بالنسبه لي صيانه. محتار

**eng.m7md.ali** · 05-04-2015 02:26 AM

انا من رأيي سي 5

انا بحترم الموديل ده جداً هو وال ds5 بجد عربيات مبهرة وشيك جداً وفخمة جداً ممن برة ومن جوة حتي باين عليها من التقفل والخامات والتصميم الداخلي يشدك اكتر من الباسات .. لو معاك فلوس ال ds5 لا تتردد انك تجيبها علي الاقل عربية مميزة جداً .. عربية الصفوة ومش اي حد يركبها

**ENG\AHMED** · 05-04-2015 08:12 AM

الـ c5 ميزاتها مريحة جدا فى المطبات والتكسير , العزل كويس جدا , واسعة وتقفيلها محترم وصاجها كمان
اعتقد كماياتها هتبقى زى الباسات لأنها عادية الى حد ما ... طبعا الشكل وافتكاسات ستروين مختلفة عن الباسات تماما اللى بتميل للمحافظة والهدوء والشياكة اكتر
الاستابلتى مش اوى
الموتور عفى وان كان مش الاقوى .. على سبيل المثال الانسجنيا اشد
قطع غيارها التوكيل وبس
اعادة بيع سيئة .... فى عربيات بتخسر فى اعادة البيع وفى عربيات بيتخسف بيها الارض دى من النوع التانى .. لو عاجباك متجيبهاش زيرو هاتها كسر احسن

**Abo fatima** · 06-04-2015 01:09 PM

المشاركة الأصلية كتبت بواسطة eng f3lix

انا من رأيي سي 5

انا بحترم الموديل ده جداً هو وال ds5 بجد عربيات مبهرة وشيك جداً وفخمة جداً ممن برة ومن جوة حتي باين عليها من التقفل والخامات والتصميم الداخلي يشدك اكتر من الباسات .. لو معاك فلوس ال ds5 لا تتردد انك تجيبها علي الاقل عربية مميزة جداً .. عربية الصفوة ومش اي حد يركبها

لو أمام حضرتك العربيتين تشتري مين بدون حيادية